1 Korin 7:34 - Bal cehec je haun

³⁴ Odocob eunu uqana cisdoc qatanec bilia. Odocob caja haunfo, caja gemugca qeefo eu uqa Tibudna cabinu geh cisdona. Uqa dewegnaca dolognaca gun biligiannu geh cisdona. Euqa caja danaca bilia eu uqa maha inadec cetehnu geh cisdona. Uqa gemug gale dugiannu cabi ona.

1 Korin 7:34 ပူးပေါင်းရင်းမြစ်များ

Me Je i Jon Jaqen 10:13

Dana i uqa qaig ocnu cabi ona, uqa sipsipnu qee cisdona eunu uqa busalena,” aden.

Pol Uqa Jaqec Je Oso Rom Tamanec Jaqiaden 6:13

Qila age loo je bisalu qee bilegina qa age Anutna eelgec uum igec bisalu bilegina. Eunu silail eu agena cilehadec haun qee biluwain. Odimeig age ebenega jaimagaca dewenega amihilon filfil cunugca kobol me qee odocnu silail kobol haun cain utuwain. Euqa age dana eu cal mecnadec ceseli cajen cebac bilia cinigwe age dewenegaca agena cisdocca cunug eu Anut uteiga. Odimeig age dewenega amihilon cunug eu ititom kobol odoqagannu Anut uteiga.

1 Korin 7:33

Euqa dana cajaca bilia eu uqa maha inadec cetehnu geh cisdona. Uqa aideg gale dugiannu cabi ona.

1 Korin 7:35

Ija age Tibud toodocnu wawaga lecis qee biliaunnu gale tena. Eunu ija cesuladecnu je i maadigina. Odimig ija age cahacadecnu qee maadigina qa age tutuc biluqagannuca, age gaid Tibudna cabi oqagannuca je i maadigina.

2 Korin 11:28

Eu odi dih qee. Deel cunugna culumen mati qila haun cilehtegina. Eu odi, ijaha deel gaid tamanec cunug moot madecna hohom lelemca ninijen biligina.

2 Korin 8:16

Ege Anut hetaga doqona. Uqa Taitas tulidocob waug cajen. Odocob uqa ege cisdoqonawe odi cisdona. Uqa age cesuladecnu bahic gale dona.

Filipai 1:20

Ija odoc tutuc qee odecemin qee majani teiaunnu gale ben tena. Euqa saen cunugnaca qila bahicca ija wawi duueceb kobol tutuc odigen eu odi ija gaid odiginawe eunu gale tena. Eunu ija cebac bilifig ija cal mifig ija dewenina Krais binan caligian.

1 Tesalonika 5:23

Anut uqa malol bilec gug uqa agena wawaga cunug soidudu eeladeiale. Uqa agena kisca age dolonoga dewenegaca eu cofdudu heweiale. Odocob egena Tibud Jisas Krais ceseli hoc deelna age tutucca cahuldocca qee eu camasac migian.

1 Timoti 3:5

Ge, dana oso uqana aideg talaculca kobol mena iwaladecnu qee donafi Anutna tamanec adi me cofdu cuhadugian?

1 Timoti 5:5

Caja oso uqa wij bahic oso uqa cofdocnu qee bilina eu uqa Anutnu himec deweg mudeceb ninijen Anut cesuldugiannu witic cahinegca inondudu bilina.

Taitas 3:8

Je i cunug eu mele. Dana cajaca age Anutnu wawaga meleen eundec age me odocnu gagadic cisdoqagannu hina ceteh inu gehca qasali maadegannu gale tena. Me odoc eu ceteh meca, eu dana cajaca cesuladena.