1 Jon 2:8 - Bal cehec je haun

⁸ Tu eu qee mena, odocob fulacdoc mele bahic eu wele fulacdona. Eunu je gagadic eu Krais uqana cebac bilecna eu mele ec fein. Odocob je gagadic eu agena cebac bilecna eu mele echa fegina. Euqa je i qila jaqiadigina euha je gagadic haun.

1 Jon 2:8 ပူးပေါင်းရင်းမြစ်များ

Matju 4:16

hatu euna dana cajaca age tuna biloloig eu fulacdoc ben oso fein, dana cajaca age cal mec hatuna tuna biloloig, eu fulacdoc ben oso iletaden,” Aisaia odi jaqen. (Aisaia 9.1-2)

Me Je i Luk Jaqen 1:79

Odimei dana age cal mec ihoc tuna bilegina age sao ohisdec fulacdoc fulacadigian. Fulacdoc eu malol jic cobocnu ege dado migigian,’ en,” en.

Me Je i Jon Jaqen 1:9

Fulacdoc mele bahic dana cajaca cunug wawaga fulacadena eu mahana cali hugia odon.

Me Je i Jon Jaqen 12:35

Odocobil Jisas jejenega hewi maaden, “Fulacdoc uqa ageca nag odi biligian. Tu ageca hu jahuladeiaunnu age fulacdocca bibilebil jicna coboiga. Oso uqa tuna cobona eu ana nuina ec qee dona.

Me Je i Jon Jaqen 12:46

In oso uqa ijanu waug meleigian eu uqa tuna qee biliaunnu ija mahana fulacdocwe nem.

Me Je i Jon Jaqen 13:34

Ija qila age loo je haun adigina, age nalug mudecebmudecebi coboigale. Ija age nalunuga mem eu odi ageha nalug mudecebmudecebi bileigale.

Me Je i Jon Jaqen 8:12

Jisas uqa Farisi haun je maaden, “Ija mahamahanu fulacdoc. Oso ija tooti cobona eu uqa tuna qee coboiaun qa cebac bilecnu fulacdoc uqana biligian,” aden.

Aposel 17:30

Odocob saen wele dana age Anutna loo je qee doc bibilegin Anut uqa qee wadacadel. Euqa uqa maha ina dana cunug gesiladigiannu eu uqa dana oso uqana ititom cobocna wele cabi eu odigiannu ehudimei deel oso gadac men nijia. Uqa eu mele bahic dana cunug doqagannu wele dana i cal mecnadec tulidocob cajen! Eunu qila Anut uqa dana cunug age mahana cunug bilegina eu agena qisol mec kobolnadec falicdoqagannu maadena,” aden.

Aposel 26:18

Hina eu age amaga hulelduadecem age tu hibemdumeig fulacdocna falicdoqagan. Odocob Setenna gagadic odoc culimeig Anutca hoqagan. Eunu ijanu wawaga meleeceb agena silail cagasiadecemin agena cudun Anut dana qagu maden ageca oqagan,’ ten,” en.

Pol Uqa Jaqec Je Oso Rom Tamanec Jaqiaden 13:12

Witic eu qee memen odi cujedugia odona. Eunu tuna kobol eu culecnu. Odimeb han lotoc tacimeb fulacdoc kobolna bilecnu.

2 Korin 8:9

Ge, egena Tibud Jisas Krais uum igec igen eu age dogina. Uqa cehewan ben tumutumca biloloi, euqa uqa agenu ceteh cunug cuculi sawen dana ibuldon. Eunu uqa sawen dana bilec euna age cehewanagaca bilec adigiannu odi odon.

Efesas 5:8

O Efesas, age wele tucana biloloig, qilaqa age Tibud uqa uqana fulacdocna madeceb euna bilegina. Eunu age dana cajaca fulacdoccana bileginawe coboigale.

2 Timoti 1:10

Odocob qila uum ilec eu egena Cahahagec Krais Jisas cali hon euna camasac men. Ge, Jisas uqa cal mec uqana uen tolon, uqa cebac bilec catanec eu me je maadecna camasac muden.

1 Pita 1:21

Anut uqa Krais cal mecnadec tulidocob cajen. Odimei binan fulacdocca uten. Krais uqa age cesuladeceb age Anutnu wawaga meleen. Eunu age Anutnu wawaga meleena, odocob age Anut cahahaadigiannu sumudi bilegina.

1 Jon 3:23

Odocob uqana loo je eu odi, ege uqa Melah, Jisas Krais, ijannu wawige meleeiale, odocob ege nalug mecebmeceboqale, eu odiwe uqa je gagadic magen.

1 Jon 4:11

O ijana danah bahic, Anut uqa kobol euna uqa egenu nalunige geh bahic mena eunu ihacgen. Eunu ege nalug mecebmeceboqale.

1 Jon 4:21

Odocob ege je gagadic i Kraisnadec om eu odi. Oso uqa Anutnu nalug mena eu uqa cotignuha nalug migian.