1 Korin 13:2 - Bal cehec je haun

² Ija je hahun madecnu duginafi, odocob ija Anutna cisdoc cunug jahunec nijia eunu duginafi, odocob ija doc silecca cunug duginafi, odocob ija wawi meleec cunugca ija aluh maadecemin ono isec lecnu ihocfi, euqa nalug mec eu ijana qee nijinafi, ija tetec gauc himec.

1 Korin 13:2 ပူးပေါင်းရင်းမြစ်များ

Matju 13:11

Odocob uqa malogom maaden, “Oso uqa docca nijia eu Anut haun uteceb uqana doc meca migian. Euqa oso uqa docca qee eu Anut uqa uqana doc nag nijia eu cawaldugian. Eunu Anut culadeceb age sao cul jobonnu ceteteh jahunec docnu nijia. Euqa dana i age eu docnu qee nijel.

Matju 17:20

Odocobil maaden, “Agena wawaga meleec eu nag eunu ihoc qee lel. Ge, ija mele maadigina, age wawaga meleec eu nag bahic, eu mastet aig cinigwe tawecebfi age aluh i madoubmiqa, ‘Hina cajimeg onoca nuuga,’ doubmiqa odocob uqa conoga toodu odoub. Ceteh odoc oso odocwe qee eu qee nijiaun. Odoc cunug ihoc ligian,” aden.

Matju 21:19

Odocob uqa na dan oso filec tatawen fen. Odimei uqa ono gug cemenug limei me aigcafo fecnu len. Euqa na dan me aigca qee, eu bagac himec tatawen fen. Odimei uqa na dan madon, “Hinana aig oso haun qee qogaun!” don. Odocob na dan mahuc galalen.

Matju 21:21

Odocobil Jisas maaden, “Ija mele maadigina, age wawaga meleec nijialumi wawaga lecisca qeemi age na dan eu oodom feiga eu himec qee odoubqa age aluh i hina caji macasna noga doubmi eu conoga toodu odoub.

Aposel 13:1

Antiok tamanecna je hahun madec dana iwaladec dana leihca bilein. Eu age Banabas, Simion age Naija dogina, Lusias uqa Sairinidec, Manejen uqa Herod gabman dana uqana begabeg meh, Solca.

Pol Uqa Jaqec Je Oso Rom Tamanec Jaqiaden 11:25

O wawaga meleec cotiel, age je jahunec i fogo adigiannu ija wawi nijia, age Juda dana qee eundec agedodocnu cisdudu madowain, “Ege cisdoc silecca,” owainnu ija je jahunec i qasali maadigina. Eu odi, Isrel am naha age wawaga meneceb kobol eu ageca biligian, lecebleceb saen Juda dana qee eundec agena sihul eu limei agena wawaga meleec am sanijec eu ihoc ligian.

Pol Uqa Jaqec Je Oso Rom Tamanec Jaqiaden 15:14

O wawaga meleec cotiel, ijana wawi meleec eu age wawagana kobol meme geh bahic am ben. Odocob age doc filfilha ihoc am ben. Eunu agedodoc ihoc iwaldocobdocobeeig cotogail cisdoc me bahic adoqagan.

Pol Uqa Jaqec Je Oso Rom Tamanec Jaqiaden 16:25

Me je ija qasali madigina eu Jisas Kraisnu me je. Me je eu wele bahic jahunec bilen eu qilaqa Anut uqa camasac muden. Anut uqa me je euna agena wawaga meleec gagadic tawigiannu ihoc odona.

1 Korin 11:4

Eunu dana oso uqa ilo jahuldoc tatawi inondonafo, je hahun madenafo uqa Krais majag hewena. Krais uqa ilo. Odocob caja oso uqa ilo qee jahuldoc tatawi inondonafo, je hahun madenafo uqa gemug majag hewena. Gemug uqa ilo. Caja eu odiwe caja age ilo gosic cocdocobil majag dona. Ge, caja uqa ilo qee jahuldoc bilinafi uqa gosic cagocob gohicdugian. Euqa caja uqa gosic cagu gohicdoc bilinafo, ilo cocdoc bilinafo, eu majag docobfi uqa ilo jahuldugian. Dana uqa Anut ihicon qon, uqa Anutna gagadic odoc fulacdocca. Eunu dana uqa ilo jahuldoc qee biliaun. Euqa caja uqaha gemugna gagadic odoc fulacdocca.

1 Korin 12:28

Odocob Anut uqa uqana tamanecnu cabi dana nesili ehaden. Uqa casac aposel nesili ehaden, odocob uqa je hahun madec dana nesili ehaden, odocob uqa me je iwaladec dana nesili ehaden, odocob uqa kobolkobol odoc dana nesili ehaden, odocob uqa hagnu me madec dana nesili ehaden, odocob uqa cesuladecnu cabi dana nesili ehaden, odocob uqa cofadecnu cabi dana nesili ehaden, odocob uqa beilah filfil madecnu dana nesili ehaden.

1 Korin 13:1

Ija dana agena je madecnuca, ensel agena je madecnuca duginafi, euqa nalug mec eu ijana qee nijinafi, ija belo ain qetec mahulec cinigwe, ija gilim gauc cadum cagoc cinigwe.

