Twavay 7:10 - Tèstèman nèf-la: Épi an posyòn an liv samz-la

¹⁰ Lè Jozèf pawèt douvan Féro, wa Éjip-la, Bondyé fèʼy ni bon mannyè épi an chay lèspwi pou fè sa ki dwèt. Kon sa wa-a fèʼy gouvènè plas Éjip-la épi i météʼy wèskonsab tout kay li.

Twavay 7:10 ပူးပေါင်းရင်းမြစ်များ

Samz 22:24

I pa ka néglijé sé maléwé-a, ni tounen fidjiʼy asou soufwans yo. I pa ka tounen doʼy asou yo, mé i ka wéponn lè yo kwiyéʼy pou édé yo.”

Samz 37:40

Bondyé Senyè-a ka édéʼy èk i ka délivwéʼy. I ka tiwéʼy anba lanmen sé méchan-an èk i ka sovéʼy, paski sé an li i ka vini chaché pwotèksyon.

2 Timòfi 4:18

Épi mwen asiwé Senyè-a kay chapé mwen anba tout bagay ki mové épi i kay mennen mwen an syèl tou byen, sa sé plas-la i menm ka kondwi-a. Annou glowifyéʼy pou tout tan. Ensiswatil.

Jémz 5:11

Nou ka di yo sé moun Bondyé benni paski yo té doubout fò èk pasyans. Ou ja tann mannyè Jòb té ni pasyans lè i té ka soufè, èk ou ja tann sa Bondyé Senyè-a té fè ba li an bout-la, paski Senyè-a bon èk i ni konpasyon.

Wévélasyon 7:14

Mwen di, “Misyé, mwen pa sav. Sé ou ki konnèt ki moun yo yé.” I di mwen, “Sé moun sala ou wè-a sé yo ki ja pasé anba gwo soufwans-lan. Yo ja soufè an chay épi yo ja lavé had yo an san Ti Mouton-an. Sé pou sa gòl yo blan kon sa.