1 Jon 4:6 - Bal cehec je haun

⁶ Euqa ege Anutnadec. Oso uqa Anutnu du cuhadona eu uqa egena je dah mena. Odocob oso uqa Anutnadec qee uqa egena je qee dah mena. Ege kobol euna kis eu melefo, qee kis eu uhulecfo ec doqona.

1 Jon 4:6 ပူးပေါင်းရင်းမြစ်များ

Me Je i Luk Jaqen 10:22

“Mei uqa ceteteh cunug ija ebenina men. Dana oso uqa Anut Melah uqana gug qee du cuhadona. Euqa Memige Anut himec uqa Anut Melah uqana gug du cuhadona. Dana oso uqa Memige Anut uqana gug qee du cuhadona. Euqa Anut Melah himec uqa Memige Anut uqana gug du cuhadona. Odocob Anut Melah eu uqana gale docna dana oso Memige Anutna gug ihacdona euha Memige Anutna gug du cuhadugian,” en.

Me Je i Jon Jaqen 10:16

Ijana sipsip filfilha bilegina age jo inadec qee. Eu ija ageha cedi ehadigen. Ageha ija jejeni dah moqagan. Hibna age tamanec osol cofadec osolca meceb biluqagan.

Me Je i Jon Jaqen 10:27

Ijana sipsip ija jejeni dah megina, ija agenu dugina. Odocob age ija tootegina.

Me Je i Jon Jaqen 10:3

Jic cebec cofdoc uqa dana i jic huditona. Sipsip age uqa jejeg dah megina. Uqa uqana sipsip ijanaga uutaadimei ehadimei aquniaadi calena.

Me Je i Jon Jaqen 13:20

Ija je mele maadigina, oso uqa ija suladigina eundec oso ehudi bilec cudun utina eu ija ehiti bilec cudun itina. Oso uqa ija ehiti bilec cudun itina eu uqa ija sulten eu ehudi bilec cudun utina,” aden.

Me Je i Jon Jaqen 14:17

Eu mele jenu Kis. Mahanadec age uqa qee fifi dudu egina. Eunu age uqa ocnu qee nijel. Euqa uqa ageca bilina, uqa age dunuhna biligian. Eunu age uqanu dogina,” aden.

Me Je i Jon Jaqen 15:26

“Euqa Tutuanaga Oc ija Memige Anutna gundec sulduadigen eu mele je madecnu Kis eu humei uqa ijana gugnu je qasali maadigian.

Me Je i Jon Jaqen 16:13

Euqa mele jenu meleecnu Kis eu humei uqadodocnadec je qee maadeiaun qa uqa dah mena eu maadigian. Odimei ceteh hibna caligian euha maadigian. Eunu uqa mele je cunug doqagannu dado madigian.

Me Je i Jon Jaqen 18:37

Odocob Pailat uqa sisildon, “Eu odifiqa hina king osofo?” don. Odocob Jisas jejeg hewi madon, “Hina ija king ec madagana. Gug inu ija basiten, gug inu ija maha ina nem. Ija mele je eu himec qasali maadigennu hom. Mele je madec dana abesabes ija dah mitegina,” don.

Me Je i Jon Jaqen 20:21

Odocob Jisas uqa haun maaden, “Malol ageca biliale. Memige Anut ija sultenwe eunu ija age suladigina,” aden.

Me Je i Jon Jaqen 8:19

Odocob age sisildoin, “Hina memen ana bilia?” doin. Odocobil Jisas maaden, “Age ijana gugnuca Meinuca qee dogina. Age ijanu doubmiqa ija Meinu ha doub,” aden.

Me Je i Jon Jaqen 8:23

Odocobil Jisas maaden, “Age mahanadec, ija ohisdec. Age maha qila bilina eunadec qa ija maha inadec qee.

Pol Uqa Jaqec Je Oso Rom Tamanec Jaqiaden 1:1

Ija Pol, ija Krais Jisasna cabi dana. Anut uqa ija aposel cabi ocnu utati maten. Uqa Anutna me je maadec cabi ocnu abes miten.

Pol Uqa Jaqec Je Oso Rom Tamanec Jaqiaden 11:8

Anutna jaqec je odi madena: “Anut uqa odadeceb amaga amusein. Uqa odadeceb amaga qee mecielein, odocob dahiniga qotum qoin. Odocob eu age odi bibilegin hu qila deel i calen,” ena. (Loo 29.4; Aisaia 29.10)

1 Korin 14:37

Dana oso uqa uqadodocnu uqa Anutna je hahun madec dana ec cisdonafi, odocob uqa uqadodocnu uqa Kisna cisdocca ec cisdonafi, uqa je i ija jaqiadigina eu Tibud uqana loo je ec doub.

2 Korin 10:7

Age ceteh amagana nijia eundec fi cuhadoiga. Dana oso uqa Kraisna dana bahic ec uqadodoc cisdonafi uqa cisdu cuhadugian, odocob uqa dugian, egeha Kraisna dana biluquna.

2 Tesalonika 1:8

Odimei uqa dana age Anutnu qee doginaca age Jisas Tibudna me je qee toodoginaca ameg me qee wadacadigian.

1 Timoti 4:1

Kis Gun uqa camasac odi madena, saen hibna hugian saen euna dana leih age kis uhulecca, buga me qeeca, agena je dah mimeig toodumeig wawaga meleec eu qisacdoqagan.

2 Pita 3:2

Ija je inu haun maadiginana age Anutna je hahun madec dana age wele ceteh hibna caligiannu dana cajaca maaden eunu haun cisdoqagannu maadigina. Odocob age Tibud egena Cahahagec uqana loo je magen eunuha cisdoqagannu maadigina. Tibud uqa uqana aposel suladeceb ageca limeig aposel conogana Tibudna loo je eu dah mein.

1 Jon 4:1

O ijana danah bahic, je hahun uhulec madec dana mati bahic mahana cocobi hatu cunugna belegina. Eunu age je hahun madec dana cunug age ageca humeig madegina, “Anutna Kis uqa je i iten,” egina eunu cain meleowain. Euqa eu kis Anutnadecfo, qeefo eunu age kis cunug temadi feiga.

1 Jon 4:4

O ijana mel sim, age Anutnadec. Odocob Kis uqa age dunuh bilina uqa kis eu mahanadec dana age dunuh bilina eu wooldona. Eunu age je hahun uhulec madec dana eu wele wooladein.

1 Jon 4:8

Anut uqa nalug mec gug. Eunu oso uqa nalunuga qee mena eu uqa Anutnu qee dona.

1 Jon 5:19

Ege doqona, ege Anutna mel biluquna, odocob maha i cunug Setenna gagadic odoc cofdona.

Jud Uqa Jaqec Je Oso Anutna Dana Cajaca Jaqiaden 1:17

Euqa ijana danah bahic, age wele egena Tibud Jisas Krais uqana aposel age ceteh hibna caligiannu je madein eunu haun cisdoiga.