Samz 15:2 - Tèstèman nèf-la: Épi an posyòn an liv samz-la

² Sé an moun ki ka obéyi Bondyé an tout bagay, èk ki toujou ka fè sa ki dwèt, èk ki toujou ka palé lavéwité-a mannyè i yé an tjèʼy.

Samz 15:2 ပူးပေါင်းရင်းမြစ်များ

Samz 24:4

Sé moun ki pa ka fè bagay ki mové, moun ki pa ni vyé lidé. Sé moun ki pa ka adowé imaj, èk moun ki pa ka fè pwonmèt yo pa ka tjenn.

Samz 84:11

Sé Bondyé Senyè-a ki klèté nou, sé li ki ka pwotèkté nou. I ka voyé bontéʼy asou nou èk i ka onnowé nou. Lè an moun ka fè sa ki dwèt, Bondyé pa ka wifizéʼy anyen ki bon.

Louk 1:6

Yo toulé dé té ka viv dwèt épi yo té ka obéyi tout sa Bondyé di pou fè.

Twavay 10:35

I ka aksèpté népòt moun ki ka adowéʼy épi ka fè sa ki dwèt. I pa mélé ki nasyon i sòti.

Ronm 2:10

Mé pou sé sa ki ka fè bon-an, Bondyé kay di tout bèl bagay konsèné yo, épi i kay ba yo lonnè èk lapé, sé Jwif-la avan épi sé sa ki pa Jwif-la osi,

Galécha 2:14

Lè mwen wè yo pa té ka maché menm kon konmisyon Bon Nouvèl-la konsèné Jézi Kwi di, mwen di Pita douvan yo tout, “Ou sé on Jwif mé ou té ka fè menm kon on moun ki pa Jwif. Ki mannyè atjwèlman ou vlé fòsé sé fwè-a ki pa Jwif-la viv kon Jwif?”

Èfésòs 2:10

Mé sé Bondyé ki fè nou sa nou yé jòdi-a. Épi sé kon nou manché an Jézi Kwi-a, Bondyé fè nou pou nou sa fè bon twavay. Épi bon twavay sala menm, Bondyé té ja pwépawéʼy pou nou té sa fè.

Èfésòs 4:25

Kon sa, zòt sipozé doubout manti épi sé pou zòt palé lavéwité bay yonn a lòt, paski nou tout ki an légliz-la sé yonn.

Kòlòsé 3:9

Pa manti bay yonn a lòt, kon zòt ja jété vyé lavi-a épi tout sé vyé mannyè-a i ni-an

Hibrou 11:33

Sété paski nonm kon yo té ni lafwa an Bondyé ki fè yo goumen kont gwo péyi èk yo genyen, fè sa ki té dwèt, wisivwè sa Bondyé té pwonmèt, fèmé djòl lyon,

1 Jan 2:29

Si zòt sav kon sa i toujou ka fè sa ki dwèt, zòt pé asiwé népòt moun ki fè sa ki dwèt sé ich Bondyé.

1 Jan 2:6

Moun-an ki di i ka swiv Jézi sipozé viv laviʼy menm kon Jézi té viv sa li.

1 Jan 3:7

Sé manmay mwen-an mwen kontan an chay-la, pa kité pyèsonn kwennenʼw. Moun-an ki ka fè sa ki bon-an dwèt menm kon Jézi dwèt.

Wévélasyon 21:8

Mé sé moun-an ki kwapon-an, moun ki tounen kont mwen, moun ki ka fè mové, moun ki ka tjwé moun, moun ki ka kouwi vyé lavi, moun ki ka fè tjenbwa, moun ki ka adowé imaj èk tout moun ki ka manti, yo tout kay ni plas yo an létan difé-a koté ki ni souf ka bwilé pou tout tan. Sa sé dézyenm lanmò-a.”