Wévélasyon 7:16 - Tèstèman nèf-la: Épi an posyòn an liv samz-la

¹⁶ Yo pa kay janmen fen ni swèf ankò. Sòlèy-la pa kay bwilé yo ni yo pa kay soufè an chalè ankò,

Wévélasyon 7:16 ပူးပေါင်းရင်းမြစ်များ

Samz 121:5

Bondyé Senyè-a kay véyéʼw, Bondyé Senyè-a doubout bò lanmen dwèt ou kon an lonbwaj pou baʼw fwéchè.

Samz 121:6

Kon sa, lajouné sòlèy-la pa kay bat ou, ni lalin-an pa kay fèʼw ditò lé swè.

Samz 42:2

Mwen swèf pou Bondyé, Bondyé vivan-an. Ki tan mwen kay sa alé adowé Bondyé lakay li?

Samz 63:1

Bondyé, sé ou ki Bondyé mwen, èk mwen ka chaché pou ou. Lam mwen swèf pou ou. Tout kò mwen bizwenʼw, menm kon an tè sèk an tan sòlèy ki pa ka jwenn dlo.

Mafyou 13:21

mé konmisyon-an pa té désann fon andidan tjè yo, épi yo pa tjenbéʼy pou lontan. Kon sa lè pèsikasyon ében twaka lévé pou lapéti konmisyon-an, la menm yo viwé an péché yo.

Mafyou 13:6

Lè sòlèy-la chofé asou sé plan sala, i fennen yo épi yo mò paski wasin yo pa té fon an tè.

Mafyou 5:6

Pa dé bon i bon pou moun ki anvi fè sa ki dwèt, paski Bondyé kay plen tjè yo èk bontéʼy.

Liv Bon Nouvèl-la Mak Ékwi-a 4:17

Mé kon yo pa té ni wasin an tjè yo, yo pa diwé lontan. Lè twakasman ében pèsikasyon koumansé pou lapéti Bon Nouvèl-la, yo pa té sa kontiné.

Liv Bon Nouvèl-la Mak Ékwi-a 4:6

mé lè sòlèy-la vini cho, i bwilé sé ti plan-an épi yo mò paski wasin yo pa té asé fon.

Louk 1:53

I ka bay lé pòv bon bagay mé i ka voyé sa ki wich alé lanmen vid.

Louk 6:21

Pa dé bon i bon pou zòt ki fen pou bagay Bondyé apwézan, paski zòt kay satisfè. Pa dé bon i bon pou zòt ki ka pléwé apwézan, paski zòt kay wi.

Liv Bon Nouvèl-la Jan Ékwi-a 4:14

mé népòt moun ki bwè dlo-a mwen kay ba li-a pa kay janmen swèf ankò. Dlo-a mwen ka bay-la kay menm kon an sous andidanʼy ki ka kontiné voyé dlo mouté, èk dlo sala kay ba li lavi étonnèl.”

Jémz 1:11

Sòlèy-la ka lévé èk tout chalèʼy. I ka sèk zèb-la, flèʼy ka tonbé èk tout bèltéʼy ka fini. Sé menm mannyè-a nonm wich-la kay tonbé paditan i ka chaché mannyè pou fè plis lajan.

Wévélasyon 21:4

I kay swiyé tout dlo ki an zyé yo. La pa kay ni lanmò ankò. La pa kay ni lapenn ében pléwé ében soufwans ankò, paski tout sé vyé bagay sala ja dispawèt.”