Wévélasyon 19:2 - Tèstèman nèf-la: Épi an posyòn an liv samz-la

² Sé li ki toujou ka palé lavéwité-a. I ka jijé dwèt, san pwéféwans. I ja jijé gwo fanm vyé lavi-a ki té ka gaté tout latè-a èk vyé lavi-a i té ka kouwi-a. Bondyé ja ba li pinisyon-an i té méwité-a paski i té tjwé sé sèvant li-a.”

Wévélasyon 19:2 ပူးပေါင်းရင်းမြစ်များ

Samz 19:9

I bon pou moun adowé Bondyé Senyè-a èk wèspé. Yo kay kontiné adowéʼy pou tout tan. Jijman Bondyé Senyè-a dwèt, yo pa ni pwéféwans.

Wévélasyon 15:3

Yo té ka chanté chanté Moziz, sèvant Bondyé-a, ansanm épi chanté Ti Mouton-an. Chanté-a té ka di: “Sé ou Bondyé ki Senyè nou, sé ou ki ni tout pouvwa. Twavay ou gwan an chay. Yo ka fè moun wèsté bouch gwan ouvè. Ou sé wa tout nasyon ki an latè-a. Twavay ou dwèt èk yo sé lavéwité.

Wévélasyon 18:20

Sé pou tout sa ki an syèl-la kontan paski Babilonn ja tonbé. Sé pou tout moun Bondyé épi tout sé zapòt-la èk sé pwòfèt-la kontan paski Bondyé ja kondanné Babilonn pou sé méchansté-a i té fèʼw-la.

Wévélasyon 18:3

Moun tout nasyon té ka viv vyé lavi épiʼy. Vyé lavi sala sé menm kon diven fò i té ba yo bwè. Sé wa latè-a té ka viv vyé lavi épi fanm vyé lavi-a yo té ka kwiyé Babilonn-an, èk sé machann-an té ka vini wich anlè tèt li paski i té vlé ni tout sa i wè.”

Wévélasyon 6:10

Yo palé fò èk yo di, “Sé ou Bondyé, Senyè nou, ki ni tout pouvwa. Ou pa ni pyès fòt épi ou toujou ka palé lavéwité-a. Ki otan tan ou vlé nou wèsté isi-a avan ou jijé sé moun latè-a ki tjwé nou-an? Ki otan tan ou kay pwan avan ou pini yo pou sa yo fè-a?”