Samz 27:4 - Tèstèman nèf-la: Épi an posyòn an liv samz-la

⁴ Yon bagay mwen ja mandé Bondyé Senyè-a. Yon sèl bagay mwen vlé, sé pou viv an Kay Bondyé Senyè-a pou tout lavi mwen, pou mwen gadé bèlté Bondyé Senyè-a, èk pou mwen mandéʼy pou kondwi lavi mwen.

Samz 27:4 ပူးပေါင်းရင်းမြစ်များ

Samz 23:6

Mwen asiwé bontéʼw épi mizéwikòd ou kay la épi mwen tout lavi mwen. Èk mwen kay wèsté lakay ou, Bondyé Senyè, pou tout tan.

Samz 27:8

Tjè mwen di mwen ou ja konmandé mwen pou vini adowéʼw. Mwen wéponn, “Mwen ja vini, Bondyé Senyè.”

Samz 84:10

Yon jou an Kay ou pli mèyè pasé yon mil lézòt jou an lòt koté. Mwen simyé wèsté an pa lapòt Kay Bondyé-a pasé pou mwen wèsté an kay sé méchan-an.

Samz 84:4

Pa dé bon i bon pou sé moun-an ki ka wèsté an Kay ou-a. Yo toujou ka chanté pou glowifyé nonʼw.

Samz 90:17

Bondyé Senyè nou, nou ka mandéʼw pou voyé bontéʼw asou nou. Fè nou pwòspéwé an tout sa nou ka fè. Wi, fè nou pwòspéwé an tout sa nou ka fè.

Mafyou 6:33

Mé kité Bondyé kondwi laviʼw avan, épi fè tout sa i vléʼw fè, épi i kay baʼw tout sé lézòt bagay sala.

Louk 10:42

mé sé yon sèl bagay ki nésésè, èk sé Mari ki ja chwazi sa ki pli bon-an, èk pyès moun pa kay pwanʼy lanmenʼy.”

Louk 13:24

“Lapòt-la pou antwé an syèl-la étwèt. Débat pou antwé adanʼy, paski mwen ka diʼw an chay moun kay éséyé antwé èk yo pa kay sa.

Louk 18:1

Jézi di sé disip li-a on pawabòl pou moutwé yo ki yo ni pou kontiné pwédyé san dékonpòté.

Louk 2:37

mé mawiʼy mò èk apwézan i ni katwiven kat lanné. I té ka an Kay Bondyé toulé swè, toulé bonmaten, ka pwédyé èk ka wèsté san manjé byen souvan pou adowé Bondyé.

2 Kòrint 3:18

Épi sé nou ki ka wéfléchi klèté Senyè-a, paski fidji nou pa kouvè. Lèspwi Senyè-a ka chanjé nou pou fè nou vini pli an pli kon li, kon klèté-a ki andidan nou-an ka vini pli gwan jou an jou.

2 Kòrint 4:6

Paski menm Bondyé-a ki di, “Kité klèté kléwé sòti an nwèsè-a,” sé li menm ki ja fè fidji Jézi Kwi kléwé épi klètéʼy asou tjè nou, pou nou sa wè klèté sala épi konpwann mizi gwan Bondyé gwan.

Filipay 3:13

Mwen asiwé, fwè èk sè, mwen pʼòkò vini moun-an Jézi Kwi té vlé mwen vini-an, mé on sèl bagay mwen ka fè, mwen ka kité zyé mwen asou sé bagay-la ki douvan mwen-an èk mwen pa ka chonjé sé bagay-la ki dèyè mwen.

1 Timòfi 5:5

On madanm ki ka viv pa kòʼy apwé mawiʼy mò ka mété tout èspwaʼy an Bondyé épi i ka pwédyé lannwit kon lajouné, ka mandé Bondyé pou édéʼy.

Hibrou 11:6

Si an moun pa ni lafwa, i enposib pouʼy plè Bondyé. Paski népòt moun ki apwoché Bondyé ni pou kwè la ni an Bondyé, an Bondyé ki kay bay bon bagay pou tout moun ki ka chaché pou li.