1 Korin 5:10 - Bal cehec je haun

¹⁰ Euqa age dana cunug maha inadec age wal kobolca, osona ceteh ocnu amaga qoc kobolca, heje oc kobolca, kadan tibudnu cuha fec kobolca odogina eu age gami cain ihol mi cobowain eunu qee jaqiadelem. Age odi odoubmiqa age maha i cunug culoub.

1 Korin 5:10 ပူးပေါင်းရင်းမြစ်များ

Me Je i Luk Jaqen 18:11

Odocob Farisi uqa cuhanuc tatawi inondudu maden, ‘Dana cunug odogina ija odi qee odigina eunu Anut ija hetaga higina. Age cunug culunuga qanfo, ititom qeefo, age dana oso uqa aideg oginafo eu odi. Ija takis cedec dana i bilina cinigwe qee eunu hetaga higina.

Me Je i Jon Jaqen 15:19

Age mahanadec biloubmiqa mahana eundec age, age agenagulwe nalunuga moub. Euqa age mahanadec qee bileginaqa ija age mahanadec bibilegin hu nesili cedem. Eunu mahanadec eundec age sagagadegina.

Me Je i Jon Jaqen 17:6

Jisas haun inondon: “Dana hina mahanadec ija item eundec ija hina ijain camasac mudiadem. Age hina toinain bilein, euqa hina age ija item. Age hina jejein toodu odoin.

Me Je i Jon Jaqen 17:9

“Age hina toinain. Eunu ija agenu mimig je inonhigina. Ija mahanadec eundecnu qee inonhigina qa hina item agenu bahic inonhigina.

Me Je i Jon Jaqen 8:23

Odocobil Jisas maaden, “Age mahanadec, ija ohisdec. Age maha qila bilina eunadec qa ija maha inadec qee.

1 Korin 1:20

Aria, dana age cisdoc silecca eu adi bilegina? Loo je iwaladec dana age Anutna jaqec je du cuhadogina eu adi bilegina? Dana age mahanadec jena cadegina eu adi bilegina? Anut uqa maha ina cisdoc silecca eu ceteh gad ec ihacaden.

1 Korin 10:27

Odocobha dana oso waug qee meleena uqa age utaadeceb li uqaca osoben sab jecnu madenafi, odocob age nuecnu cois ec cisdufeig age joqagannu ceteh saciadoia eu jeiga. Age geh cain cisdodoig ilag sisiluwain.

1 Korin 5:11

Euqa je ija jaqiadem uqana gug eu odi. Dana oso ija wawige meleec cotige ena eu uqa wal kobol odonafi, uqa osona ceteh ocnu ameg qonafi, uqa kadan tibudnu cuha fenafi, uqa dana agenu je um aqenafi, uqa ceu jeceb dalul qonafi, uqa heje onafi, age dana eundec gami cain ihol mi cobowain. Age dana eundec gami sabha cain jowain.

1 Korin 5:9

Ija wele ijana jaqec jena age wal dana eundecca cain ihol mi cobowain ec jaqiadem.

2 Korin 4:4

Seten, uqa mahanadec uhulec tibud, uqa iletec eu Krais gagadic odoc fulacdoccanu me je maadecnadec cali hona fowainnu uqa dana eundec age wawaga qee meleena agena cisdoc cufa quadeceb tucana bilegina. Krais uqa Anut wican bahic.

Efesas 2:2

Saen euna age maha uqana qisol mec kobolna coboloig. Age buga me qee saona bilegina eu agena ilo toodoloig. Kis me qee gagadicca eu uqa dana cajaca age Anutna je tefacdogina eu wawaga dunuh cabi ona.

Filipai 2:15

Eunu cahuldocca qee, cataniecca biluqagan, odocob age Anutna mel sim eu gegehinca qee eundecwe age silail dana cajaca kobol me qee odogina eu age gemona biluqagan. Age gemo fulacdocwe dana cajaca mahana bilegina eu cujawadeceb

1 Jon 4:5

Je hahun uhulec madec dana eu age mahanadec. Eunu agena je madec eu mahanadec himec, odocob mahanadec dana age agena je dah megina.

1 Jon 4:7

O ijana danah bahic, nalug mec eu Anutnadec, eunu ege nalug mecebmeceboqale. Odocob oso uqa nalunuga mena eu uqa Anutna mel ibuldon, eu uqa Anutnu du cuhadona.

1 Jon 5:19

Ege doqona, ege Anutna mel biluquna, odocob maha i cunug Setenna gagadic odoc cofdona.

Jahunec Je Camasac Muden 12:9

Odocob age man sononec ben eu qeludecebil tonen. Man sononec ben eu wele gug qoc saenna bilen, age Balijec Dana egina, age Setenha egina. Uqa dana cajaca cunug age mahana bilegina eu uhuladec dana. Age uqaca uqana enselca qeladecebil mahana tonein.