Twavay 21:5 - Tèstèman nèf-la: Épi an posyòn an liv samz-la

⁵ Mé lè tan nou té bout épi yo, nou pati épi nou kontiné fè wout nou. Tout sé nonm Taya-a ki kwè an Jézi-a épi madanm yo épi ich yo kité vil-la, épi yo désann jis bò lanmè-a épi nou, épi nou tout ajounou asou sab lanmè-a épi nou pwédyé.

Twavay 21:5 ပူးပေါင်းရင်းမြစ်များ

Samz 95:6

Vini èk annou tonbé an pyéʼy èk adowéʼy, annou ajounou an pyé Bondyé Senyè-a ki fè nou-an!

Mafyou 14:21

An tout sé moun-an ki té la-a ki manjé pen sala, la té ni senk mil (5,000) nonm, apa di madanm épi ti manmay.

Liv Bon Nouvèl-la Mak Ékwi-a 1:40

An nonm ki té ni an vyé maladi an lapoʼy vini douvan Jézi épi i tonbé asou jounouʼy épi i di, “Jézi, souplé, mwen sav ou sa djéwi mwen, mé sé si ou dakò.”

Louk 22:41

I kité yo la èk i alé distans yon moun sa voyé yon wòch, i ajounou èk i pwédyé.

Twavay 15:3

Kon sa légliz Antiyòk-la voyé yo alé, épi lè yo ka pasé an Fènisiya épi Sanmariya, yo di sé fwè-a mannyè sé moun-an ki pa Jwif-la ja tounen hòd péché yo èk vin jwenn Bondyé tou. Nouvèl sala fè sé fwè-a kontan an chay.

Twavay 17:10

Kon sa sòlèy kouché, sé fwè-a voyé Pòl épi Saylas alé an vil Bèriya. Lè yo wivé la, yo alé an légliz sé Jwif-la.

Twavay 20:36

Lè Pòl fini palé, i ajounou épi yo tout épi i pwédyé,

Twavay 20:38

Sa ki té fè yo plis lapenn-an sé lè i di yo pa kay janmen wèʼy ankò. Apwé sa, yo maché alé épiʼy bò batiman-an.

Twavay 9:40

Pita fè tout sé moun-an alé dèwò épi i ajounou épi i pwédyé. I gadé mò-a épi i di, “Tabifa, lévé.” Tabifa ouvè zyéʼy épi lè i wè Pita, i asid.