1 Korin 15:2 - Bal cehec je haun

² Age me je ija qasali maadem eu gagadic hewifeig Anut uqa me je euna himec cahahaadigian, euqa age wawaga gauc mele qee elfi.

1 Korin 15:2 ပူးပေါင်းရင်းမြစ်များ

Me Je i Luk Jaqen 8:13

Aig eu maha meen baibacana tonen eu odiwe dana age Anutna je dah mimeig wawaga ceelecca je eu ogina. Euqa age aig bebeig qee mel. Age saen nag odi himec wawaga meleeceb temadec saen hocob toni aqena.

Aposel 2:47

Age Anut binan susulegin dana cunug agenu culunuga oin. Odocob deel cunugna Tibud uqa cahahaaadi dana cajaca am haun eu cedi ahu gabanaadien.

Aposel 8:13

Saimon uqadodoc ha waug meleen. Hibna uqa wa joc umei Filip cemenug bahic bilen. Odocob uqa Filip odoc kobolkobolca odocob fimei filiciten.

Pol Uqa Jaqec Je Oso Rom Tamanec Jaqiaden 1:16

Ge, me je eu Anutna gagadic odoc dana cunug age wawaga meleec eundec cahahaadigiannu. Eu Juda dananu casac ihoc leceb Juda dana qee eundecnuha ihoc ligian. Eunu ija me jenu qee majani tena.

Pol Uqa Jaqec Je Oso Rom Tamanec Jaqiaden 11:22

Eunu age batut feigale. Anut uqa waug susumulca qa uqaha kobolkobol gagadic odocca. Dana age Anut hibemdogina eu Anut uqa kobolkobol gagadicca odadegina. Euqa Anut uqa agenu waug qona, eu age uqana waug qoc euna bilifeig. Qeefi, ageha Anut qahadi qeladigian.

1 Korin 1:18

Anutna jaqec je odi madena: “Ija cisdoc dana agena cisdoc silecca qee mudigen. Odimig dana docnu gesis agena doc eu gesacna migen,” ena. (Aisaia 29.14) Eunu dana age fadaladecnu dodoladena eu agenu na babalecnu je eu gad je ec cisdogina qa ege Anut cahahagecnu odona eu egenu na babalecnu je eu Anutna gagadic odoc bilia ec doqona.

1 Korin 1:21

Anutna gad je eu dana agena cisdoc silecca wooldona. Odocob Anutna lasdoc eu dana agena gagadic wooldona. Anut uqana cisdoc sileccana dana cajaca odadeceb age uqanu docnu eu agena cisdoc sileccana agedodoc docnu ihoc qee. Eunu ege me je eu age gad je egina eu qasali maadoqona euna Anut uqa dana cajaca wawaga meleena eu cahahaadecnu cisdon. Juda age kobolkobol odoc fecnu gagadic megina. Odocob Grik age cisdoc silecca walegina. Euqa ege age Krais na babalecna tuitu qocobil cal men eunu je qasali maadoqona. Je eu Juda agenu eu meen cinigwe age jaimagana qeti aqeceb toni aqena. Odocob je eu Juda dana qee eundec agenu eu gad je. Euqa leih Anut utaaden, eu Juda Grikca osoben agenu, je eu Krais, uqa Anutna gagadic odoc, odocob uqa Anutna cisdoc silecca.

1 Korin 11:2

Age gaid ijanu cisdogina, odocob iwaladec je ija age ebenegana mem eu age toodu odogina. Eunu ija age binanaga suligina.

1 Korin 15:14

Odocob Anut uqa Krais tulidocob ceseli qee cajel eu melefi eunu me je ege qasali madoqona eu ceteh gauc, odocob agena wawaga meleec euha ceteh gauc.

2 Korin 2:15

Ge, Krais uqa ihaneceb cijeceb dedeman tinca wasi Anutca tena eu ege. Dedeman tinca eu dana cajaca age fadalec jic tabag megina eu gemogemo nuina. Dana cajaca age fadalec jicna cobogina eu agenu dedeman i cal mec uqana dedeman cinigwe. Odocob dedeman eu agenu cal mec cali hugian. Odocob dedeman tinca eu dana cajaca Anut cahahaadena euha gemogemo nuina. Euqa dana cajaca Anut cahahaadena eu agenu dedeman i cebac bilec uqana dedeman cinigwe. Odocob dedeman eu agenu cebac bilec cali hugian. In uqa cabi i ocnu ihoc?

