1 Korin 4:5 - Bal cehec je haun

⁵ Eunu deel Tibud qee ceseli hoc ninijeb age dana oso cain gesiliduwain. Tibud uqa ceseli humei uqa ceteh cunug qila jahunec tucana nijina eu cedadimei fulacdocna madigian. Odimei uqa dana agena cisdoc qila jahuni nijina eu camasac mudigian. Odocob saen euna dana cajaca cunug Anut uqa agena cabi eu mefo, me qeefo ec eu uqa maadigian.

1 Korin 4:5 ပူးပေါင်းရင်းမြစ်များ

Matju 10:26

Jisas je haun maaden, “Ceteh cunug jahuldoc nijina eu isi camasac migian. Odocob ceteh cunug jahunec nijina eu isi cunug doqagan. Eunu age dananu cain cucuiuwain.

Matju 24:30

“Odocob Dana Melah uqana camas mec gaga saona camas migian. Odocob dana sihunugail cunug mahana bilegina age qada qaqaji biluqagan. Age Dana Melah gagadic odocca kobolkobol benca sao taenna neneb foqagan.

Matju 24:46

Cabi dana eu saen uqana meca jobon ceseli humei odi oodob fecidumei uqa ben bahic ceeligian!

Matju 25:21

Odocob uqana Ben madon, ‘Cois, hina cabi dana megameg mec me bahic! Ija nag ebenna mem eu hina cofdu cuhadumeg cabi megameg mem. Ija mati bahic ebenna mihigen. Ceeli bilec hinana Ben uqa saciadon eu ocnu ijana jona lagale,’ don,” aden.

Matju 25:23

Odocob uqana Ben madon, ‘Cois, hina cabi dana megameg mec me bahic. Ija nag ebenna mem eu hina cofdu cuhadumeg cabi megameg mem. Ija mati bahic ebenna mihigen. Ceeli bilec hinana Ben uqa saciadon eu ocnu ijana jona lagale,’ don,” aden.

Me Je i Luk Jaqen 6:37

Jisas je haun maaden, “Age dana osona kobol gesildumeig cain camasac mimi cewudec je madowain. Age odi odocobilfi Anut uqaha agena kobol gesildumeig qee camasac mimi cewudec je madeiaun. Age dana oso uqa me qee ec cain madowain. Age odi odocobilfi Anut uqaha age me qee ec qee madeiaun. Dana oso age me qee odadecebfi me qee odoc eunu dahiniga celeiale. Age odi odocobilfi Anut uqaha agena me qee odadec eunu dahig celigian.

Me Je i Jon Jaqen 21:22

Odocob Jisas uqa Pita madon, “Ija madeceminfi uqa bibileb li ija ceseli hoc saenna biligian eu ijana himec, hinana qee. Hina ija tootaga!” don.

Me Je i Jon Jaqen 21:23

Jisas uqa Pita madonnu malogom cunug age malogom eunu madi, uqa qee cal meiaunnu maden eu doin. Euqa Jisas uqa malogom inu uqa qee cal meiaun ec qee madel, uqa madon, “Ija madeceminfi uqa bibileb li ija ceseli hoc saenna biligian eu ijana himec, hinana qee,” don.

Me Je i Jon Jaqen 5:44

Age dana filfil age binanaga sulegina qa binanaga caunca osol Anutnadec ageca hocnu nijia eu ocnu wawaga qee hoolena. Euna adi wawaga meleec ihoc ligian?” aden.

Pol Uqa Jaqec Je Oso Rom Tamanec Jaqiaden 14:4

Hina dana adecnu dana oso uqana cabi dana dumannu gesildogona? Uqana cabina gagadic tawifei qee cabi eu toni qufei eu uqana tibudna ceteh himec. Tibud uqa himec eu ihoc gagadic mudeceb tawigian. Eunu uqa gagadic tawigian.

