1 Korin 5:11 - Bal cehec je haun

¹¹ Euqa je ija jaqiadem uqana gug eu odi. Dana oso ija wawige meleec cotige ena eu uqa wal kobol odonafi, uqa osona ceteh ocnu ameg qonafi, uqa kadan tibudnu cuha fenafi, uqa dana agenu je um aqenafi, uqa ceu jeceb dalul qonafi, uqa heje onafi, age dana eundec gami cain ihol mi cobowain. Age dana eundec gami sabha cain jowain.

1 Korin 5:11 ပူးပေါင်းရင်းမြစ်များ

Matju 18:17

Hina cotin dana eu agena je dah mecnu culecebfi hina je eu tamanec amegna camasac magale. Cotin uqa tamanecna je toodu odoc culecebfi hina uqa Juda dana qee eundecfo, takis cedec eundecfo hibemadeginawe hibemdogale,” aden.

Matju 23:25

“O loo je iwaladec Farisica, age agena gabinca bohca hibo eu gaid wasacudegina euqa age wawaga dunuhna heje oc kobolca ija didih ecca nijia. Eunu age me hihili coboc dana! Age walocca!

Me Je i Luk Jaqen 18:11

Odocob Farisi uqa cuhanuc tatawi inondudu maden, ‘Dana cunug odogina ija odi qee odigina eunu Anut ija hetaga higina. Age cunug culunuga qanfo, ititom qeefo, age dana oso uqa aideg oginafo eu odi. Ija takis cedec dana i bilina cinigwe qee eunu hetaga higina.

Me Je i Luk Jaqen 21:34

Jisas je haun maaden, “Euqa ceteteh maha inadecnu cain cisdowain. Cain ja ben qowain. Cain dalul aqeiaun. Maha ina cebac bilecnu cain jaen aqeiaun. Agedodocnu cofdoiga. Qeefi, Gesilec Deel Ben eu mahuc ageca bolob cinigwe hugian.

Aposel 1:15

Deel osooso hedocob euna wawaga meleec cotogail 120 odi cegulein. Odocob Pita je maadigiannu caji tawen.

Aposel 9:17

Eunu Ananaias cocobi nui jona limei eben Sol tatacan mimei uqa madon, “O coti Sol, Jisas Tibud jic homna hina camas men uqadodoc hina haun meciegannuca, Kis Gun am bec ogannuca sulteceb huga,” don.

Pol Uqa Jaqec Je Oso Rom Tamanec Jaqiaden 13:13

Ege ititom coboc dana cam fulacdocna cobona odi cobocnu. Ege cain fileii deboii gad ceu jecomun dalul qigiaun. Ege cecenec kobol cain oodi wal kobol majagca qeena ilag uduqaun. Ege cain fee dadanii dana osona cetehnu amige qoiaun.

Pol Uqa Jaqec Je Oso Rom Tamanec Jaqiaden 16:17

O wawaga meleec cotiel, ija cesusadigina. Dana leih age tamanec qatanegina. Age wawaga meleec dana cajaca je iwaladein eu hibemdocnu sigaladein. Age agena wawaga meleec wagalegina. Eunu age dana eundec hibemadeiga.

1 Korin 10:14

Eunu, ijana danah bahic, age kadan tibudnu cuha fec kobol hibemdumeig busaleiga.

1 Korin 6:10

dana age heje oginaca, dana age dana osona ceteh amaga gugca feginaca, dana age ceu jecebil dalul aqenaca, dana age dana leihnu je um aqeginaca, dana age dana agena ceteh didu cawaladeginaca, dana eundec cunug age Anutna cul qee mugumuga owain.

1 Korin 6:6

Euqa age gemona dana oso uqa cotig gesiladec jona mudina, odocob dana Kraisnu wawaga qee meleena eu amagana gesildogina.

1 Korin 6:9

Dana qisol megina eu age Anutna cul qee mugumuga owain ec qee doginafo? Age agedodoc wawaga cain uhuldowain. Dana age cajaca wal kobol odoginaca, dana age kadan tibudnu cuha feginaca, dana age osona cajaca nijeginaca, dana age dana osoca kobol me qee majanagaca odoginaca,

1 Korin 7:12

Ija dana cajaca leihha je oso maadigen. Euqa Tibud qee maadeiaun, eu ijadodoc je i maadigen. Wawaga meleec dana oso cajacafi, odocob caja eu waug qee meleena, caja uqa danaca bilecnu waug nijecebfi dana eu caja cain cagasudiaun.

1 Korin 7:15

Euqa ege malol bileqannu Anut utagen. Eunu oso waug qee meleena uqa hijag waug meleena eundec culdifei eu cois culdigian. Kobol eu odi calecebfi danafo, cajafo waug meleena eu uqa fagdoc qee bilina.

