Samz 32:10 - Tèstèman nèf-la: Épi an posyòn an liv samz-la

¹⁰ Sé mové moun-an kay ni pou soufè an chay, mé Bondyé Senyè-a kay toujou pwotèkté sé moun-an ki mété konfyans yo an li-a, paski i enmen yo.

Samz 32:10 ပူးပေါင်းရင်းမြစ်များ

Samz 16:4

Sé moun-an ki ka adowé lézòt bondyé-a ka mennen twaka asou kò yo menm. Mwen pa kay ni anyen pou fè épi sé sakwifis san-an yo ka ofè bay sé imaj sala. Mwen pa kay menm mansyonnen non sé bondyé yo-a.

Samz 2:12

Sé pou zòt abésé kò zòt douvanʼy. Si pa sa, zòt kay fèʼy faché èk zòt kay mò sibit, paski adan an ti mouman i sa moutwé mannyè i faché. Pa dé bon i bon pou tout moun ki chaché pwotèksyon an li.

Samz 34:8

Gouté, èk zòt kay wè mannyè Bondyé Senyè-a bon. Pa dé bon i bon pou tout moun i ka pwotèkté.

Samz 84:12

Pa dé bon i bon pou sé moun-an ki mété konfyans yo an ou-a, Bondyé Senyè-a ki ni tout pouvwa-a!

1 Timòfi 6:10

Paski lè on moun enmen lajan, sa sé pwèmyé pa pou tout kalité movèzté. Adan nonm té tèlman vivi dèyè lajan, yo tounen do yo asou lavéwité-a épi kasé tjè yo épi an chay penn.