1 Korin 7:21 - Bal cehec je haun

^21-23 Dana uqa osona bega meh cabi dana bibilen Tibud uqa utadon eu uqa qila Anut amegna Tibudna besitoc dana bilina. Eu odiwe dana uqa osona bega meh cabi dana qee bibilen Tibud uqa utadon eu uqa qila Anut amegna Kraisna bega meh cabi dana bilina. Anut uqa age ameg benna bahic fajadi ceden. Eunu age dana agena bega meh cabi dana cain calowain. Eunu hina bega meh cabi dana bibilegen Anut hina utahenfo? Cois, cain cisdogaun qa hina bega meh cabi culecnu jic calecebfi hina jic eu toodoga.

1 Korin 7:21 ပူးပေါင်းရင်းမြစ်များ

Me Je i Luk Jaqen 12:29

Eunu age eeta sab jeqan, eeta gab jeqan eu cain cisdowain. Age cain jaen aqeiaun.

Me Je i Luk Jaqen 21:34

Jisas je haun maaden, “Euqa ceteteh maha inadecnu cain cisdowain. Cain ja ben qowain. Cain dalul aqeiaun. Maha ina cebac bilecnu cain jaen aqeiaun. Agedodocnu cofdoiga. Qeefi, Gesilec Deel Ben eu mahuc ageca bolob cinigwe hugian.

1 Korin 12:13

Ge, ege Judaca, Juda qee eundecca, cabi bega mehca, cabi bega meh qee eundecca, ege Kis osolna wa joc om, ege cunug deweg osol biluquna. Egeha Anut uqa Kis osol eu wa jecnu igen.

1 Korin 7:20

Dana uqa bilec osona tatawen Anut uqa utadon eu uqa bilec euna himec biligian.

Galesia 3:28

Eunu qila Juda danaca Juda dana qee eundecca age fil qee, begabeg meh coboc besiadec danaca age fil qee, dana cajaca age fil qee. Age cunug Krais Jisasca gabanadec osol bilegina.

Filipai 4:11

Ija cetehnu gohic mitina imig qee madelem. Ija adi biligina ec figina eu cunug ija wawi cois ena. Kobol eu ija wele dom.

Filipai 4:6

Age ceteh osonu jaen cain aqeiaun. Age Anut agena culumen wawaga hoolecca cunugnu gaid ninidudu inondoigale. Odimeig age Anut ceteh cunugnu cesuladecnu inondodoig hetaga doc madeigale.

Kolosi 3:11

Gug inu dana age qila sihul filfil qee bilegina. Age Juda danaca, Juda dana qee eundecca, dana dewenega cagu qocca, dana dewenega cagu qee qocca, dana je filfil madecca, dana jobon qee bilecca, dana bega mehca, dana besiadecca, eu cunug age Krais himec. Dana cajaca cunug age wawaga haun taqein agenu ceteteh cunug eu Krais himec, Krais uqa dana cajaca eundec dunuh bilina.

Hibru 13:5

Age meen qaignu amaga qoc kobol eu cain toodowain. Odocob Anut wele maden: “Ija hina qee culihigaun. Ija hina qee tacewihigaun,” en. (Loo 31.6) Eunu ceteh age hewegina eunu odi cisdoiga, “Eu me bahic. Eu egenu ihoc,” odi doiga.

1 Pita 5:7

Anut uqa agena culumen dain adec sogoecca cunug gahidogina ec dona. Odocob uqa me cofadena. Eunu age agena culumen dain adec sogoecca cunug eu uqa ebenna meigale.