Samz 22:1 - Tèstèman nèf-la: Épi an posyòn an liv samz-la

¹ Bondyé mwen, Bondyé mwen, pouki ou ja tounen doʼw anlè mwen? Pouki ou wèsté lwen mwen kon sa lè mwen té ka pléwé pouʼw vini édé mwen?

Samz 22:1 ပူးပေါင်းရင်းမြစ်များ

Samz 16:1

Pwézèvé mwen, Bondyé, paski sé an ou mwen ka chaché pwotèksyon.

Samz 22:11

Pa wèsté lwen mwen, paski twaka ka vini anlè mwen, èk mwen pa ni pyèsonn pou édé mwen.

Samz 22:16

La ni an gany nonm méchan tout oliwon mwen. Yo fè won mwen menm kon chyen mawon. Yo mòdé lanmen mwen èk pyé mwen.

Samz 37:28

Paski Bondyé Senyè-a enmen sa ki dwèt èk i pa ka tounen doʼy asou sé moun li-an. I ka pwotèkté yo tout tan, mé i kay kouwi dèyè ich sé méchan-an sòti an tè-a.

Mafyou 27:46

Lè i té bò twazè apwémidi, Jézi hélé épi an gwo vwa. I di an langaj sé Jwif-la, “Eloi, Eloi, lama sabachthani?” Sa vlé di, “Bondyé mwen, Bondyé mwen, pouki ou ja tounen doʼw anlè mwen?”

Liv Bon Nouvèl-la Mak Ékwi-a 15:34

Épi lè i té twazè, Jézi hélé épi an gwo vwa, “Eloi, Eloi, lama sabachthani?” Sa vlé di, “Bondyé mwen! Bondyé mwen! Pou ki wézon ou ka abandonnen mwen?”

Louk 22:44

Èk Jézi té an lapenn èk i pwédyé pli sèwyé èk i té ka swé, laswèʼy té menm kon san ka dégouté anlèʼy ka tonbé a tè-a.

Louk 24:44

Lè sala i di yo, “Sa sé menm sé bagay-la mwen té di zòt-la padan mwen té la èk zòt toujou. Mwen té di zòt, tout sa Moziz èk sé pwòfèt-la té ékwi konsèné mwen, èk tout sa ki ékwi konsèné mwen an liv Samz-la, té ni pou fèt.”

Hibrou 13:5

Pwan pokosyon pou pa enmen lajan twòp. Sé pou zòt kontanté èk sa zòt ni. Bondyé di, “Mwen pa kay janmen kité zòt, mwen pa kay janmen tounen do mwen anlè zòt.”

Hibrou 5:7

Paditan Jézi té ka viv asou latè-a, i té pwédyé èk i té palé bay Bondyé èk an tjè ki gwan ouvè. I kwiyé Bondyé fò èk dlo an zyéʼy, paski sé Bondyé yonn ki té sa anpéchéʼy mò. I té abésé kòʼy èk i té obéyisan, èk sé pou sa Bondyé tann li.