Samz 23:6 - Tèstèman nèf-la: Épi an posyòn an liv samz-la

⁶ Mwen asiwé bontéʼw épi mizéwikòd ou kay la épi mwen tout lavi mwen. Èk mwen kay wèsté lakay ou, Bondyé Senyè, pou tout tan.

Samz 23:6 ပူးပေါင်းရင်းမြစ်များ

Samz 103:17

Mé Bondyé Senyè-a ka toujou enmen sé moun-an ki ka wèspèktéʼy-la, èk bontéʼy ka diwé pou tout jennenwasyon

Samz 16:11

Ou ka moutwé mwen chimen-an ki ka ban mwen lavi-a. Ou ban mwen tjè kontan paski ou toujou la épi mwen. A kotéʼw mwen ni plézi pou tout tan.

Samz 27:4

Yon bagay mwen ja mandé Bondyé Senyè-a. Yon sèl bagay mwen vlé, sé pou viv an Kay Bondyé Senyè-a pou tout lavi mwen, pou mwen gadé bèlté Bondyé Senyè-a, èk pou mwen mandéʼy pou kondwi lavi mwen.

2 Kòrint 1:10

I ja chapé nou an djòl lanmò menm, épi i kay kontiné chapé nou. Épi nou ja mété èspwa nou an Bondyé kon sa i kay sové nou ankò.

2 Kòrint 5:1

Nou sav lachè nou asou latè sala sé menm kon an tant; i pa la pou tout tan. Lè tant sala kay détwi, Bondyé kay wiplaséʼy épi an kay. Kay sala, sé pa lézòm ki fèʼy, mé sé Bondyé ki fèʼy épi i kay diwé pou lavi diwant.

Filipay 1:23

La ni dé bagay ka hédi mwen. Yo chak ka hédi mwen an diféwan diwèksyon. Mwen té kay simyé mò èk ay jwenn Jézi paski sa té kay ki pli bon pou mwen.

2 Timòfi 4:18

Épi mwen asiwé Senyè-a kay chapé mwen anba tout bagay ki mové épi i kay mennen mwen an syèl tou byen, sa sé plas-la i menm ka kondwi-a. Annou glowifyéʼy pou tout tan. Ensiswatil.