1 Jon 4:1 - Bal cehec je haun

¹ O ijana danah bahic, je hahun uhulec madec dana mati bahic mahana cocobi hatu cunugna belegina. Eunu age je hahun madec dana cunug age ageca humeig madegina, “Anutna Kis uqa je i iten,” egina eunu cain meleowain. Euqa eu kis Anutnadecfo, qeefo eunu age kis cunug temadi feiga.

1 Jon 4:1 ပူးပေါင်းရင်းမြစ်များ

Me Je i Mak Jaqen 13:21

“Saen euna oso maadecebfi, ‘Feiga, Anutna Krais eu ihen!’ qee, ‘Feiga, Anutna Krais ono bilia!’ adecebfi je eunu wawaga cain meleeiaun.

Me Je i Luk Jaqen 12:57

Jisas je haun maaden, “Age agedodoc eetanu ceteh ititom odocnu eu qee gesilegina?

Me Je i Luk Jaqen 21:8

Odocob Jisas maaden, “Matica age ija ijanina mamadi hoqagan, ‘Ija uqa,’ oqagan. Odocob ageha madoqagan, ‘Saen wele hoia,’ oqagan. Euqa cain tooadowain. Eunu oso hu faninadi dado madeceb agena jic ceja qocna lowainnu batut feigale.

Aposel 17:11

Juda dana ono age me je dah mecnu dahiniga qolocijeceb bilein. Age Tesalonaika dana cinigwe qee. Age me je dah mi cuhadodoig deel cunugca Pol mele madenafo eundecnu doqagannu Anutna jaqec je sanijoloig.

Aposel 20:29

Ija culadecemin hibna dana age qa cus cinigwe age tamanec gemo humeig waadecebil wawaga dain ben adigian eu ija dugina.

1 Korin 12:10

Odocob Kis uqa dana oso kobolkobol odocnu duman utina. Odocob uqa oso je hahun madecnu duman utina. Odocob uqa oso kis eu melefo, qeefo docnu duman utina. Odocob uqa oso beilah filfil madecnu duman utina. Odocob uqa oso beilah filfil falicdu sildi madecnu duman utina.

1 Korin 14:29

Anut uqa ege kobol ilagna bilecnu qee gale dona. Uqa kobol ilag ihulahaldoc dana qee. Uqa malol bilecnu gug. Eunu Anutna je hahun madec dana eu lecisfo, cijedfo odi je maadoqagan. Odocob dana cajaca leih age adi madegina eunu gesili foqagan. Odocob dana cegulecna bilina uqa Anut je oso madecnu camasac ihacdufei dana uqa casac je madeia eu uqa co cufa qugian. Ge, kobol ina age cunug Anutna je hahun osolosol maadoqagan. Eunu dana cunug age je eu doqagan. Odimeig cunug wawaga gagadic mudoqagan. Odocob dana Anutna je hahun madegina eu agedodoc conoga cofdoqagan. Odocob age agena saennana je madoqagan. Caja age Anutna qagu coboc dana cajaca agena cuha jona cunug tilii bilegina.

1 Tesalonika 5:20

Dana Kis Gun cesuladeceb je maadegina eundec cain cewadowain.

1 Tesalonika 5:21

Euqa ceteh cunug temdu feiga. Me dih nesili heweiga.

2 Tesalonika 2:2

Age Tibudna deel wele honnu ec je oso dah mifeig age dahiniga cisdoc cain ihulahal meiaun, age cain mahuc filicituwain ec niniadoqona. Age je hahun madec dana osofo, me je qasali madec dana osofo je i maden ec cisdoginafa? Age ege je i jaqiadom ec cisdoginafa? Eu odifi je i wawaga cain meleeiaun.

1 Timoti 4:1

Kis Gun uqa camasac odi madena, saen hibna hugian saen euna dana leih age kis uhulecca, buga me qeeca, agena je dah mimeig toodumeig wawaga meleec eu qisacdoqagan.

2 Timoti 3:13

Euqa dana qisol mimi cobocca, faninadecca age me qee odoc nag odi odoin, hibna me qee bahic odoqagan. Age oso qauadecebil agenelha qauadoqagan.

2 Pita 2:1

Eu mele, uhulec je hahun madec dana leih wele Isrel dana cajaca gemona calein. Eu odiwe uhulec iwaladec dana ageha gemona caloqagan. Age jahunimeig uhulec iwaladec je filfil ahoqagan. Uhulec iwaladec je eu Anutna je qee toodoiaun. Dana age uhulec iwaladec je toodoqagaqa eu age fadaloqagan. Odocob uhulec iwaladec dana age Tibud uqa ceseli fajaden eu qee sasac qoqagan. Eunu Anut uqa mahuc bahic fadaladeceb qee moqagan.

1 Jon 2:18

Ijana mel sim, qila eu cit qoc saen. Age Kraisna cad hona ec doinwe eu odi qila Kraisna cad mati bahic wele hoin. Eunu ege qila eu cit qoc saen ec doqona.

1 Jon 2:7

O cotiel, ija je gagadic inu jaqiadigina eu je gagadic haun qee qa eu je gagadic weledec, eu me je age wele dumeig oin. Je gagadic weledec eu age wele hahawan doin.

2 Jon 1:7

Ge, uhulec dana mati bahic age maha cunugna beladein. Dana eundec age Jisas Krais uqa dana deweg calen ec wawaga qee meleena. Dana eundec oso eu uhulec dana, eu Kraisna cad.

3 Jon 1:11

O ijana danah bahic, hina qisol mec kobol cicilonoga cain ogaun qa hina kobol me odogina eundec cicilonoga oga. Dana oso uqa me odona eu uqa Anutnadec. Dana oso uqa qisol mena eu uqa Anut qee fel.

Jahunec Je Camasac Muden 2:2

“Ija hinana me odoc, hinana siwhehen cabi oc, hina gagadic tatawi culumen gahidogona eu cunug figina. Mele, hina qisol megina eundec cewadagana, qa leih age madi, ege aposel egina, qa age aposel qee, eundec hina temadecem age uhulec dana camasac mecebil fem.