1 Jon 3:2 - Bal cehec je haun

² O ijana danah bahic, ege qila Anutna mel. Qila ege adi bileqannu eu camasac qee mena qa uqa camasac meceb ege uqa cinigwe bileqan ec doqona. Ge, ege uqa bahic bilina eu feqan.

1 Jon 3:2 ပူးပေါင်းရင်းမြစ်များ

Matju 5:8

Dana age wawaga cataniec eundec age Anut ola foqagan. Eunu age eeladecca bilegina.

Me Je i Luk Jaqen 17:30

Eu odiwe Dana Melahna camas mec deelna eu odi caligian,” aden.

Me Je i Jon Jaqen 1:12

Euqa leih age uqa oidein age uqa ijannu wawaga meleen. Eunu uqa Anutna mel ibuldocnu gagadic odoc aden.

Me Je i Jon Jaqen 11:52

Uqa Juda dana cajaca dih hehuladi qee cal meiaunqa Anutna talacul age mahamaha bilisadoc bilegina eu tamanadigiannu euha maden.

Me Je i Jon Jaqen 17:24

“O Mei! Hina ija item eu ageha ija biligina euna ija gami bileqan eunu ija gale hena. Eunu hina maha qee ifanec ninijen ija naluni memnu kobolkobol item eu age foqagan.

Pol Uqa Jaqec Je Oso Rom Tamanec Jaqiaden 8:16

Anutna Kis uqadodoc ege dolonige utadocob ege Anutna mel odi bilecnu qasali magena.

Pol Uqa Jaqec Je Oso Rom Tamanec Jaqiaden 8:18

Ege doqona, ceteteh cunug Anut ifanen eu caja mel basigia bili dain dona odi dain tebandogina. Odocob ifanec cunugca odi qada qaqaji bibilegin leceb eu qila saen ina calena. Anut uqa ifanec ceteh cunug agena me qee mec gel gihacadec eunadec besiadigian. Odocob ifanec ceteh cunug eu ege Anutna mel ibuldom egeca osoben Anutna ceteh me bahic umeb gihacgec qee himec bileqan. Eunu Anut ceteteh cunug eu me qee bilimeig me qee moqagan ec maden. Eu ifanec ceteteh agena gale adecna eu odi qee calel. Euqa Anut uqa ifanec ceteteh me qee moqagan ec maden eu uqaha ageca ceteh me caligian ec maden. Eunu ceteteh cunug Anut ifanen eu uqa ola suli u meciii ege Anutna mel ibuldumeb camasac mecnu sumudegina. Odocob ceteteh Anut ifanen eu himec qada qaqaji qee bilegina. Ege Kis wele om. Kis eu Anut uqa sab cabina casac wal mena eu odi bagolwe casac igen. Odocob egeha dain tebandudu qaqaji ege Anut uqa uqana mel mudigigiannu susumudi biluquna, saen eu ege dewenige ibuldocob haun caleqan. Anut uqa ege wele ceseli oigen. Odocob egena aig qoc euna ihoc ligiannu sumuduquna. Euqa ceteh sumudom eu wele fom eu ege haun sumudecnu ihoc qee. Dana oso uqa ceteh wele fenfi eetanu haunhaun sumudina? Euqa ceteh ege qee folom eu ege ocnu geh cisdodob sumuduqunafi ege wawige meleec gagadic tawecnu sumuduquna. Eunu ijana cisdoc eu odi, kobolkobol eu hibna egeca camasac migian eu qila culumen sogoecca gahidoqona eu wooldoc bahic.

1 Korin 13:12

Ge, ege qila Anutna ceteh camasac bahic qee foqona, eu odi ege wa dodna tuca foqonawe odi foqona. Euqa hibna ege Anut ola bahic feqan. Qila ija naha dih dugina. Odocob hibna ija Anutnu du cuhadugen eu odiwe uqa ijanu du cuhadon.

1 Korin 15:49

Ege dana mahanadec i ihicon qoc om coboqonawe, odiha ege dana sao jobonnadec i ihicon qoc umeb cobeqan.