2 Korin 6:1

Anut uqa odi madena: “Saen ija nesili ehadem euna ija agena je dah mimig cesuladem. Cesuladecnu saen ija nesili ehadem euna ija age cahahaadem,” ena. (Aisaia 49.8) Dah meiga! Qila i eu Anutna cesuladec ocnu saen. Dah meiga! Qila i eu Anutna cahahaadec ocnu saen. Eunu ege Anutca osoben cabi u biluquna ege cesusaadi maadoqona, “Age Anutna eelgec uum igec wele oin eu age gauc cain cusdowain,” adoqona.

Galesia 3:4

Culumen sogoec wele ageca calen eu age gauc gahidoinfo? Euqa ija age gauc qee gahidogina ec cisdugina.

Efesas 2:8

Ge, Anut uqa uqana eelgec uum igecna age wawaga meleeceb cahahaaden. Odocob eu agena odocna qee, eu Anutna bagol igec himec.

Kolosi 1:23

Euqa age wawaga meleec gagadic hewimeig duuec taweiga. Odocob ceteh oso age diadeiaunnu age ceteh me ocnu sumudi bilegina eunu me je wele doin eu dahiniga cain celeiaun. Ija Pol, ija me je uqana cabi dana calem. Odocob me je eu, age dana cajaca cunug mahamaha bilegina eu qasali maadein.

2 Tesalonika 2:15

Eunu ege wawige meleec cotigeil, age gagadic taweigale, me je ege conigena maadocomun oinca ebenigena jaqiadocomun oinca iwaladom eu hewihewi taweigale.

2 Timoti 1:9

Cahahalen eu uqa, uqaha uqana cabi gun bahic ocnu utalen. Eu odilen qa eu cabi oso ooh eu ameg ilecnu qee qa uqadodocna cisdocnuca, uqa waug elenu uum ilecnuca eunu odilen. Uum ilec eu wele bahic gug qoc saen qee calec Anut uqa ele Krais Jisasca gabandoc ilen.

Hibru 10:23

Ege ceteh me sumudi biluquna eunu qasali madoqona eu ege gagadic hewecnu, cain felacuduqaun. Ege doqona, ceteteh cunug eu Anut mudigiannu wele maden eu mele bahic mudigian.

Hibru 2:1

Eunu ege mele je dah mom eu hewi cuhadoqale. Qeefi, ege mele je toodoc eu culuqaunnu.

Hibru 3:14

Ege hahawan wawige meleen gagadic hewom. Eunu ege qila wawige meleec eu gagadic hehewi li egena cal mec gadac gulucdoqale. Ege eu odi odifeb ege Krais cotugul hijagul biluquna.

Hibru 3:6

Euqa Krais uqa Anut Melah eunu uqa Anutna jo cofdoc cabi uqa melahnu Anut co toodu cuhadon. Ege ceteh wawige meleec susumudi gagadic hehewi culaug oqonafi egeha Anutna jo biluquna.

Hibru 4:14

Jisas Anut Melah, uqa egena nawel tawec ihanec dana ilo, uqa sao jobon dunuh bahic len. Eunu ege wawige meleec qasali madoqona eu hewi daugdoqale.

Jems 2:14

O cotiel, dana oso uqa ija Kraisnu wawi meleena ec madenafi qa uqa kobol me oso qee odona, dana eu uqana waug meleec eu ceteh gauc himec. Waug meleec eu odi cahahadocnu ihoc qee.

Jems 2:17

Eunu wawaga meleec ha eu odi himec. Uqa gauc bibili kobol me oso qee camasac mudinafi eu ceteh gauc himec.

Jems 2:26

Deweg kisca qeefi wele cal men eu ege doqona. Eu odiwe dana uqa waug meleena qa me odoc qee odona dana eu uqana waug meleec euha cal men.