Pol Uqa Jaqec Je Oso Rom Tamanec Jaqiaden 2:1

Eunu dana cunug age dana gesiladegina, age agena cahuldoc jajahuni madi, ija Anut qee hibemdolom ecebilfi agena je eu cesuladecnu ihoc qee. O dana, ija age osolosol maadigina. Dah maga, hina dana oso gesildogona eu uqana kobol hina himec kobol eu odi odogona. Eunu hina gesildoc dana eu odi odogona eu hinadodoc dewen jeca muduguna.

Pol Uqa Jaqec Je Oso Rom Tamanec Jaqiaden 2:16

Eunu ija me je madigina euna deel osona hibna Anut uqa Jisas Krais umna dana cunug agena cisdoc jahunec nijina eu gesiladigian.

Pol Uqa Jaqec Je Oso Rom Tamanec Jaqiaden 2:29

Dana uqa waugna uqa Juda ena eu uqa Juda bahic. Odocob dewenega cagu qoc kobol eu wawagana ceteh. Eu loo je jaqec gadac himec toodocnu ceteh qee. Eu Anutna Kis ceteh jaqunec. Dana uqa waugna uqa Juda ena eu uqa dana amagana binan sulec qee ona qa uqa Anut amegna binan sulec ona.

Pol Uqa Jaqec Je Oso Rom Tamanec Jaqiaden 2:7

Leih age kobol me eu gagadic hewegina oodoig kobolkobolca ijanaga benca biluqagannuca cebac bilec qee mecwe qee eu megegina. Dana eu agenu Anut uqa cebac bilec gaid bileceb catanigian eu adigian.

1 Korin 11:16

Euqa oso uqa eunu jena fee dadanecnu odonafi ija je osol madigen. Egeca Anutna tamanec cunugca ege cuha fecnu kobol fil oso qee odoqona, qa ege cuha fecnu kobol i himec odoqona.

1 Korin 11:26

Ge, age bred inadec wain gabin inadecca jiji bileig age Tibudna cal mec eunu mamadi bilegina. Eu odi dih oodi bibilebil uqa ceseli hugian.

1 Korin 15:23

Euqa dana cunug osolosol agena saennana ceseli cajoqagan. Krais uqa casac matu ceseli cajen. Odocob uqa ceseli hugian saen euna Krais uqana eundec ceseli cajimeig cebac bilec oqagan.

1 Korin 3:13

Odocob Anut uqa dana cajaca cunug agena cabi temdugiannu deel euna agena cabi eu jana gesiladigian. Ja eu agena cabi temadigian. Eunu dana cunug agena cabi eu hibna camasac migian. Odocob dana cajaca cunug agena cabi eu mefo, me qeefo ec foqagan.

1 Korin 3:14

Dana oso uqa big gug eu tatacanna jo cehen eu uqana cabi tawecebfi dana eu uqa ameg ugian.

1 Korin 3:8

Ele dana Anutna cabi hihijag, ele Anutnu osobenca cabi owona. Odocob Anutna cabi eu age. Eunu dana sab aig cehenaca, dana wa bilisadonaca eu ale ihocihoc. Odocob ale filfil cabi osin eu odi ameg owasan. Odocob Anutna jo eu ageha.

2 Korin 10:18

Ge, dana uqa uqadodocnu binan sulina eu uqa Anut amegna binanca qee. Euqa Tibud uqa dana oso binan sulina eu uqa Anut amegna dana binanca.

2 Korin 10:9

Euqa age cain cisdowain, ija dana age cucuiecnu jaqiadigina.

2 Korin 4:2

Ege kobol me qee jahunecnadec majanige gecca eu wele hibemdom. Ege qauadec kobolna qee coboqona. Odocob ege Anutna je qee falicdoqona. Qeeo. Ege mele je qasali maaadi camasac muduquna. Eu odocna ege Anut amegna coboqona eu dana age egena cabi oc eunu dewenega nijigiannu kobol tutuc ihacadoqona.

2 Korin 5:10

Ge, ege cunug Krais amegna uqa ege gesiligigiannu camasac meqan. Odocob ege dewenige mahana coboc saen euna odom eu uqa egena me odocfo, me qee odocfo eu odi toodu ameg igeceb oqan.

