1 Korin 15:34 - Bal cehec je haun

³⁴ Age leih age Anutnu qee doc nijia. Ija je i age majanaga hewadecnu maadigina. Age haun silail cain mowain. Age gad kobol culimeig tutuc cisdoiga.

1 Korin 15:34 ပူးပေါင်းရင်းမြစ်များ

Matju 22:29

Odocobil Jisas jejenega hewi maaden, “Age Anutna jaqec je nijia eu qee dogina, age Anutna gagadic odocha qee dogina. Eunu age dadanecca bilegina!

Me Je i Jon Jaqen 5:14

Hibna Jisas uqa dana eu tempelna cocobon gulucdumei madon, “Faga, hina hag mehen. Ceteh me qee bahic eu wooldoc hinana hag dewenna hoiaunnu haun silail cain magaun,” don.

Me Je i Jon Jaqen 8:11

Odocob caja madon, “Tibud, qeeo, oso qee gelitel,” don. Odocob Jisas madon, “Ijaha qee gelihelem. Nuimeg silail haun cain magaun,” don.]

Aposel 26:8

Eetanu Juda age madegina, ‘Anut uqa cal mecnadec tuliadeceb cajecnu wawige qee meleeiaun,’ egina?” en.

Pol Uqa Jaqec Je Oso Rom Tamanec Jaqiaden 1:28

Agena cisdocna Anut hewecnu culadein, odocobnu Anut felacadeceb agedodoc agena cisdoc me qee toodogina. Age kobol filfil dana odocwe qee eu odogina.

Pol Uqa Jaqec Je Oso Rom Tamanec Jaqiaden 13:11

Eetanu ija kobol eu odi odoqagannu maadigina? Saen qila bilia eunu age wele doin. Qila us nijec cuculeb cajecnu saen. Age dogina, ege wele wawige meleec dana calom, odocob Anut cahahagecnu saen cecelacca nijen. Qilaqa saen i wele gohic mena.

1 Korin 4:14

Jisas Kraisna kobol eu ija dih ija agena memega biligina. Age ija me je qasali maademna ijana mel ibuldoin. Odocob age Kraisna kobol toodocnu age dado madecnu dana mati bahiccafi, eu cois ihoc qa age memega gehca qee. Eunu ija age majanaga hewadecnu je i qee jaqiadigina qa ija ulauladecnu ijana mel sim ija nalunuga miginawe odi jaqiadigina.

1 Korin 6:5

Ija age majanaga adigiannu je i madigina. Age gemona dana cisdoc silecca uqa dana cotigca ale gemona je eu gesilecnu ihoc qee bilina eu melefo? Qee, dana oso ihoc bilina.

1 Korin 8:7

Euqa dana cajaca cunug age doc eu qee dogina. Dana leih age wele kadan tibudna kobol toodoloig, agena cisdoc eu gagadicca qee. Odocob age sab eu kadan tibudnu ihanec jegina saen euna age sab eu kadan tibudnu ihanein ec cisdogina. Odocob age sab jegina eu age kobol gegehinca odoqona ec tebandogina.

Efesas 5:14

Odocob ceteteh cunug camasac mena eu fulacdoc ibuldona. Eunu leih age je i madegina: “O dana us nijigina, hina camali cajaga! Hina cal mecnadec cajecem Krais uqa fulacdoc ihigian,” egina.

1 Tesalonika 4:5

Haiden age Anutnu qee dogina age golanaga me qeenu sililec toodu cotogail agena cajaca cobocnu sisi jelec wagalegina, eu agena odoc odiwe cain bahic nijiaun.