1 Korin 1:10 - Bal cehec je haun

¹⁰ Ija wawige meleec cotiel, ija egena Tibud Jisas Krais ijanna age gemona cel je madegina eu age wawaga osol migiannu niniadigina. Eunu age gemona qatani nahanaha doc cain biluwain. Age cisdoc osolca wawaga osolca gabandoigale.

1 Korin 1:10 ပူးပေါင်းရင်းမြစ်များ

Matju 9:16

“Odocob oso uqana lotoc hilah giloccanu eu eeldugia bili, uqa lotoc fan haun qee cusec tatacan qee faldona. Eu odi odoubmiqa age lotoc cusecebil fan haun eu nag meceb eu gesacna haun ceseli balahadu bendoub. Wele balahadon eu wooldu qatanoub.

Me Je i Mak Jaqen 2:21

“Oso uqana lotoc hilah giloccanu eu eeldugia bili, uqa lotoc fan haun qee cusec tatacan qee gisena. Eu odi odoubmiqa age lotoc cusecebil fan haun eu nag meceb eu gesacna haun ceseli balahadu bendoub. Wele balahadon eu wooldu qatanoub.

Me Je i Mak Jaqen 3:24

Hatu osona mam cadecebilfi cul eu gagadic tawecnu ihoc qee.

Me Je i Jon Jaqen 10:19

Jisas je odi maadecebnu Juda dana age haun togodudu am qatani lecisdoin.

Me Je i Jon Jaqen 17:23

Ija age dunuhna biligen, hina ija dunuhna bilegan, age deweg osol bahic moqagannu adem. Eu odocna mahanadec eundec age, hina ija sultem eunuca hina ijana eundec nalunuga magana, hina ija naluni maganawe eunu wawaga fogo dugian,” don.

Me Je i Jon Jaqen 7:43

Eunu dana cajaca age Jisasnu wawaga filigandu tawein.

Me Je i Jon Jaqen 9:16

Odocob Farisi leih madein, “Dana eu uqa cuha deel qee mudina. Eunu uqa Anutnadec qee hol,” ein. Euqa leih age madein, “Dana silail mec adi kobolkobol eu odocnu ihoc?” ein. Odimeig age am qatani lecisdoin.

Aposel 4:32

Wawaga meleec tamanec eundec age wawaga osolca, cisdoc osolca bilein. Oso uqana ceteh eu uqana himec ec qee madoloi, qa age cunug agena ceteteh eu osoben utecebuteceboloig.

Pol Uqa Jaqec Je Oso Rom Tamanec Jaqiaden 1:13

O wawaga meleec cotiel, age du cuhadoqagannu wawi nijia, saen geh bahic ija ageca ono lecnu madem. Euqa saen cunugna ceteh ijana jic aqatitoloi. Ijana cabi oc ija Juda dana cajaca qee eundec cesuladecemin age wawaga meleen, ija cabi eu age gemona odocnu age am leihha odi caloqagannu wawi nijia.

Pol Uqa Jaqec Je Oso Rom Tamanec Jaqiaden 12:1

O wawaga meleec cotiel, gug eunu ija niniadigina. Age Anut agenu waug qona, eunu age dewenega Anutnu ihanec cebacca ninijeb odiwe uteigale. Ihanec eu gunca Anut gale docca nijiale. Eu agena Anut cewel utoc bahic nijiale.

Pol Uqa Jaqec Je Oso Rom Tamanec Jaqiaden 12:16

Age wawaga osol meceb coboigale. Cain deboii cobowain, age jogoii coboigale. Age agedodocnu ege dahinige qolocijec cahulec cain owain.

Pol Uqa Jaqec Je Oso Rom Tamanec Jaqiaden 15:30

O wawaga meleec cotiel, ija niniadigina. Age egena Tibud Jisas Kraisnuca Kis Gunna nalug mecnuca age ijaca gabandocobil ege Anut ija cesultigiannu gagadic inondoqan eunu sisiladigina.

Pol Uqa Jaqec Je Oso Rom Tamanec Jaqiaden 16:17

O wawaga meleec cotiel, ija cesusadigina. Dana leih age tamanec qatanegina. Age wawaga meleec dana cajaca je iwaladein eu hibemdocnu sigaladein. Age agena wawaga meleec wagalegina. Eunu age dana eundec hibemadeiga.

1 Korin 1:11

Ge, ege caja cotige Klowi uqana tal leih age qatanadec bilec Korin tamanec gemona nijia ec matein.

1 Korin 11:18

Ija je oso casac madigen. Ija je odi dah migina. Age cuha fecnu cegulegina saen euna age ilag qatanegina ec dah migina. Odocob ija je eu nag odi wawi meleena.

