1 Korin 3:13 - Bal cehec je haun

¹³ Odocob Anut uqa dana cajaca cunug agena cabi temdugiannu deel euna agena cabi eu jana gesiladigian. Ja eu agena cabi temadigian. Eunu dana cunug agena cabi eu hibna camasac migian. Odocob dana cajaca cunug agena cabi eu mefo, me qeefo ec foqagan.

1 Korin 3:13 ပူးပေါင်းရင်းမြစ်များ

Matju 10:15

Ija mele maadigina, Gesiladec Deel Benna jobon eu ameg me qee bahic ugian. Dana cajaca Sodom Gomora bilein eu ageha Gesiladec Deel Benna ameg me qee oqagan. Euqa jobon eu agena je hibemdogina jobon eu agena ameg me qee eu Sodom Gomora agena ameg me qee wooldugian,” aden.

Pol Uqa Jaqec Je Oso Rom Tamanec Jaqiaden 2:16

Eunu ija me je madigina euna deel osona hibna Anut uqa Jisas Krais umna dana cunug agena cisdoc jahunec nijina eu gesiladigian.

Pol Uqa Jaqec Je Oso Rom Tamanec Jaqiaden 2:5

Euqa hina wawin eu gagadic bahic odocob hina wawin qee tului falicdogona. Kobol eu odina hinana wadachec ameg me qee haudocwe magana. Odocob Anutna gemag bec camasac migian deelna uqana gesilec tutuc deel euna hinana wadachec ameg me qee ogan.

1 Korin 3:12

Aria, dana age big gug eu tatacanna cehoqagan saen euna leih age goldna cehoqagan, odocob leih age silwana cehoqagan, odocob leih age meen ameg ben fajec euna cehoqagan, odocob leih age na culutna cehoqagan, odocob leih age gigina cehoqagan, odocob leih age cinimna cehoqagan.

1 Korin 4:5

Eunu deel Tibud qee ceseli hoc ninijeb age dana oso cain gesiliduwain. Tibud uqa ceseli humei uqa ceteh cunug qila jahunec tucana nijina eu cedadimei fulacdocna madigian. Odimei uqa dana agena cisdoc qila jahuni nijina eu camasac mudigian. Odocob saen euna dana cajaca cunug Anut uqa agena cabi eu mefo, me qeefo ec eu uqa maadigian.

2 Timoti 1:12

Eunu ija qila saen ina deweninu sogoigina. Euqa age oditegina eunu ija majani qee tel. Ge, ija innu wawi meleen nijia, eu dugina. Uqa me je cabi ija ebenina men eu cofdutecnu ihoc, eu li deel cit qocna cabi eu gaid me biligian eu du cuhadugina.

2 Timoti 1:18

Tibud uqa uqanu waug qoc eu cit qoc deelna utiale! Uqa wele Efesas ono bibili me oditen eunu hina du cuhadogona.

2 Timoti 3:9

Euqa agena kobol jic ben onoca qee leiaun. Ge, dana cajaca cunug agena kobol caunca qee eu foqagan, odiwe age wele Janis Jambrisca alena kobol caunca qee euha fein.

2 Timoti 4:8

Wooladec gugulegina eundec ameg me adecebil ogina, ameg me eu ija u itecnu muden nijia. Ameg me eu ititom cobocnu kingna katakat. Egena Tibud, uqa dana cajaca gesiladi cuhadona, uqa cit qoc deelna kingna katakat eu itigian. Ija himec qee itiaun, euqa uqana cit qoc deelna humei camasac migiannu susumudi hoolegina eundec cunugha adigian.

Hibru 10:25

Ege wawige meleec cotigeil gami ceguli bilec kobol eu cain culuqaun, eu odi dana leih odogina. Tibudna deel eu dodoldona eu dogina. Eunu ege wawige meleec cotigeil gagadic madec cabi gagadic ocnu.

1 Pita 1:7

Temadec ina Anut uqa agena wawaga meleec eu melefo, qeefo temdona. Age dogina, gold eu ceteh fajecnu qaig ben bahic, euqa age gold eu melefo, qeefo temdocnu jana manegina. Gold eu ceteh fadaligian. Eunu agena wawaga meleec eu gold wooldona. Odocob temadec filfil ageca caligian saen euna agena wawaga meleec eu gagadicfo, qee, mele qeefo eu odi dugian. Odocob hibna Jisas Krais camasac cali hugian deel euna uqa agenu ceelimei age binanaga fulacdoc benca adigian.

1 Pita 4:12

O wawige meleec cotiel ija nalunuga migina, age temadec jaca ageca hocob eunu cain filicituwain. Temadec eundec ageca hocob eu ceteh fil oso bahic ec cain cisdowain.

2 Pita 3:10

Euqa Tibudna deel eu heje danawe hugian. Odocob deel euna sao uqa geh bahic udududuimei jajanu qeligian. Odocob mahaca ceteteh cunug mahana nijadenaca ja cijeceb fadaloqagan. Eu maha cunugca ceteteh cunug Anut maha mudenca camasac bahic caloqagan.

2 Pita 3:7

Euqa qila Anutna je euha taweia, eu odi. Sao mahaca qila bilesina eu jana cijigiannu saciadon nijia ec madena. Sao mahaca ale Anutna Gesiladec Deel Ben caligiannu sumudi bilesina. Deel euna dana cajaca age Anutna kobolna qee cobogina eu gesiladeceb fadaloqagan.

Jahunec Je Camasac Muden 20:12

Odocob ija dana cal mec feciadem. Dana ijanagaca, dana ijanagaca qee agecaca king bilec cabal amegna tawein. Ensel eu age buk leih cosocdoin. Odocob buk osoha cosocdoin, eu cebac bilec agena buk. Cal mec dana eu agena odoc, eu odi buk leih euna jaqein euna odi gesiladen.