Wévélasyon 4:11 - Tèstèman nèf-la: Épi an posyòn an liv samz-la

¹¹ “Bondyé, Senyè nou, ou vo pou moun sa onnowéʼw, pou moun sa lévé nonʼw, èk pou moun sa wèspèktéʼw pou pouvwaʼw. Sé ou ki fè tout bagay. Yo la èk yo ka viv paski ou té vléʼy kon sa.”

Wévélasyon 4:11 ပူးပေါင်းရင်းမြစ်များ

Twavay 14:15

épi yo hélé, “Mésyé, pouki zòt ka fè sa? Nou sé nonm menm kon zòt! Nou vini pou di zòt Bon Nouvèl-la pou zòt sa tounen kont sé bondyé-a ki pa vo anyen-an épi pouʼw sa vini jwenn Bondyé-a ki ka viv-la. Sé li ki fè syèl-la, latè-a, lanmè-a épi tout sa ki andidan yo.

Twavay 17:24

“Bondyé ki fè latè-a épi tout sa ki andidanʼy, sé li ki mèt syèl-la épi latè-a épi i pa ka wèsté an kay moun fè ba li.

Ronm 11:36

Paski i sé Bondyé ki ja fè tout bagay, épi sé li ki ka tjenn tout bagay mannyè-a i vlé-a, èk tout bagay sé sa li. Annou ba li tout lonnè pou tout tan. Ensiswatil.

Èfésòs 3:9

Épi pou fè tout moun konpwann ki mannyè li menm Bondyé kay fè sigwé planʼy twavay. An tan avan, Bondyé ki fè latè épi syèl pa janmen moutwé pyèsonn sigwé planʼy.

Hibrou 1:10

Bondyé di ankò: “Senyè, sé ou menm ki fè latè-a dépi an koumansman-an. Ou fè syèl-la èk lanmenʼw menm.

Hibrou 1:2

Mé an sé dènyé jou sala i ja sèvi Gasonʼy pou palé ban nou. Sé li Bondyé sèvi pou té fè tout bagay. Sé li Bondyé chwazi èk i pasé tout bagay ba li.

Wévélasyon 1:6

I fè nou vini an konpanni moun ki anba kondwit li, èk i fè nou vini pwèt pou Bondyé pou nou sa sèvi Papaʼy Bondyé. Sé pou tout moun lévé non Jézi Kwi èk di ki otan pouvwa i ni pou tout tan èk pou tout tan! Amèn.

Wévélasyon 10:6

épi i fè sèman an non Bondyé ki ka viv pou tout tan èk pou tout tan-an, ki fè syèl-la, latè-a, lanmè-a, èk tout sa ki andidan yo. Nanj-lan di, “Bondyé pa kay èspéyé ankò.

Wévélasyon 14:7

I palé fò èk i di, “Sé pouʼw obéyi Bondyé èk lévé nonʼy, paski lè-a ja wivé pou Bondyé jijé sé moun latè-a. Kon sa adowé Bondyé-a ki fè syèl-la èk latè-a èk lanmè-a épi tout sous dlo.”

Wévélasyon 19:1

Apwé sa, mwen tann an dézòd kon vwa an pil moun an syèl-la. Yo té ka hélé fò èk yo té ka di, “Alélouya! Annou lévé non Bondyé! Sé li ki sové nou, sé li ki ni tout pouvwa!

Wévélasyon 5:12

Sé nanj-lan chanté fò épi yo di: “Ou, Ti Mouton-an yo té ja tjwé-a, vo pou nou sa wimèsyéʼw, paski ou ni tout pouvwa, tout wichès, tout fòs, èk ou konnèt tout bagay. Sé pou tout moun lévé nonʼw épi sé pou yo di ki mizi bon ou bon!”

Wévélasyon 5:2

Èk mwen wè on nanj ki té ni an pil pouvwa épi i palé fò, i di, “Ki moun ki vo pou dékachté liv-la èk pou déwouléʼy?”

Wévélasyon 5:9

Épi yo chanté on chanté nèf bay Ti Mouton-an, yo chanté: “Ou vo pouʼw sa pwan liv sala épi dékachtéʼy. Paski yo té tjwéʼw, épi sé èk sanʼw ou achté moun bay Bondyé. Sé moun-an ou chapé-a sòti an tout lafanmi, yo sé moun ki ka palé tout diféwan langaj. Yo sòti an tout péyi épi an tout nasyon ki an latè-a.