1 Tesalonika 5:2

Heje dana uqa witic tuna honawe eu odi Tibudna deel hugian, eu agedodoc ha du cuhadogina.

Hibru 4:13

Anut ceteh cunug muden eu oso uqa olana jahunecwe qee. Qee bahic! Ceteteh cunug eu Anut amegna camasac bahic tawegina. Odocob uqa amegna himec ege kobol cunug odoqona eunu madoqan.

Jems 4:11

O cotiel, agenu je me qee cain madocobmadocobowain. Dana cotig oso cotignu je me qee madenafi cotig gesildonafi eu uqa loo jenu je me qee madena. Odocob uqa loo je gesildona. Euqa hina loo je gesildogonafi hina loo je toodu odoc dana qee qa hina loo je gesildoc dana.

Jems 5:7

O cotiel, eunu age wawaga gagadic mudimeig culumen cunug gahidodoig leceb Tibud ceseli hugiannu susumudi bileigale. Age dogina, cabi memeg uqa sab aig me bahic qugian imei waug gagadic mudimei wa aqunec hibnaca hugiannu sumudinawe.

Jems 5:9

O cotiel, Anut age qee gesiladeiaunnu cain gonagona mudecebmudecebowain. Feiga, gesilgec dana uqa jic cebec hibilohu isec taweia.

1 Pita 1:7

Temadec ina Anut uqa agena wawaga meleec eu melefo, qeefo temdona. Age dogina, gold eu ceteh fajecnu qaig ben bahic, euqa age gold eu melefo, qeefo temdocnu jana manegina. Gold eu ceteh fadaligian. Eunu agena wawaga meleec eu gold wooldona. Odocob temadec filfil ageca caligian saen euna agena wawaga meleec eu gagadicfo, qee, mele qeefo eu odi dugian. Odocob hibna Jisas Krais camasac cali hugian deel euna uqa agenu ceelimei age binanaga fulacdoc benca adigian.

1 Pita 5:4

Age odi odocobilfi sipsip cofadec meca uqa camasac caleceb saen euna age king katakat gagadic odoc fulacdocca dana cajaca ititom oqagan eu ageha oqagan. King katakat eu ameg me bahic, eu qee qee meiaun.

2 Pita 3:12

Age kobol euna cocobi Anutna deel susumudi bileigale. Odimeig age deel eu mahucwe hugiannu cabi gagadic oigale. Deel eunu saoca ceteteh cunug saona nijadenaca eu ja ben cijadeceb qee moqagan. Odocob ceteteh cunug Anut maha muden eu ja ben cijadeceb wawa mi qojogoecebil qee moqagan.

2 Pita 3:4

madoqagan, “Uqa ceseli hugen ec madenfo? Uqa ai? Uqa qee ceseli hoiaun. Ge, ege jajanigeil age wele cal meinnadec leceb qila ceteteh cunug eu gaid odi dih nijina eu odiwe maha i ifanen saennadec leceb qila ceteteh cunug eu gaid nijina!” oqagan.

Jud Uqa Jaqec Je Oso Anutna Dana Cajaca Jaqiaden 1:14

Inok uqa Adamna sihulnadec 7-peladoc cali hon uqa dana eundec age je hahun maaden, “Doiga! Ija Tibud uqana ensel gun 1,000 matica gami hoin eu feciadem.

Jahunec Je Camasac Muden 1:7

Feiga! Uqa taenna hona! Dana cunug age uqa fecidoqagan. Leih age catuwutecebil cal men eundec ageha fecidoqagan. Odocob dana sihul cunug maha inadec age uqanu qada qajoqagan. Eu odi caligian eu mele.

Jahunec Je Camasac Muden 20:12

Odocob ija dana cal mec feciadem. Dana ijanagaca, dana ijanagaca qee agecaca king bilec cabal amegna tawein. Ensel eu age buk leih cosocdoin. Odocob buk osoha cosocdoin, eu cebac bilec agena buk. Cal mec dana eu agena odoc, eu odi buk leih euna jaqein euna odi gesiladen.