Samz 27:14 - Tèstèman nèf-la: Épi an posyòn an liv samz-la

¹⁴ Sé pouʼw ni konfyans an Bondyé Senyè-a. Tjenbé fò, pa pèd kouway. Wi, mété konfyans ou an Bondyé Senyè-a.

Samz 27:14 ပူးပေါင်းရင်းမြစ်များ

Samz 130:5

Mwen ka èspéyé èk tout lam mwen pou Bondyé Senyè-a vin édé mwen, èk mwen ka mété tout konfyans mwen an pawòl li.

Samz 33:20

Nou ka èspéyé èk konfyans pou sa Bondyé Senyè-a ja pwonmèt nou-an. Sé li ki ka pwotèkté nou, sé li ki ka édé nou.

Samz 37:34

Èspéyé èk konfyans asou Bondyé Senyè-a èk obéyi konmandmanʼy. I kay onnowéʼw, i kay baʼw tè-a, èk ou kay wè lè i kouwi dèyè sé méchan-an.

Samz 37:7

Sé pouʼw ni pasyans èk èspéyé pouʼw wè Bondyé Senyè-a twavay. Pa twakasé kòʼw lè ou wè sé mové moun-an ka pwòspéwé, lè ou wè tout sé vyé plan-an yo ni-an ka maché byen.

Louk 2:25

Tan sala la té ni yon nonm nonʼy sété Siméyon. I té ka wèsté Jérouzalèm. Siméyon sété yon bon nonm ki té ka fè sa Bondyé té vlé i fè. I té ka èspéyé pou i wè wa-a Bondyé té pwonmèt pou voyé-a pou délivwé sé Jan Izwayèl-la an lapenn yo avan i mò. Lèspwi Bondyé té épiʼy,

Louk 2:38

An menm mouman Siméyon té ka palé bay Mari èk Jozèf, madanm sala wivé. I koumansé wimèsyé Bondyé èk i palé konsèné ti manmay-la bay tout sa ki té ka èspéyé sovè-a.

Twavay 28:15

Sé fwè-a ki té an vil Ronm-lan té tann nou té ka vini, épi yo vini jwenn nou jis laplas Apiyòs épi an vil Twa Kabawé-a. Épi lè Pòl wè yo, i wimèsyé Bondyé, épi sa té ankouwajéʼy an chay.

Ronm 8:25

Mé si nou mété èspwa nou asou bagay nou pa ka wè, ében, nou kay èspéyé pou li épi pasyans.

1 Kòrint 16:13

Véyé byen! Doubout fò an lafwa-a zòt ni-an. Sé pou zòt bwav, sé pou zòt fò,

Èfésòs 3:16

Mwen ka mandé Bondyé kon sa, an tout sé bèl bennédiksyon-an i ni an syèl-la, pou Lèspwiʼy bay zòt pouvwa pou zòt sa vini fò an tjè zòt.

Èfésòs 6:10

Avan mwen fini lèt sala mwen vlé zòt chonjé pou doubout fò an Senyè-a ki ka viv andidanʼw-lan épi ki fò tout fò-a.

Filipay 4:13

Mwen sa fè tout bagay paski Jézi Kwi ka ban mwen kouway-la.

Kòlòsé 1:11

Mwen ka pwédyé Bondyé kay bay zòt kouway adan tout kouway-la li yonn ni-an. Kon sa zòt pé doubout fò épi ni pasyans épi lajwa an tjè zòt.