Wévélasyon 12:10 - Tèstèman nèf-la: Épi an posyòn an liv samz-la

¹⁰ Lè sala mwen tann an vwa sòti an syèl-la, i palé fò, i di, “Atjwèlman Bondyé nou ja sové nou! Atjwèlman tout moun ja wè pouvwaʼy, mannyè i ka kondwi. Épi atjwèlman Jézi Kwi, wa-a Bondyé té pwonmèt pou voyé-a, ja moutwé i ni dwa pou kondwi. Yo ja jété Denmou désann asou latè-a, li ki té ka doubout douvan Bondyé, èk ki té toujou ka akizé sé fwè nou-an lajouné kon lannwit.

Wévélasyon 12:10 ပူးပေါင်းရင်းမြစ်များ

Samz 22:28

Sé Bondyé Senyè-a ki wa, èk sé li ki ka kondwi sé nasyon-an.

Samz 45:6

Gouvèdman-an Bondyé ja ba ou-a kay doubout pou tout tan èk pou tout tan. Ou ka sèvi baton wa-a pou kondwi sé moun ou-an san pwéféwans.

Mafyou 26:64

Jézi wéponn li, i di, “Sé ou ki diʼy. Dépi jòdi-a ou kay wè mwen Gason Lézòm-lan asid asou lanmen dwèt Bondyé épi mwen kay vini asou nwaj-la!”

Mafyou 28:18

Jézi vini épi i di, “Bondyé ja ban mwen tout pouvwa asou tout sa ki an syèl épi sa ki asou latè-a.

Mafyou 6:10

Nou ka pwédyé pou tout moun vini anba kondwit ou, épi pou tout moun obéyiʼw asou latè-a menm kon tout sa ki an syèl ka obéyiʼw.

Louk 11:2

Jézi di yo, “Lè ou ka pwédyé, di, ‘Bondyé Papa, nou ka pwédyé pou lézòm pòté nonʼw wèspé. Kité kondwit ou établi asou latè plis an plis.

Louk 22:31

Jézi di, “Simon, Simon! Satan ja mandé pèwmisyon pou tounen lidé zòt pou pa swiv mwen paski i vlé tiwé zòt menm kon yo ka tiwé pay an gwenn.

1 Kòrint 5:4

Lè zòt kay jwenn ansanm an non Senyè Jézi, chonjé mwen la épi zòt an lidé mwen, épi pa lotowité Senyè nou Jézi Kwi

2 Kòrint 12:9

Mé i di mwen, “Lagwas mwen sé tout ou bizwen. Épi lè an moun vini fèb, sé lè sala pouvwa mwen kay vini pli fò andidanʼy.” Épi apwézan mwen kay bavadé asou mizi fèb mwen fèb. Sa kay fè pouvwa Jézi ouvè tout zèl li an mwen.

Titòs 2:3

Épi an menm mannyè-a sé pouʼw palé bay sé pli gwan madanm-lan pou yo kondwi kò yo kon madanm ki ka viv pou Bondyé yonn. Yo pa sipozé palé moun mal ében enmen bwè twòp diven. Yo ni pou ka enstwi bagay ki bon,

1 Pita 5:8

Sé pou ou ni an lidé ki fò épi sé pou ou pawé. Lèlmiʼw, sa sé Denmou-an, ka maché toupatou menm kon an danjéwé lyon, ka gadé pou an moun pou détwi.

Wévélasyon 11:15

Lè sa fini, sètyenm nanj-lan kòné twonpèt li. Èk menm lè-a mwen tann vwa ka sòti an syèl. Yo palé fò épi yo di, “Bondyé Senyè nou, épi Jézi Kwi, wa-a Bondyé té pwonmèt pou voyé-a, ja ni pouvwa atjwèlman pou kondwi latè sala pou tout tan èk pou tout tan.”

Wévélasyon 2:26

Népòt moun ki genyen batay-la kont movèzté épi ki kontiné obéyi pawòl mwen pou jis an bout-la, mwen kay bay moun sala pouvwa pou sa kondwi tout nasyon.

Wévélasyon 7:10

Yo té ka hélé fò èk yo té ka di, “Nou ka onnowé Bondyé nou-an ki asid asou gwan chèz-la ka kondwi-a, épi Ti Mouton-an, paski yo sové nou.”