1 Korin 3:3

Ge, age fee dadanii cotoganu macumac megina eunu age qila gaid dewenega hilahna kobol toodogina. Age odi oodoig age dewenega hilahna kobol toodogina eu odi mahanadec dana odoginawe odogina.

1 Korin 4:16

Eunu age ija ciciloni ocnu niniadigina.

2 Korin 10:1

Dana leih age ija odi um qiteginanu. Age madegina, “Pol uqa ege gami biluquna euna uqadodoc cogohi ege amigena cobona qa uqa onoca bilina saen euna uqa ege je gagadic magena,” egina. Euqa ija Pol, ija age Krais uqa jogoi lal qu cobimei uqa dana cajaca cunug waug jocosaigca odaden eunu cisdoqagannu gale tena. Odocob age je ija maadigina eunu cisdu cuhadoigale.

2 Korin 13:11

O cotiel, ceeleigale! Age cabi ooig kobol tutuc bahic odoigale. Age ijana je dah meiga. Age cisdoc osol dih hewimeig wawaga malolca bileigale. Odocob Anut nalunuga mecca malol bilecca uqa ageca biligian.

2 Korin 13:9

Ege lasdocca qa age gagadicca eunu ege ceeloqona. Odimeb ege agena wawaga meleec eu haun gagadic tawigiannu Anut inondoqona.

2 Korin 5:20

Eunu ege Krais ijanna sos tatawoqon Anut uqa dana cajaca cunug ege conigena utaadena. Ege Krais hehuldi niniadoqona, age hu, cois ecebil ege age Anutca tanawadeqan.

2 Korin 6:1

Anut uqa odi madena: “Saen ija nesili ehadem euna ija agena je dah mimig cesuladem. Cesuladecnu saen ija nesili ehadem euna ija age cahahaadem,” ena. (Aisaia 49.8) Dah meiga! Qila i eu Anutna cesuladec ocnu saen. Dah meiga! Qila i eu Anutna cahahaadec ocnu saen. Eunu ege Anutca osoben cabi u biluquna ege cesusaadi maadoqona, “Age Anutna eelgec uum igec wele oin eu age gauc cain cusdowain,” adoqona.

Galesia 4:12

O wawige meleec cotiel, ija Juda agena loo je culimig age cinigwe calem. Age ija me qee qee oditelein. Eunu ija niniadigina, age ija cinigwe caleigale.

Filipai 1:27

Ceteh oso ben nijia. Agena coboc eu Kraisna me je toodoiale. Age odi odocobilfi eu ceteh me bahic. Eunu ija li age feciadigenfo, qee ija qee ligaunfo ija agenu je dih suldocobil dah migale, age wawaga osolna taweginaca, age cisdoc osolna wawaga meleec uqana me jenu osoben eb li cabi gagadic oginaca ec dah migale.

Filipai 3:16

Euqa ege ceteh wele dom eu gaid hewi toodu odoqale.

1 Tesalonika 5:13

Age cabi ogina eu agenu nalunuga mimi saolal madeigale. Odocob age wawaga osolna malol bileigale.

2 Tesalonika 2:1

O wawige meleec cotigeil, egena Tibud Jisas Kraisna ceseli hoc deelnuca, ege uqaca gabangecnuca qila je i maadecnu gale gena. Age dahiniga qolocijeiga.

1 Timoti 5:21

Ija hina Anutca Krais Jisasca ensel Anut nesili cedadenca amagana tutuc mahigina. Je jaqihem fagana eu toodu bahic odogale. Oso ijanca, oso ijanca qee eu filfil cain odadagaun, age ihocihoc odadagale.

2 Timoti 4:1

Ija hina Anut amegnaca, Krais Jisas uqa dana cajaca cebac bileginaca cal meinca gesiladigiannu humei saen euna uqana cul camas mudigian eu uqa amegna je mahigina.

1 Pita 2:11

O wawige meleec cotiel ija nalunuga migina, age cele dana jobon filnadec cinigwe odi age jag maha ina bilegina. Eunu ija niniadi maadigina, age wawaga hilahna gale adec me qee age dolonoga gami cadegina eu cunug hibemdoiga.

1 Pita 5:10

Anut uqa eelgec uum igec cunug uqana gug. Uqa age Kraisca gabanadeceb age uqana gagadic odoc fulacdocca oqagannu utaaden. Gagadic odoc fulacdocca eu gaid biligian. Age culumen dain adec sogoecca saen gohicna dih gahidoqagan. Odocob hibna Anut uqadodoc age haun me madigian. Odimei uqa me madeceb tatawebil gagadicca biluqagannu hehadigian.