1 Korin 7:35 - Bal cehec je haun

³⁵ Ija age Tibud toodocnu wawaga lecis qee biliaunnu gale tena. Eunu ija cesuladecnu je i maadigina. Odimig ija age cahacadecnu qee maadigina qa age tutuc biluqagannuca, age gaid Tibudna cabi oqagannuca je i maadigina.

1 Korin 7:35 ပူးပေါင်းရင်းမြစ်များ

Matju 22:15

Farisi age ege Jisas conadec uqa hagaldocnu je oso oqan imeig togodoin.

Me Je i Luk Jaqen 21:34

Jisas je haun maaden, “Euqa ceteteh maha inadecnu cain cisdowain. Cain ja ben qowain. Cain dalul aqeiaun. Maha ina cebac bilecnu cain jaen aqeiaun. Agedodocnu cofdoiga. Qeefi, Gesilec Deel Ben eu mahuc ageca bolob cinigwe hugian.

Me Je i Luk Jaqen 8:14

Aig dud geuna tonennu madiga eu odiwe dana age je dah megina, euqa age mahana bibileig mahana bilecnu jaen aqecca, maha cehewan ocnuca, amaga qocnu cetehca eu wawagana humei Anutna je cilehdocob agena aig qee wal megina.

1 Korin 7:2

Euqa cajaca wal kobol filfil odoc nijina eunu dana cunug age aidagailca osolosol bilecebilfi eu me. Odocob caja cunugha age gemugailca osolosol bilecebilfi euha me.

1 Korin 7:28

Euqa hina caja oganfi hina silail qee magaun. Odocob caja uqa dana ugianfi uqa silail qee meiaun. Euqa dana cajaca ocobocobein eu age deel gaid culumen maha ina oqagan. Odocob ija ceteh i ageca caligiannu qee gale tena.

1 Korin 7:36

Dana oso uqa ateg dana qee ona eunu kobol tutuc qee odona ec cisdonafi, odocob uqa dana ugiannu saen wooldonafi, uqa jic osoca qee eu fenafi, eu uqa cois uqana cisdoc toodugiannufi, uqa culaleceb ale cois ocobocobesiale. Eu ale silail qee mowasin. Euqa dana oso uqa waugna gagadic mecebfi, odocob ceteh oso uqa mahuc odigiannu qee nijecebfi, uqana gale doc cofdocnu ihocfi, uqa wele waugna madi, eu uqa ateg dana qee oiaun ec madecebfi, uqa me bahic odigian. Eunu dana uqa ateg culdeceb dana ona eu uqa kobol me odona. Odocob dana uqa ateg culdeceb dana qee ona eu uqa kobol me bahic odona.

Efesas 5:3

Age wal kobolca, kobol me qee gegehinca, osona ceteh ocnu gale adecca eu cain odowain. Age Anutna dana cajaca qagoc eunu oso age kobol eundec odocnu je cain madeiaun.

Filipai 4:8

Ija wawige meleec cotiel, ija cit qoc je oso maadigen. Age ceteteh eu mele, ceteteh eu binanca bahic, ceteteh eu tutuc, ceteteh eu cataniec, ceteteh eu fecnu galeca, ceteteh eu meca bahic, ceteteh eu binan sulecnu ihoc, ceteteh eundecnu gaid cisdoigale.

1 Timoti 1:10

dana age cajaca wal kobol odogina eundecca, dana age danaca Sodom agena kobol odogina eundecca, dana age dana cajaca heje cedegina eundecca, uhulec danaca, dana age uhulimeig mele ohis ec madegina eundecca, dana cunug age ititom cobocnu mele je iwalgena eu tefacdogina eundecca, dana eundec cunugnu loo je niniji je maadena.

Taitas 2:3

Eu odiwe caja toiatoia dana oso Anutna me jenu je me qee qee madeiaunnu age odi odoiga ec maadagale. Ageha gun biluqagan, age dana cajaca hibilemega je cain madowain, age ceu jecebil dalul cain aqeiaun, ceu eu agena ilo taweiaunnu ec maadagale. Age me odoc eu iwaladoqagan. Odocob caja toiatoia age caja haun gemugailca agena melcanu nalunuga mecnuca, age gesili fec bilecnuca, age kobol cataniec odocnuca, age agena jo cofdu cuhadocnuca, age dana cajaca lalafanadecnuca, age gemuga conoga toodu odocnuca, dado madoqagan.