1 Korin 2:1 - Bal cehec je haun

^1-2 Ija cotiel, ija ageca bibileb saen euna ija je cunugnu dahini celigiannu cisdom qa Jisas Kraisca uqa na babalecna tuitu qocobil cal menca eunu je dih cisdom. Eunu ija ageca hom saen euna ija Anutna je jahunec qaqasili mamadig ija doc ben dogina euna isec je qee maadelem.

1 Korin 2:1 ပူးပေါင်းရင်းမြစ်များ

Aposel 20:21

Ija Juda dana Grikca agena silailnu tului falicdumeig Anutca loqagannuca, age egena Tibud Jisasnu wawaga meleigiannuca ulaulaadiem.

Aposel 22:18

Euna ija Tibud fifigin maten, ‘Dana ene hina ijanu je qasali maadecem qee dah mowain. Eunu mahuc Jerusalem culdi nuuga,’ ten.

Pol Uqa Jaqec Je Oso Rom Tamanec Jaqiaden 16:18

Dana eundec egena Tibud Krais qee cewel utogina. Age agedodoc agena gale adec dewenega eu himec toodogina. Odimeig je tincana dana diadec jenaca dana wawaga meleec eu gagadicca qee eundec wawaga meleec temdocwe megina.

Pol Uqa Jaqec Je Oso Rom Tamanec Jaqiaden 16:25

Me je ija qasali madigina eu Jisas Kraisnu me je. Me je eu wele bahic jahunec bilen eu qilaqa Anut uqa camasac muden. Anut uqa me je euna agena wawaga meleec gagadic tawigiannu ihoc odona.

1 Korin 1:17

Ge, Krais ija wa joadecnu qee sultel, ija me je qasali maadecnu sulten. Odocob Kraisna na babalec uqana gagadic odoc qee mudigaunnu ija dana agena cisdoc sileccana me je qasali maadecnu qee sultel.

1 Korin 2:13

Odocob ege dana cajaca age Kisca bilegina eu Kisna mele je sildiadoqona. Ege odi oodob ege je dana cisdoc silecca age iwalgein euna qee sildiadoqona qa ege je Kis iwalgen euna sildiadocomun dogina.

1 Korin 2:4

Odimig ijana iwaladec jeca, ijana me je maadecca, eu dana doc ben doccana qee qasali maadelem. Ija dana agena cisdoc falicduadeceb age ijanu cisdoqagannu qee gale tel. Euqa ija Anutna Kis eu gagadic odocca eu ihacaadi qasali maadem.

1 Korin 2:7

Euqa je cisdoc silecca ege maadoqona eu Anutna je jahunec, eu dana cajaca amagana jahunec bilia. Anut uqa maha qee ifanec ninijen ege wawige meleec ege binanigeca uqaca bileqannu je jahunec eu maden.

2 Korin 10:10

Eu mele, dana leih age cilehtecnu ijanu je odi madegina, “Polna jaqec eu je gagadic mati bahic nijia qa uqadodoc ege cemenige humei je mageceb foqona, uqa gagadicca qee, odocob uqa je saluqi madec dana qee oqona,” egina.

2 Korin 11:6

Eu mele, ija je saluqi madecnu kobol qee duginafiqa ijana cisdoc silecca eu qee gohic mena. Kobol cunug ege odoqonana ege saen cunugna doc i age ihacadi hedom.

2 Tesalonika 1:10

Uqa deel euna ceseli hocob uqana dana cajaca qagoc cunug age camasac mecebil uqa euna binan ben ugian, odocob wawaga meleen dana cajaca cunug age binan suluqagan. Age je ege maadomnu wawaga meleen eunu ageha eu age gemo biluqagan.

1 Timoti 1:11

Mele je i eu me je Anut uqa ija maadecnu iten euna bilia. Me je i uqana gug eu binan benca, eu Anut ege binan suluqale uqana me je.

2 Timoti 1:8

Eunu egena Tibudna me je dana cajaca qasali maadecnu majain cain heiaun. Odocob hina ija qila Jisasnu gihacdoc jona biligina eunuha majain cain heiaun. Euqa hina ijaca culumen lec Jisasna me je maadi cobowona eunu dewenilena hona, eu osoben sol jeli gahidocnu cain culugaun. Ge, Anut gagadic odoc ihina.

1 Jon 4:14

Odocob Memige Anut uqa Melah dana cajaca cunug mahana bilegina eu cahahaadigiannu suldocob nen eu fom eunu je qasali madoqona.

Jahunec Je Camasac Muden 1:2

Odocob Jon uqa ceteh cunug camasac fen eunu qasali maaden. Je i cunug eu Anutnadec hon, eu mele, je eu Jisas Krais qasali maaden.

Jahunec Je Camasac Muden 1:9

Ija Jon, age wawaga meleec cotoga. Ija ageca Jisasnu cilehgegina. Ege osoben Jisasna cul hugiannu sumuduquna. Ege susumudeb gagadic tatawi culumen gahidoqona. Ija Anutna me jeca, je mele Jisas odocob camasac menca eunu qasali maadem. Eunu ija Patmos nuina ono mitec bilem.

Jahunec Je Camasac Muden 19:10

Odocob ija uqa jaihna toni mahuli cosolimig uqanu cuha fecnu odom qa uqa maten, “Cain odogaun! Ija cewel oc dana gami hinaca, hina wawaga meleec cotinelca, cunug age mele je Jisas qasali maaden eu hewegina eu age ija cabi hijiga. Eunu hina Anutnu dih cuha faga!” ten. Ge, mele je Jisas qasali maaden eu me je uqana gug eu Kis Anut uqa je hahun madec dana adeceb age me je qasali maadein.