1 Korin 13:3

Ija ijana ceteteh qaigca cunug dana agena coocooh ihoc qee eundec loo adiginafi, [ija deweniha ja cijigiannu ihanduginafi,] euqa nalug mec eu ijana qee nijinafi, ija ijana odoc eu cunugnu ameg me ocnu qee nijel.

1 Korin 13:8

Nalug mec uqana saen qee qee meiaun. Euqa je hahun madec eu jausigian. Beilamaga filfil madec eu qee migian. Doc silecca eu jausigian.

1 Korin 14:29

Anut uqa ege kobol ilagna bilecnu qee gale dona. Uqa kobol ilag ihulahaldoc dana qee. Uqa malol bilecnu gug. Eunu Anutna je hahun madec dana eu lecisfo, cijedfo odi je maadoqagan. Odocob dana cajaca leih age adi madegina eunu gesili foqagan. Odocob dana cegulecna bilina uqa Anut je oso madecnu camasac ihacdufei dana uqa casac je madeia eu uqa co cufa qugian. Ge, kobol ina age cunug Anutna je hahun osolosol maadoqagan. Eunu dana cunug age je eu doqagan. Odimeig cunug wawaga gagadic mudoqagan. Odocob dana Anutna je hahun madegina eu agedodoc conoga cofdoqagan. Odocob age agena saennana je madoqagan. Caja age Anutna qagu coboc dana cajaca agena cuha jona cunug tilii bilegina.

1 Korin 14:39

Eunu, ija cotiel, age beilamaga filfilna je madecnu kobol eu cain cahacadowain. Odimeig age Anutna je hahun madecnu cabi gagadic oigale.

1 Korin 14:4

Dana uqa beilah fil osona je madena eu uqadodoc waug meleec gagadic mudecnu odona. Euqa dana uqa Anutna je hahun madena eu tamanec agena wawaga meleec gagadic mudecnu odona.

1 Korin 15:51

Dah meiga! Ija je oso jahunec nijia eu qila maadigina. Ege cunug qee cal moqaun qa ege cunug ibuldoqan.

1 Korin 16:22

Dana oso Tibudnu nalug qee menafi Anut uqa dana eu geuldeiale! Egena Tibud hoiale!

1 Korin 4:1

Age egenu eu Kraisna cabi dana, ege Anutna ceteteh jahunec cofdoqona ec cisdoigale.

1 Korin 8:4

Eunu sab dana age kadan tibudnu ihaneinnu ija je oso maadigen. Ege doqona, kadan tibud eu ceteh mele bahic qee, eu ceteh gauc himec. Egeha doqona, anut mati bahic qee bilegina, Anut osol dih bilina.

2 Korin 12:11

Ija dana gadwe odigina qa age oditecebil odigina. Ge, age ija binani suloubmi eu kobol tutuc. Euqa age eu odi qee odoloin. Mele, ija ceteh gauc himec qa ija agena aposel meca eundec agena bisalu qee biligina.

Galesia 5:16

Aria, ija odi maadigina, age dewenega gale doc toodu cain odowain. Dewenige gale doc eu Kis feedudu ameg qona. Odocob Kis uqa dewenige gale doc feedudu dahinige hewena. Ale gaid cadesinanu. Eunu age ceteh odocnu cisdogina eu age odocwe qee. Euqa Kis uqa age iwalaaden toodoginafi age Mosesna loo je bisalu qee bilegina. Eunu age Kisna dado madecna jic coboigale.

Galesia 5:22

Euqa Kis uqana dado madec aig qoc eu ihen. Eu cotigeilnu nalunuga mec, eu wawige ceeli bilec, eu wawige malol bilec, eu lalafanigeca, eu wawige susumulca, eu me odadec, eu tutuc cobocca,

Galesia 6:3

Ge, dana oso uqa caunca qee eu uqanel waugna madi, ija ijanica biligina, ena eu uqadodoc qaudona.

Efesas 3:4

Odocob age je i ija jaqiadiga eu sanijuqagan saen euna age ija cabi i Krais odonnu je jahunec eu du cuhadugina ec doqagan.

Efesas 6:19

Ageha ija me je uqana jahunec gug camasac mecnu madige bili saciadugen euna Anut uqa je iteceb ija me je saluqi u maadigennu ijanu inondoigale.

Kolosi 1:26

Anutna je eu wele saen cunugna jahuni bilen, eu dana cajaca cunug qee doloin. Euqa qila Anut uqa je jahunec eu uqana dana cajaca qagoc eu ageca camasac meceb doin.

1 Timoti 3:16

Ege mele doqona, Anutna kobolnu je gug eu me bahic me, oso eunu qee sasac qocwe qee. Je gug eu ege odi qasali madoqona: “Uqa dana deweg ocna camas men. Kis Gun uqana gug eu tutuc bahic ege ihacgen. Ensel age fecidoin. Agena malogom age uqana je dana hatuhatu bilegina age gemo maadecebil dah mein. Mahanadec age uqanu wawaga meleena. Anut uqa ehudi sao jobon teceb uqa binan ben on,” oqona.

1 Jon 4:8

Anut uqa nalug mec gug. Eunu oso uqa nalunuga qee mena eu uqa Anutnu qee dona.