Wévélasyon 18:19 - Tèstèman nèf-la: Épi an posyòn an liv samz-la

¹⁹ Yo kay mété tè anlè tèt yo afòs yo an lapenn èk yo kay pléwé, yo kay hélé fò, yo kay di, “Woy, woy, woy! Gadé sa ki wivé gwan vil-la! Tout moun ki té ni batiman té vini wich anlè tèt vil sala. Mé adan yon nèditan i pèdi tout bagay.”

Wévélasyon 18:19 ပူးပေါင်းရင်းမြစ်များ

Wévélasyon 17:16

Dis kòn sala ou wè-a ansanm èk bèt-la kay hayi fanm vyé lavi-a, épi yo kay pwan tout sa i ni èk yo kay kitéʼy touni. Yo kay manjé vyann ki anlè kòʼy épi yo kay détwiʼy nèt épi difé.

Wévélasyon 18:10

Yo kay wèsté lwen afòs yo kay pè pasé an modisyon-an tou. Yo kay hélé, “Woy, woy, woy! Ou gwan vil Babilonn-an ki té tèlman fò, adan yon nèditan ou ja jwenn pinisyonʼw!”

Wévélasyon 18:3

Moun tout nasyon té ka viv vyé lavi épiʼy. Vyé lavi sala sé menm kon diven fò i té ba yo bwè. Sé wa latè-a té ka viv vyé lavi épi fanm vyé lavi-a yo té ka kwiyé Babilonn-an, èk sé machann-an té ka vini wich anlè tèt li paski i té vlé ni tout sa i wè.”

Wévélasyon 18:8

Pou lapéti sa i ka di-a modisyon kay tonbé anlèʼy. Adan yon jou maladi èk lapenn èk lafen kay tonbé anlèʼy. Difé kay bwiléʼy nèt paski Bondyé Senyè nou-an ni an pil pouvwa épi sé li ki ja kondannéʼy.”