Wévélasyon 8:12 - Tèstèman nèf-la: Épi an posyòn an liv samz-la

¹² Lè sala katyenm nanj-lan kòné twonpèt li, èk yonn an twa pòsyon an sòlèy-la vini nwè, èk yonn an twa pòsyon an lalin-an èk yonn an chak twa an sé étwal-la vini nwè. Kon sa la pa té ni klèté pou yonn an chak twa pòsyon an lajouné-a, épi lalin-an èk sé étwal-la pa té kléwé pou yonn an chak twa pòsyon an lannwit-la.

Wévélasyon 8:12 ပူးပေါင်းရင်းမြစ်များ

Mafyou 24:29

“Mi sa ki kay fèt imidyètman apwé twaka sé jou sala: ‘Sòlèy-la kay vini nwè épi lalin-an pa kay kléwé ankò. Sé étwal-la kay tonbé sòti an plas yo, épi sé pouvwa-a ki an lézè-a kay soukwé.’

Mafyou 27:45

Lè i té midi, an gwo nwèsè kouvè tout péyi-a épi i diwé pou twa nèditan.

Liv Bon Nouvèl-la Mak Ékwi-a 13:24

“Mé an tan sala, apwé twibilasyon sala, sòlèy-la pa kay chofé ankò épi lalin-an pa kay kléwé kon avan,

Liv Bon Nouvèl-la Mak Ékwi-a 15:33

A midi tout péyi-a té kouvè épi an nwèsè épi i diwé pou jis twazè apwémidi.

Louk 21:25

“Sin kay pawèt an sòlèy-la, lalin-an, épi an sé étwal-la. Asou latè tout moun kay twakasé. Mannyè-a lanmè-a kay woulé èvèk fè dézòd kay fè moun pè.

Twavay 2:20

Sòlèy-la kay vini menm kon nwèsè, épi lalin-an kay vini wouj menm kon san, avan gwan épi bèl jou-a lè Senyè-a kay witounen.

2 Kòrint 4:4

Satan, ki sé mèt latè sala, ja vèglé lidé sé moun-an ki pa ka kwè-a, kon sa yo pa sa wè klèté-a ki sé Bon Nouvèl-la konsèné Jézi Kwi ki ni tout lonnè épi ki menm kon Bondyé-a.

Wévélasyon 12:4

I pwan latjéʼy èk i twennen yonn an chak twa étwal ki an syèl-la èk i jété yo anlè latè-a. Épi i doubout douvan madanm-lan ki té pawé pou akouché-a pouʼy té sa manjé ti manmay-la madanm-lan té pawé pou fè-a.

Wévélasyon 16:10

Lè sala senkyenm nanj-lan vini èk i vidé bòl li koté bèt-la té asid ka kondwi-a. Menm lè-a nwèsè kouvè tout sé moun-an i ka kondwi-a. Moun koumansé mòdé lanng yo paski soufwans-lan té tèlman mové.

Wévélasyon 6:12

Épi mwen gadé ankò, èk mwen wè Ti Mouton-an ouvè sizyenm koté-a liv-la té kachté-a épi la té ni an gwo twanblanntè. Sòlèy-la vini nwè menm kon had dèy épi lalin-an té vini wouj kon san.

Wévélasyon 9:15

Yo té kité kat nanj sala la pou yo té sa èspéyé tan sala, nèditan sala, jou sala, èk an mwa sala adan menm lanné sala. Bondyé té ja mété tan sala pou yo té sa tjwé yonn an chak twa moun ki an latè-a.

Wévélasyon 9:18

Twa mové bagay sala ki té ka sòti an djòl sé chouval-la tjwé yonn an chak twa moun ki an latè-a.