1 Korin 15:27 - Bal cehec je haun

²⁷ Anutna jaqec je eu odi madena: “Anut ceteh cunug uqa jaih bisalu meceb agena ilo bilen,” ena. (Buk Song 8.6) Anut uqa ceteh cunug eu Krais bisalu men. Euqa ege doqona, “ceteh cunug” eu Anut uqadodoc eu age gami Krais bisalu qee mel.

1 Korin 15:27 ပူးပေါင်းရင်းမြစ်များ

Matju 11:27

Mei uqa ceteteh cunug ija ebenina men. Dana oso uqa Anut Melah qee du cuhadona. Euqa Memige Anut himec Anut Melahnu du cuhadona. Dana osoha Memige Anut qee du cuhadona. Anut Melah uqa himec Memige Anutnu du cuhadona. Odocob Anut Melah eu uqana gale docna dana oso Memige Anutna gug ihacdona euha Memige Anut du cuhadugian,” en.

Matju 28:18

Jisas uqa cemenega humei odi maaden, “Anut uqa ceteh cunug agena ilo miten. Uqa ceteteh cunug mahanaca sao jobonnaca cofadecnu gagadic odocha iten.

Me Je i Jon Jaqen 13:3

Jisas uqa Memige Anut uqa ceteh cunug uqa ebenna men, uqa Anut suldocob nen, uqa haun ceseli Anutca ti caligian eu cunug don.

Me Je i Jon Jaqen 3:35

Memige Anut uqa Melahnu nalug mena, uqana ceteteh cunug uqa ebenna muden nijia.

Efesas 1:20

Anut uqa uqana gagadic odoc euna wele uqana cabi eu Kraisna u hedon. Uqa Krais cal mecnadec tulidumei saona gunna ehudi ti uqa eben meulana isec mudeceb bilen saen euna uqa uqana cabi u hedon.

Efesas 1:22

Anut uqa ceteteh cunug Krais jaih bisalu men. Odimei uqa tamanec cunugnu ceteteh cunug agena ilo bahic biligiannu muden.

Hibru 1:13

Anut uqa uqana ensel oso odi qee madol: “Ene hina ebeni meulana isec biliga. Ene bibilem hinana cad cilehadimig age cabal jaim bisalu isec madigen,” qee dol. (Buk Song 110.1)

Hibru 10:12

Euqa Krais uqa silail cagasecnu ihani osoldon eu saen cunugnu ihoc. Uqa eu odiodi hedumei ti Anut eben meulana isec bilen.

Hibru 2:8

Odimeg ceteh cunug uqa jaih bisalu mecem agena ilo bilen,” ena. (Buk Song 8.4-6) Anut dana muden eu ceteh cunug agena ilo ec odi maden, eu ceteh cunug bahic ec maden. Euqa qila ege ceteh cunug eu dana uqa agena ilo qee bilina eu foqona.

1 Pita 3:22

Jisas Krais uqa sao jobon ten, Anut eben meulana isec bilina. Odocob ensel cunugca, kis gagadic odoc cunugca, ceteh cunug gagadic odocca eu age Jisas Krais bisalu bilegina.