Samz 63:3 - Tèstèman nèf-la: Épi an posyòn an liv samz-la

³ Lanmityé-a ou toujou ni pou nou-an pli mèyè pasé lavi, kon sa mwen kay glowifyéʼw.

Samz 63:3 ပူးပေါင်းရင်းမြစ်များ

Samz 42:2

Mwen swèf pou Bondyé, Bondyé vivan-an. Ki tan mwen kay sa alé adowé Bondyé lakay li?

Samz 51:15

Mété pawòl ou an bouch mwen, Senyè, èk mwen kay glowifyéʼw.

Samz 96:6

Moun ki vini douvanʼy ka wè gwandèʼy èk lonnèʼy, yo ka wè pouvwa Senyè-a èk bèltéʼy an Kay li.

Ronm 12:1

Kon sa fwè èk sè, kon Bondyé ni otan konpasyon pou nou, mwen ka plédé épiʼw pou ofè kòʼw bay li, kon an sakwifis ki vivan. Sa sé yonn ki nèt épi yonn Bondyé kay aksèpté. Épi sé kon sa pou ou adowé Bondyé.

Ronm 6:19

Mwen ka palé menm kon lézòm ka palé paski zòt fèb toujou an lakonpwann zòt. Menm kon zòt fè kò zòt èslav malpwòpté épi movèzté-a jik tan zòt wivé viv an lavi ki benyen an movèzté-a, ében sé kon sa zòt té sipozé fè kò zòt èslav pou fè sa ki dwèt jik tan zòt kay wivé viv bay Bondyé tousèl.

1 Kòrint 6:20

Jézi péyé an pwi pou zòt, kon sa sèvi kò zòt pou glowifyéʼy.

Filipay 1:23

La ni dé bagay ka hédi mwen. Yo chak ka hédi mwen an diféwan diwèksyon. Mwen té kay simyé mò èk ay jwenn Jézi paski sa té kay ki pli bon pou mwen.

Hibrou 13:15

Kon sa annou toujou onnowé Bondyé pou lapéti sa Jézi fè ban nou, sa sé menm kon an sakwifis pou li. Nou ka ofè sakwifis sala bay Bondyé lè nou ka onnowéʼy èk lè nou ka di sé li ki Senyè nou.

1 Jan 3:2

Sé bon jan mwen-an mwen kontan an chay-la, apwézan nou sé ich Bondyé. Nou pa fini sav ki mannyè nou kay yé, mé nou sav lè i kay viwé, nou kay menm kon li, paski nou kay wèʼy menm kon i yé-a pou vwé.