1 Korin 8:11

Eunu hinana doc eu hinana kobolna dana uqa cisdoc gagadicca qee eu fadaldugian. Dana eu uqa cotin, uqanu Krais cal men.

Galesia 2:12

Ge, wele Jems uqa dana leih suladeceb ono belein. Age qee calec ninijen Pita uqa Juda dana qee eundec gami osoben sab joloig. Euqa dana i age calecebil uqa qee sasac qu ceselimei uqa Juda dana qee eundec gami osoben sab qee jel. Eetanu uqa uhulec kobol i odon? Uqa dana age wawaga meleec Juda dana qee eundec dewenega cagu qocnu madegina eunu cucuiaden.

Efesas 5:18

Ceu jeceb dalul qoc eu kobol me qee, eunu age ceu jecebil dalul cain aqeiaun. Euqa age Kis culdecebil uqa wawagana am bi ihoc ligiannu odoigale.

Efesas 5:5

Oso uqa wal kobolca, uqa kobol me qee gegehinca, uqa osona ceteh ocnu gale docca eu Kraisna culca Anut mugumige mecca naha oso qee oiaun, eu mele bahic. Dana eu uqa osona ceteh ocnu gale dona eu uqa kadan tibudnu cuha fenawe.

Kolosi 3:5

Eunu age kobol me qee mahanadec wawagana cabi ogina eu qocobil cal meia. Wal kobolca, kobol gegehin odocca, belicanaga me qeeca, gale adec me qeeca, odocob ceteteh mati bahic ocnu amaga qona. Ge, ceteteh mati bahic ocnu kobol eu odi kadan tibudnu cuha fec kobol cinigwe.

2 Tesalonika 3:14

Dana oso uqa je ege jaqec ina jaqiadom cewududu toodu qee odocobfi age camas mudimeig uqaca cain cobowain. Odocob uqa majag dugiannu hibemdoigale.

2 Tesalonika 3:6

Ege wawige meleec cotigeil, egena Tibud Jisas Krais ijanna ege je gatiti maadoqona. Age wawaga meleec cotoga oso uqa kobol me odocnu dado mudec je age egenadec oin eu cuculi qee toodu odona, uqa alal dona, cabi qee ona. Cotoga eu qisacdoiga.

1 Timoti 3:3

Uqa ceu jeceb dalul cain qoiaun, uqa hihiban cain teiaun qa waug susumulca, malolca biligian. Uqa meen qaig ocnu himec cain cisdoiaun.

1 Timoti 6:5

Odocob age gaid ilag galac megina. Dana eundec age mele je gagadic qee hewegina. Dana eu odi odogina eu agena cisdoc eu cogogec. Age Anutna kobol eu cehewanigeca bilecnu jic ec cisdogina.

2 Jon 1:10

Eunu oso ageca humei uqa je iwaladec eu qee ehi hocobfi age agena jona cain ehudi lowain, odocob age cain feele dowain.

Jahunec Je Camasac Muden 2:14

“Euqa ija hina dewennu je oso odi nijia. Hinana eundec leih age Belamna iwaladec je hewi toodogina. Belam eu Belak uqa Isrel dana cajaca amagana aisais heligiannu iwaldon. Odocob uqa kadan tibud ihandoc cuhun joqagannuca, cajaca silail moqagannuca ihacaden.

Jahunec Je Camasac Muden 2:20

“Euqa ija hina dewennu je oso odi nijia. Hina caja eu Jesebel uqa odona qee cahacdogona. Eu uqadodocnu madena, ‘Ija je hahun madec caja,’ ena, uqa ijana cewel itec dana faninadi age cajaca silail moqagannuca, kadan tibud ihandoc cuhun joqagannuca iwaladena.

Jahunec Je Camasac Muden 21:8

“Euqa dana cucuiimeig bicbic beleginaca, dana wawaga qee meleena euca, dana kobol gegehinca odoginaca, dana age dana aqeginaca, dana wal cajaca nijeginaca, dana ceeh jeladeginaca, dana kadan tibudnu cuha feginaca, dana cunug uhulec je madeginaca eundec agena cudun eu wa gudoc benwe eu jaca ja meen jan dainca cijina agena. Cudun eu cal mec lecisdoc,” en.

Jahunec Je Camasac Muden 22:15

Euqa taun ben hahagum eu dana me qee age qa cinigwe ono bilein. Dana eundec age gegehin odoc odogina, age ceeh jeladegina, age wal cajaca nijegina, age dana aqegina, age kadan tibudnu cuha fegina, age uhulec je madecnu gawegina, odocob age qauadegina.