1 Jon 5:18 - Bal cehec je haun

¹⁸ Ege doqona, Anutna mel ibuldoin oso silail mimi qee bilina. Euqa Anut Melah uqa mel eu me biligiannu cofdona. Odocob Seten uqa mel eu me qee oso qee odudiaun.

1 Jon 5:18 ပူးပေါင်းရင်းမြစ်များ

Matju 5:37

Age sisiladecebil eu melefi age ‘Ese’ ec dih madeigale. Qeefi, age ‘Qee’ ec dih madeigale. Age je eu je oso tubdufeig Setenna je ec madoqagan,” aden.

Matju 6:13

Hina ege temgecna cain ehi li migigaun. Euqa qisol mec kobol eu cagasigagale,’ doigale,” aden.

Me Je i Jon Jaqen 1:13

Age Anutna mel cali hoin eu dana gale adecnafo, age dewenega gale docnafo anagail memegail golanagana qee basadelein euqa Anut uqadih odocna cali hoin.

Me Je i Jon Jaqen 14:30

“Maha i uqana dana ben uqa hona. Eunu ija je mati bahic ageca haun qee madoqaun. Dana eu uqa ija mateceb odigen eu gagadic odocca qee.

Me Je i Jon Jaqen 15:4

Age ija fagtec bileigale, odocob ija age fagadec biligen. Batac uqa wain gugna qee fagdoc taweceb aig qocwe qee. Eu odiwe age ija qee fagti tawecebil ageha aig qocwe qee,” aden.

Me Je i Jon Jaqen 15:7

“Age ija fagti biluqagaqa, ijana je ha wawaga fagdoc biligiaqa, wawaga cetehnu madena eu age inondocobil Anut adigian.

Me Je i Jon Jaqen 15:9

Memige Anut uqa ija naluni menawe ija age nalunuga migina. Age ija agenu nalunuga mec euna bileigale.

Aposel 11:23

Banabas uqa dana me bahic, uqa Kis Gun am bec waug meleec ben bahic. Saen uqa ono li calimei dana cajaca age Anut amegna me bibilegin fimei uqa waug celeboeceb hulunuga cecehi maaden, “Age wawaga culunuga cunugca Tibudnu meleein eunu dahiniga hewegina,” aden. Eunu dana caja geh bahic Tibudnu wawaga meleen.

Jems 1:18

Qeeo. Uqa uqadodoc uqana cisdocna gale doc eu toodumei basigen, uqa uqana mele je euna basigen. Ceteteh cunug Anut ifanen euna ege sab magah age casac cabinadec umeig Anutnu ihanegina eu odiwe uqana mel matu bileqannu maden.

Jems 1:27

Cuha fec eu ege memige Anut amegna eu soidoc bahic nijeceb odocob gegehinca qee eu odi bilina. Age mel leih anagail memegailca cal mein eundec caja wij cuhanuc bilegina eu ageha culumen gahidocnu cesuladeigale. Ceteh osoha. Maha inadec kobol wawaga gegehin cain qoiaun. Odocob age agena jic coboc cofdu cuhadudu coboiga.

1 Pita 1:23

Ge, age haun wasein, eu odiwe sab cabina haun wasadena. Euqa sab aig qee mena eu age eunadec qee waselein. Sab aig gaid bilina eunadec dih age wasein. Sab aig eu Anutna je. Eu uqa cebac bilecca, eu gaid bilina.

1 Jon 2:29

Age uqa ititom ec doginafi age dana cunug age tutuc odogina eu age Anutna mel ibuldoin echa dogina.

1 Jon 3:12

Odocob ege Kein cinigwe cain biluqaun. Kein uqa Setennadec, uqa waliag qagadocob cal men. Uqa eetanu waliag qagadocob cal men? Uqana odoc eu qisol mec, odocob waliagna odoc eu tutuc eunu.

1 Jon 3:3

Dana cajaca cunug age uqa camasac meceb fimeig uqa cinigwe ibuldoqagannu sumudi bilegina eu age Anut amegna agedodoc soiadecnu odogina eu odiwe Krais uqa soidoc bilina.

1 Jon 3:9

Oso uqa Anutna mel ibuldon eu Anut duman eu uqa dunuh bilia. Eunu uqa silail mimi qee bilina. Odocob uqa Anutna mel ibuldon eunu uqa silail mimi bilecnu ihoc qee.

1 Jon 4:6

Euqa ege Anutnadec. Oso uqa Anutnu du cuhadona eu uqa egena je dah mena. Odocob oso uqa Anutnadec qee uqa egena je qee dah mena. Ege kobol euna kis eu melefo, qee kis eu uhulecfo ec doqona.

1 Jon 5:1

Dana cunug age Jisas uqa Krais ec wawaga meleena eu age Anutna mel ibuldoin. Odocob cunug age memegnu nalug megina eu age melahnuha nalug megina.

1 Jon 5:15

Odocob ege ceteh osonu sisildocomun uqa egena je dah mena ec doqonafi ege ceteh osonu sisildom eu wele om echa doqona.

1 Jon 5:19

Ege doqona, ege Anutna mel biluquna, odocob maha i cunug Setenna gagadic odoc cofdona.

1 Jon 5:20

Odocob ege doqona, Anut Melah uqa humei Mele Anut docnu cisdoc silec igen. Ege Mele Anutca gabandoc biluquna, odocob ege Anut Melah, Jisas Krais uqaca gabandoc biluquna. Jisas Krais uqa Mele Anut, uqa cebac bilec catanec uqana gug.

1 Jon 5:21

O ijana mel sim, age kadan tibud qisacadeiga!

Jud Uqa Jaqec Je Oso Anutna Dana Cajaca Jaqiaden 1:21

Anut agenu nalunuga mena, eunu uqa gaid agenu nalunuga migiannu age Anut cemenug bileigale. Odocob age egena Tibud Jisas Krais sumudi bileigale. Uqa agenu waug qocob age cebac bilec catanec oqagan.

Jud Uqa Jaqec Je Oso Anutna Dana Cajaca Jaqiaden 1:24

Anut uqa age ihoc cofadeceb agena wawaga meleec qee toni qoiaun. Uqa age ehadeceb uqana gagadic odoc fulacdoccana lecnu ihoc, odocob age Anut cemenug cahuldocca qee tawoqagan. Age ben bahic ceeloqagan.

Jahunec Je Camasac Muden 2:13

“Ija hina ana biligina eu figina. Ge, Setenna king bilec cabal tawena euna biligina. Hina ija ijaninu gagadic hewagana, hina ijanu wawin meleec qee falicdol. Antipas eu ijanu gaid qasali madoloi age gemona Seten bilecna euna qocobil cal men saen euna ha ijanu wawin meleec qee qee sasac qolom,” hena.