1 Jon 4:7 - Bal cehec je haun

⁷ O ijana danah bahic, nalug mec eu Anutnadec, eunu ege nalug mecebmeceboqale. Odocob oso uqa nalunuga mena eu uqa Anutna mel ibuldon, eu uqa Anutnu du cuhadona.

1 Jon 4:7 ပူးပေါင်းရင်းမြစ်များ

Me Je i Jon Jaqen 13:34

Ija qila age loo je haun adigina, age nalug mudecebmudecebi coboigale. Ija age nalunuga mem eu odi ageha nalug mudecebmudecebi bileigale.

1 Korin 8:3

Euqa dana Anutnu nalug menafi Anut uqa dana eunu du cuhadona.

2 Korin 4:6

Ge, Anut uqa wele maden: “Fulacdoc tu gemonadec cali hoiale!” en. (Jenesis 1.3) Uqa madeceb ege wawigena fulacdoc bahic ileten. Eunu ege Krais ola fimeb ege Anutna gagadic odoc fulacdocca om.

Galesia 4:9

Euqa qila age Anutnu dogina, ec ija maadigen, qila Anut uqa agenu dona. Age adinu mahanadec kadan tibud lasdoc gelelanca qee haun cofadigiannu ceselegina? Age adinu agena begabeg meh cabi dana haun calecnu odogina?

Galesia 5:22

Euqa Kis uqana dado madec aig qoc eu ihen. Eu cotigeilnu nalunuga mec, eu wawige ceeli bilec, eu wawige malol bilec, eu lalafanigeca, eu wawige susumulca, eu me odadec, eu tutuc cobocca,

2 Timoti 1:7

Ge, Kis eu Anut ege igen eu kis cucuianca eundec qee. Kis eu uqa kis gagadic codocca, nalug mecca, uqa odigeceb egedodoc tutuc moqona.

1 Pita 1:22

Age mele je i toodu odogina, odocob age kobol euna agedodoc wawaga wasacudecebil Anut amegna cataniec bilegina. Odocob age wawaga meleec cotogailnu nalunuga megina. Age cotogail osonu nalug mecebmecebecnu gagadic odoigale.

1 Jon 2:10

Oso uqa cotignu nalug mena eu uqa fulacdocna bilina. Odocob fulacdoc euna ceteh oso dana qocob toni qugiannu eu qee bilel.

1 Jon 2:29

Age uqa ititom ec doginafi age dana cunug age tutuc odogina eu age Anutna mel ibuldoin echa dogina.

1 Jon 2:3

Ege Kraisna je gagadic eu toodu odifeb ege Kraisnu du cuhadoqona eu mele.

1 Jon 2:4

Oso uqa madena, “Ija Kraisnu du cuhadugina,” ena qa uqa Kraisna je gagadic tefacdona eu uqa uhulec dana, odocob mele je eu uqa dunuh qee bilel.

1 Jon 2:7

O cotiel, ija je gagadic inu jaqiadigina eu je gagadic haun qee qa eu je gagadic weledec, eu me je age wele dumeig oin. Je gagadic weledec eu age wele hahawan doin.

1 Jon 3:9

Oso uqa Anutna mel ibuldon eu Anut duman eu uqa dunuh bilia. Eunu uqa silail mimi qee bilina. Odocob uqa Anutna mel ibuldon eunu uqa silail mimi bilecnu ihoc qee.

1 Jon 4:11

O ijana danah bahic, Anut uqa kobol euna uqa egenu nalunige geh bahic mena eunu ihacgen. Eunu ege nalug mecebmeceboqale.

1 Jon 4:12

Oso uqa Anut qee fel. Ege cotigeilnu nalunuga moqonafi Anut uqa ege dunuh bilina, odocob uqana nalug mec eu egeca gagadic ihoc bilina.

1 Jon 4:16

Eunu ege Anut uqa egenu nalunige mena eunu dumeb wawige meleena. Anut uqa nalug mec uqana gug. Eunu oso uqa nalunuga mimi bilina eu uqa Anutca gabandoc bilina, odocob Anut uqaca gabandoc bilina.

1 Jon 4:20

Oso uqa cotig wele fen uqanu nalug qee mena eu uqa Anut qee felnu nalug mecnu ihoc qee. Eunu oso uqa madena, “Ija Anutnu nalug migina,” enafi qa uqa cotignu gemag beceb sagagdona eu uqa uhulec dana.

1 Jon 4:8

Anut uqa nalug mec gug. Eunu oso uqa nalunuga qee mena eu uqa Anutnu qee dona.

1 Jon 5:1

Dana cunug age Jisas uqa Krais ec wawaga meleena eu age Anutna mel ibuldoin. Odocob cunug age memegnu nalug megina eu age melahnuha nalug megina.

2 Jon 1:5

O caja, qila ege nalug mecebmeceboqale ec ninihigina. Ija je gagadic haunnu eu odiwe qee jaqihigina. Euqa je gagadic hahawan saenna om qila hewoqona eunu ija jaqihigina.