1 Jon 3:11 - Bal cehec je haun

¹¹ Ge, age hahawan me je i doin eu odi, ege nalug mecebmeceboqale.

1 Jon 3:11 ပူးပေါင်းရင်းမြစ်များ

Me Je i Jon Jaqen 13:4

Eunu age sab joqaga bibilegin Jisas uqa cajimei uqana lotoc me eu hulimei cabi lotoc u wailohna taqen.

Me Je i Jon Jaqen 15:12

Ijana loo je eu age adigina eu ihen, ‘Ija age nalunuga memwe age nalug mecebmecebi bileigale,’ adigina.

Galesia 6:2

Culumen adec nijia eu cesuldudu gahidutocobtocobeigale, eu odocna age Kraisna loo je eu cunug toodu odoqagan.

Efesas 5:2

Age wawaga meleec cotogailnu nalunuga mecna coboigale. Eu odiwe Krais uqa egenu nalunige mimei uqadodoc cebac bilec culimei Anutnu ihandon. Ihandoc eu dedeman me bahic wasena.

1 Tesalonika 4:9

Wawaga meleec cotigcotignu nalug mecnu iwaladigen ija odi jaqiadecwe qee. Ge, Anut uqadodoc nalug mecebmecebecnu iwaladen.

1 Timoti 1:5

Euqa ititom coboc Anut magen uqana sis qoc eu nalug mec. Ege wawige silailca qeefi, ege wawige catanieccafi, ege Jisas Kraisnu wawige mele bahic enafi, ege wawige meleec cotigeilnu nalunuga moqona.

1 Pita 1:22

Age mele je i toodu odogina, odocob age kobol euna agedodoc wawaga wasacudecebil Anut amegna cataniec bilegina. Odocob age wawaga meleec cotogailnu nalunuga megina. Age cotogail osonu nalug mecebmecebecnu gagadic odoigale.

1 Pita 3:8

Qila ija je i edi qee mudigen odigina. Age cunug cisdoc osolca wawaga osolca bileigale. Age osona culumen sol meigale. Age wawaga meleec cotogail cunugnu nalunuga meigale. Age osonu wawaga qoiale. Age cotogailnu jogoi coboigale.

1 Pita 4:8

Age wawaga meleec cotogailnu nalunuga mifeig age agena silail matinu dahiniga celigian. Odocob age cotogailnu nalunuga mecnu kobol eu kobol leih cunug wooladec. Eunu nalunuga mec eu gagadicca heweigale.

1 Jon 1:5

Anut Melahna je dumeb qasali maadoqona. Uqana je eu odi, Anut uqa fulacdoc, odocob uqana naha nag oso tuca qee.

1 Jon 4:11

O ijana danah bahic, Anut uqa kobol euna uqa egenu nalunige geh bahic mena eunu ihacgen. Eunu ege nalug mecebmeceboqale.

1 Jon 4:21

Odocob ege je gagadic i Kraisnadec om eu odi. Oso uqa Anutnu nalug mena eu uqa cotignuha nalug migian.

1 Jon 4:7

O ijana danah bahic, nalug mec eu Anutnadec, eunu ege nalug mecebmeceboqale. Odocob oso uqa nalunuga mena eu uqa Anutna mel ibuldon, eu uqa Anutnu du cuhadona.

2 Jon 1:5

O caja, qila ege nalug mecebmeceboqale ec ninihigina. Ija je gagadic haunnu eu odiwe qee jaqihigina. Euqa je gagadic hahawan saenna om qila hewoqona eunu ija jaqihigina.