1 Korin 1:2 - Bal cehec je haun

² ele Anutna tamanec Korin bilegina eu age jaqiadowona. Anut uqa ageca dana cajaca age mahana cunug egena Tibud Jisas Krais inondudu ijannu cuha feginaca age Anutna dana cajaca qagu biluqagannu utaaden. Jisas Krais uqa agena Tibud, eu egena Tibudha. Krais Jisas age uqaca gabanadeceb age qagu bilegina.

1 Korin 1:2 ပူးပေါင်းရင်းမြစ်များ

Jenesis 12:8

Odimei uqa onodec haun cajimei cam tobi becna isec aluh oso Betel cemenug nijia euna nuen. Uqa cudun euna uqa lotoc talah cehen. Betel eu cam toni nocna isec ninijen Ai eu cam tobi becna isec nijia. Uqa gemo euna Tibud ihandocnu meen cabal oso gualen. Odimei uqa Tibud ijan u bili ihandon.

Jenesis 4:26

Odocob Set uqa caja oso ocob mel basen. Eu uqa ijan Inos qon. Saen euna dana age Tibud ijanna inondudu ihanec sanan mein.

Aposel 10:36

Me je Anut uqa Isrel dana ageca suldon eu age dogina. Me je eu qila Jisas Kraisna dana cunug age Anutna malol euca bilecnu ihoc en. Jisas uqa dana cunug agena Tibud.

Aposel 15:9

Odocob uqa egeca ageca eu gug fil qee odel. Euqa age uqanu wawaga meleen. Odimei age wawaga meleecna age wawaga soidon.

Aposel 18:1

Odi hedocob Pol Atens culdimei Korin taun benna nuen.

Aposel 22:16

Hina qila cain daleagaun. Cajecem oso wa joiheia. Odimeg uqa ijanna utadocom Anut hinana silail cagasihigian,’ ten,” aden.

Aposel 26:18

Hina eu age amaga hulelduadecem age tu hibemdumeig fulacdocna falicdoqagan. Odocob Setenna gagadic odoc culimeig Anutca hoqagan. Eunu ijanu wawaga meleeceb agena silail cagasiadecemin agena cudun Anut dana qagu maden ageca oqagan,’ ten,” en.

Aposel 9:13

Euqa Ananaias jejeg hewi madon, “Tibud, dana inu je mati bahic uqa hinana qagu coboc dana cajaca Jerusalem ono bibilegin ihulahaladena ec matein.

Aposel 9:14

Odocob uqa jaqec je oso ihanec dana benben agenadec hewi ene hon. Jaqec je eu dana cajaca cunug age hina binain sulegina hewadi jeladimei cedadi Jerusalem ono ehi nuigiannu cois en,” don.

Aposel 9:21

Odocob cunug uqa je eu madeceb dumeig tumatumaein. Odimeig sisilein, “Dana i uqa qeefo Jerusalem ono dana cajaca age ijan i binan sulegina eu aqena? Odocob uqa dana caja enedec hewadi jeladimei ihanec dana benben ageca ehadi Jerusalem ono ehi ligiannu ene qee holfo?” ein.

Pol Uqa Jaqec Je Oso Rom Tamanec Jaqiaden 1:7

Romdec dana age Anut agenu nalunuga mena eu age utaadeceb uqanu dana cajaca qagoc bilegina, eu age ija je i jaqiadigina. Anut ege Memigeca Jisas Krais Tibudca alena eelgec uum igecca malol bilecca adesiale.

Pol Uqa Jaqec Je Oso Rom Tamanec Jaqiaden 3:22

Anutna kobol ititom eu odi. Dana Jisasnu waug meleena eu uqa Anut dana ititom ec madena. Odocob dana cunug Jisasnu wawaga meleena age ijanaga dana ititom adegina. Anut uqa dana am cunug odi odona eu odoc filna qee odona.

Pol Uqa Jaqec Je Oso Rom Tamanec Jaqiaden 8:28

Uqa Melah age waliniga matu biligiannu uqa dana cajaca Anut ceseli cedecnu wele maden eu ageha uqa Melah cinigwe caloqagannu nesili ehaden. Odocob uqana mel gehca biluqagan. Odocob dana cajaca age uqana wele nesili ehaden eu ageha utaaden. Dana cajaca utaaden eu ageha dana cajaca ititom ec maden. Dana cajaca ititom ec maden ageha uqana kobolkobol aden. Eunu ege doqona, Anut uqa ceteh cunugna dana cajaca age Anutnu nalunuga megina, eu age Anut ceseli cedecnu wele maden, odimei utaaden eu age me madena.

1 Korin 1:30

Odocob Anut uqa age Krais Jisasca gabanadeceb bilegina. Odimei Anut uqa Krais Jisas eu egena cisdoc silecca muden. Odimei uqa Krais Jisas umna ceseli fajigen. Odimei uqa Krais Jisas umna ege dana cajaca ititom ec maden. Odimei uqa Krais Jisas umna ege dana cajaca qagu biluquna ec maden.

