1 Jon 4:4 - Bal cehec je haun

⁴ O ijana mel sim, age Anutnadec. Odocob Kis uqa age dunuh bilina uqa kis eu mahanadec dana age dunuh bilina eu wooldona. Eunu age je hahun uhulec madec dana eu wele wooladein.

1 Jon 4:4 ပူးပေါင်းရင်းမြစ်များ

Me Je i Jon Jaqen 12:31

Anut uqa dana cajaca mahana bilegina eu gesiladigiannu saen eu qila hoia. Anut uqa qila dana ben uqa mahamaha cunug cofdona eu ititacdocob nuigian.

Me Je i Jon Jaqen 14:30

“Maha i uqana dana ben uqa hona. Eunu ija je mati bahic ageca haun qee madoqaun. Dana eu uqa ija mateceb odigen eu gagadic odocca qee.

Me Je i Jon Jaqen 16:11

Maha i uqana dana ben eu dewegnu Anut wele gesildon eunu Anutna gesiladecnu ulauladigian,” aden.

Me Je i Jon Jaqen 17:23

Ija age dunuhna biligen, hina ija dunuhna bilegan, age deweg osol bahic moqagannu adem. Eu odocna mahanadec eundec age, hina ija sultem eunuca hina ijana eundec nalunuga magana, hina ija naluni maganawe eunu wawaga fogo dugian,” don.

Pol Uqa Jaqec Je Oso Rom Tamanec Jaqiaden 8:31

Eunu Anut ceteh i cunug odona eunu ege eeta ec madecnu? Anut ege cesulgenafi in uqa egena cad?

Pol Uqa Jaqec Je Oso Rom Tamanec Jaqiaden 8:37

Eu odi qee! Ege ceteteh i cunug egeca calecebfi dana uqa nalunige mena cesulgeceb ege ceteteh i cunug wooldoqan.

1 Korin 2:12

Odocob ege mahanadec kis qee olom, ege Anutna Kis om. Ege bagol igec Anut igen eu doqannu uqa Kis igen.

1 Korin 6:13

Age oso madena, “Sab eu ija wawinu, odocob wawi eu sabnu,” ena. Eu mele, qa Anut ale lecis odi qee maligian. Age dewenega eu cajaca wal kobol odocnu qee ifanel, age dewenega eu Tibud binan sulecnu ifanen, odocob Tibud uqa dewenegana ilo bilia.

2 Korin 4:4

Seten, uqa mahanadec uhulec tibud, uqa iletec eu Krais gagadic odoc fulacdoccanu me je maadecnadec cali hona fowainnu uqa dana eundec age wawaga qee meleena agena cisdoc cufa quadeceb tucana bilegina. Krais uqa Anut wican bahic.

2 Korin 6:16

Anutna tempelca kadan tibudna bahimca eu adi gabandosina? Ge, Anut cebac bilina uqana tempel eu ege! Anut uqa odi madena: “Ija age gemo bilimig cobigen. Ija agena Anut biligen. Odocob age ijana dana cajaca biluqagan,” ena. (Wok Pris 26.12; Jeremaia 32.38; Esekiel 37.27)

Efesas 2:2

Saen euna age maha uqana qisol mec kobolna coboloig. Age buga me qee saona bilegina eu agena ilo toodoloig. Kis me qee gagadicca eu uqa dana cajaca age Anutna je tefacdogina eu wawaga dunuh cabi ona.

Efesas 3:17

Odocob age Kraisnu wawaga meleecna Krais uqa age wawaga dunuh biligiannu inondugina. Odocob agena dana cajaca cunugnu nalunuga mec eu age wawagana wasimei duuec tawigiannu inondugina, eu odiwe na bebeig eu maha gagadic heweceb na duuec tawena.

Efesas 6:10

Ija cit qoc je oso maadigen. Age Tibudca gabanadec bilimeig uqana gagadic odocnu cisdoiga. Uqa uenna tatawi gagadic meigale.

1 Jon 2:1

O ijana mel sim, age silail cain mowainnu ija je i jaqiadigina. Euqa oso silail mecebfi ege tutuanige oc bilia, uqa Jisas Krais eu dana ititom. Uqa cesulgimei egenu Memige Anut madugian.

1 Jon 2:13

Age memegail, age dana eu uqa wele gug qoc saenna bibili li qila bilinanu du cuhadogina eunu ija je i jaqiadigina. Age dana haun, age Seten wooldoin eunu ija je i jaqiadigina. Age ijana mel sim, age Memige Anutca bilegina eunu ija je i jaqiadigina.

1 Jon 3:24

Cunug age Anutna je gagadic eu toodu odogina eu age uqaca gabandoc bilegina. Odocob ege uqa Kis Gun igen eunu uqa egeca gabandoc bilina ec doqona.

1 Jon 4:13

Anut uqa uqana Kis igen. Eunu kobol euna ege uqaca gabandoc biluquna, odocob uqa egeca gabandoc bilina ec doqona.

1 Jon 4:16

Eunu ege Anut uqa egenu nalunige mena eunu dumeb wawige meleena. Anut uqa nalug mec uqana gug. Eunu oso uqa nalunuga mimi bilina eu uqa Anutca gabandoc bilina, odocob Anut uqaca gabandoc bilina.

1 Jon 4:6

Euqa ege Anutnadec. Oso uqa Anutnu du cuhadona eu uqa egena je dah mena. Odocob oso uqa Anutnadec qee uqa egena je qee dah mena. Ege kobol euna kis eu melefo, qee kis eu uhulecfo ec doqona.

1 Jon 5:19

Ege doqona, ege Anutna mel biluquna, odocob maha i cunug Setenna gagadic odoc cofdona.