1 Korin 2:9

Euqa eu Anutna jaqec je madena eu odi nijina: “Anut uqa dana cajaca age Anutnu nalug megina agenu ceteh me bahic mati saciadon bilia. Ceteh me bahic eu dana amagana qee felein. Odocob eu dana dahinigana qee dah melein. Odocob eu dana agena cisdocna ha qee calel,” ena. (Aisaia 64.4)

2 Korin 3:18

Odocob ege cunug, ege olanige jahuldocca qee biluquna, ege Tibud fulacdoc gagadic odocca foqona. Odocob Tibudna fulacdoc eu ege too qigimei fulacdocca ibulgena. Odocob ege fulacdoc eu haunhaun umeb ege Tibudwe caloqona. Ge, fulacdoc gagadic odocca eu Tibudnadec hona, odocob Tibud uqa Kis.

2 Korin 4:17

Ge, egena culumen gahidoc eu saen nag bahic. Euqa culumen gahidoc i ceteh oso bilec catanec eu kobolkobol cahulecca oqannu saciadugena. Ceteh oqan eu ceteteh ben cunug wooladena.

Galesia 3:26

Age Galesia cunug wawaga meleecebnu age Jisas Kraisca gabanadimeig Anut melahul ibuldoin bilegina.

Galesia 4:6

Odocob age Anut melahulnu Anut uqa Melahna Kis wawigena biligiannu suldugeceb nen, Kis eu uqa cesulgeceb ege Anut utadudu, Aba! Mei! doqona.

Filipai 3:21

Uqa ege dewenige calua qila egena jo taweceb coboqona eu ibuldocob Krais uqadodoc deweg kobolkobolca nijina odiwe caligian. Eu odocnu gagadic odoc eu uqa ceteh cunug odadeceb uqa bisalu bilegina euna ihoc odigian.

Kolosi 3:4

Krais uqa egena cebac bilec gug, uqa isi camasac migian. Saen euna age uqa gami kobolkobolca camas moqagan.

Hibru 9:28

Eu odi himec Krais uqa ihandumei dana cajaca cunug agena silail cagasiadigiannu cal mi osoldon. Odocob hibna uqa ni lecisdugian qa eu uqa silail cagasecnu qee neiaun. Uqa dana cajaca uqa cahahaadigiannu mele bahic sumudi bilegina eunu ni lecisdugian.

2 Pita 1:4

Jic euna uqa ceteh ben bahic, me bahicca igigian ec je hahun maden eu igen. Euqa Krais uqa ceteh me bahic i igen, odocob uqa euna cesulgeceb wawige cajecnu kobol eu ege dana cajaca mahana biluquna me qee migina eu felacudigeceb busalom. Odocob ege Anutna cebac bilecca, uqa dumanca om.

1 Jon 2:28

Ijana mel sim, uqa camasac meceb ege gagadic taweqannuca, odocob uqa ceseli hocob ege uqa amegna majanige gecca qee taweqannuha qila age uqaca gabandu bileigale.

1 Jon 2:7

O cotiel, ija je gagadic inu jaqiadigina eu je gagadic haun qee qa eu je gagadic weledec, eu me je age wele dumeig oin. Je gagadic weledec eu age wele hahawan doin.

1 Jon 3:1

Feiga, Memige uqa ege Anutna mel ec madigiannu uqa egenu nalunige geh bahic mena. Odocob eu mele bahic, ege Anutna mel. Dana cajaca mahana bilegina eu age Anutnu qee dogina. Eunu age egenuha qee dogina.

1 Jon 3:10

Jic euna ege dana in age Anutna mel, odocob in age Setenna mel eu fecnu ihoc. Oso uqa kobol tutuc qee odona eu uqa Anutnadec qee. Odocob oso uqa cotignu qee nalug mena euha uqa Anutnadec qee.

1 Jon 3:21

O ijana danah bahic, ege wawige egena cahuldoc osonu qee madenafi ege Anut amegna majanige gecca qee eu ihoc tawoqona.

1 Jon 5:1

Dana cunug age Jisas uqa Krais ec wawaga meleena eu age Anutna mel ibuldoin. Odocob cunug age memegnu nalug megina eu age melahnuha nalug megina.

Jahunec Je Camasac Muden 2:28

“Ijaha malaqa boei utigen.

Jahunec Je Camasac Muden 22:4

Age uqa ola foqagan. Uqa ijan age ilomoga domonna jaqigian.