1 Korin 10:11 - Bal cehec je haun

¹¹ Aria, ceteh i cunug dana cajaca ulauladecnu ageca calen. Euqa age dado migecnu jaqein. Eunu ege dana qila biluquna eu saen wele qee migian odonanu cisdoc igina.

1 Korin 10:11 ပူးပေါင်းရင်းမြစ်များ

Jenesis 19:35

Eunu witic euna ha ale memela wain utecebil jeceb dalul qon. Odocob ateg milum eu cajimei leceb memegca nijesin. Odosin memeg uqa ateg leceb nijimesi culdi cajen eu qee dol.

Matju 13:39

Cad uqa huhel aig qelen eu Seten. Wal mi hedoc saen eu mahamaha bili cit qoc saen. Dana qeti sagogina eu ensel.

Matju 13:40

Age huhel meel u casili haudu jana maneginawe mahamaha bili cit qoc saenna odi bahic nijigian.

Pol Uqa Jaqec Je Oso Rom Tamanec Jaqiaden 13:11

Eetanu ija kobol eu odi odoqagannu maadigina? Saen qila bilia eunu age wele doin. Qila us nijec cuculeb cajecnu saen. Age dogina, ege wele wawige meleec dana calom, odocob Anut cahahagecnu saen cecelacca nijen. Qilaqa saen i wele gohic mena.

Pol Uqa Jaqec Je Oso Rom Tamanec Jaqiaden 13:12

Witic eu qee memen odi cujedugia odona. Eunu tuna kobol eu culecnu. Odimeb han lotoc tacimeb fulacdoc kobolna bilecnu.

Pol Uqa Jaqec Je Oso Rom Tamanec Jaqiaden 15:4

Me je cunug wele Anutna jaqec jena jaqein eu ege iwalgecnu jaqein. Eunu me je jaqein eu odigeceb ege wawige meleec gagadic tatawi gaid biligian. Odocob euna Anut cahahagigiannu susumudi biluquna.

Pol Uqa Jaqec Je Oso Rom Tamanec Jaqiaden 4:23

Euqa je eu Anutna jaqec je taweia Anut uqa uqanu maden eu, “Uqa dana ititom,” en eu uqa Ebrahamnu himec qee madel.

1 Korin 10:6

Ege silail mec kobol cain gale geiaun eu odiwe age gale aden. Eunu ceteh i cunug ulaulgecnu calen.

1 Korin 7:29

Ija cotiel, cel gugnu odi madiga, maha i falicdocob fil bahic caligian. Odocob saen geh bahic qee leiaun, eu saen nag qila ina himec bilina. Dana age aidagailca eu age aidagailca qee cinigwe bileigale. Odocob dana age qada qajegina eu age qada qajecca qee cinigwe bileigale. Odocob dana age ceelegina eu age ceelecca qee cinigwe bileigale. Odocob dana age ceteh idadecnu cabi ogina eu age cetehca qee cinigwe bileigale. Odocob dana age maha cetehna cabi ogina eu age agena maha cabi culein cinigwe bileigale.

1 Korin 9:10

Anut uqa egenu bahic cisdudu bili eu maden. Dana cabina maha qatanenaca, dana wit ganac cagasenaca ale aledodoc alena sab naha ocnu cabi osina eunu uqa egenu je eu jaqen.

Galesia 4:24

Aria, ija dodo i saadigen eu galolo je. Caja lecis i ale bal cehec je lecis ihoc mec cinigwe. Bal cehec je oso eu Mosesna loo je eu Sainai Aluhnadec, eu mel age begabeg meh bilecnu basadena. Caja oso eu Hega.

Filipai 4:5

Age dana cunug wawaga jocosaigca odadeigale. Eunu age agena kobol eu me bahic ec doqagan. Tibud ceseli hoia dodolgena.

Hibru 10:25

Ege wawige meleec cotigeil gami ceguli bilec kobol eu cain culuqaun, eu odi dana leih odogina. Tibudna deel eu dodoldona eu dogina. Eunu ege wawige meleec cotigeil gagadic madec cabi gagadic ocnu.

1 Jon 2:18

Ijana mel sim, qila eu cit qoc saen. Age Kraisna cad hona ec doinwe eu odi qila Kraisna cad mati bahic wele hoin. Eunu ege qila eu cit qoc saen ec doqona.