1 Korin 10:32

Age Judanuca, Griknuca, Anutna tamanecnuca cisdoiga. Odimeig age kobol osonu age jaimaga qeti qocob silailna toni aqeiaunnu cain odowain.

1 Korin 12:27

Age osoben Krais deweg bilegina, age abesabes deweg euna agena bilec cudugna bilegina.

1 Korin 8:6

egenu Anut osol bilina, ege Memige. Uqa ceteh cunug ifanec gug, odocob uqanu ege biluquna. Tibud osol dih bilina, uqa Jisas Krais. Uqa ceteh cunug ifanen, odocob ege uqanadec cebac bilec oqona.

2 Korin 1:1

Ija Pol, ija Jisas Kraisna aposel. Ija Anut uqana cisdocna aposel calem. Ija ege wawige meleec cotige Timotica ele Anutna tamanec age Korin ono bileginaca, Anutna dana cajaca qagoc cunug age Akaia hatu cunugna bileginaca jaqiadowona.

2 Korin 4:5

Ge, ege me je qasali maadoqona eu egedodoc ijanige ben qee muduquna. Euqa ege odi madoqona, “Jisas Krais uqa egena Tibud. Ege Jisasna je toodoqona, odocob ege Jisasnu agena cabi dana biluquna,” oqona.

Galesia 1:2

Ijaca wawige meleec cotiel age cunug ijaca gabangi biluqunaca ege tamanec age Galesia hatuna bilegina ageca feele ec sulduadoqona.

Efesas 5:26

Uqa tamanec Anutna jena wa joudimei soidocob Anutnu qagu biligiannu eu odi odon.

1 Tesalonika 1:1

Ege Polca Sailasca, Timotica tamanec age Tesalonaika bilegina je i jaqiadoqona. Ageca, Memige Anutca, Jisas Krais egena Tibudca gabanadec bilegina. Anut uqana eelgec uum igecca, malol bilecca eu ageca biliale.

1 Tesalonika 4:7

Ge, Anut uqa wawige gegehinca cobocnu qee utagel qa uqa egena coboc eu soidoc cataniec migiannu utagen.

2 Tesalonika 1:1

Polca, Sailasca, Timotica ege tamanec Tesalonaika bilegina eu age jaqiadoqona. Age Anut ege Memigena Jisas Krais egena Tibudnaca tamanec.

1 Timoti 2:8

Ija maadigina, dana cunug age tamanec jonana inondoigale. Dana eu age Anut ijan saolal mumudi ebenega suli u inondoigale. Age inondodoig gemanaga becca fee dadanecca qa cain bahic odowain.

2 Timoti 1:9

Cahahalen eu uqa, uqaha uqana cabi gun bahic ocnu utalen. Eu odilen qa eu cabi oso ooh eu ameg ilecnu qee qa uqadodocna cisdocnuca, uqa waug elenu uum ilecnuca eunu odilen. Uum ilec eu wele bahic gug qoc saen qee calec Anut uqa ele Krais Jisasca gabandoc ilen.

2 Timoti 2:19

Euqa Anut noh gug gagadicca wele cehen tawena, odocob Anut uqa noh euna sisi mec je i edi jaqen: “Tibud uqa uqana dana cajaca uqana bileginanu dona,” en. (Namba 16.5) Odocob je osoha euna odi jaqen, “Dana cajaca cunug age madi, ija Tibudna biligina, eginafi eu age silail kobol hibemdoigale,” en.

2 Timoti 2:22

Mel haun agena golanaga me qeenu sililec eu hibemdogale. Odocob ititom cobocca, wawin meleecca, nalug mecca, wawin malol bilecca eu ocnu sis qocwe biligale, hina gami dana cajaca age wawaga cataniec Tibud cesulgaga ec utadogina odi odoga.

Hibru 10:10

Jisas Krais uqa Anutna gale doc toodon. Odimei uqa uqadodoc deweg ganac euna Anut ihandu osoldon. Eu odina uqa ege qagu migeceb silailca qee ibuldom.

Hibru 13:12

Eunu Jisas uqaha dana cajaca uqadodoc golacna qagu madigiannu gel cebec jobon hahagum deweg tudoc culumen gahidon.

Hibru 2:11

Jisas uqa dana cajaca agena silailnu qagu gun madena. Odocob uqaca dana cajaca qagu gun madena eu ageca Memega osol himec. Eunu uqa cotiel ec madena uqa eu odi maadecnu majag qee dona.

Jud Uqa Jaqec Je Oso Anutna Dana Cajaca Jaqiaden 1:1

Ija Jud, ija Jisas Kraisna cabi dana. Ijaha Jems waliag. Ija dana cajaca age Anut uqa uqana dana cajaca biluqagannu utaaden eu jaqiadigina. Anut ege Memige uqa agenu nalunuga mena, odimei uqa Jisas Kraisnu age cofadena.

Jahunec Je Camasac Muden 19:16

Uqana lotoc cecelacnaca uqa tucuhnaca ijan jaqec eu: “king cunug agena king, tibud cunug agena tibud,” en.