Ronm 7:15 - Tèstèman nèf-la: Épi an posyòn an liv samz-la

¹⁵ Mwen pa sa menm byen konpwann sé bagay-la mwen ka fè-a, paski mwen pa ka fè sa mwen vlé, mé bagay mwen hayi, sé sa mwen ka fè.

Ronm 7:15 ပူးပေါင်းရင်းမြစ်များ

Samz 1:6

Bondyé Senyè-a ka pwotèkté sé moun-an ki asou chimen dwèt-la, mé sé méchan-an ja asou chimen pou yo péwi.

Samz 19:12

Ki mannyè mwen kay fè konnèt tout sé lèwè-a ki ka séwé an tjè mwen-an? Senyè, lavé sé fòt-la mwen fè san mwen sav-la!

Louk 11:48

Kon sa zòt menm ka moutwé ki zòt dakò épi sa sé gwan gwanpapa zòt-la fè-a, paski yo tjwé sé pwòfèt-la èk zòt fè tonbo ba yo.

Liv Bon Nouvèl-la Jan Ékwi-a 15:15

Mwen pa ka kwiyé zòt sèvant ankò, paski on sèvant pa konnèt zafè mèt li. Mé mwen ka kwiyé zòt kanmawad, paski mwen ja di zòt tout bagay Papa mwen di mwen.

Ronm 12:9

Lanmityé pa ni pyès ipokwit adanʼy. Hayi tout movèzté, tjenbé fò sa ki bon.

Ronm 14:22

Anfen sa ou kwè konsèné sé bagay sala sé zafèʼw épi Bondyé tousèl. An nonm kontan lè i sav bagay-la i fè-a bon, épi i menm pa ka santi koupab pou anyen i fè.

Ronm 7:16

Bon, si mwen ka fè bagay mwen pa vlé fè, ében, mwen dakò lwa-a bon.

Galécha 5:17

paski sa kò-a vlé fè sé pa sa Lèspwi Bondyé vlé fè. Épi sa Lèspwi Bondyé vlé fè sé pa sa kò-a ka vlé fè. Yo toulé dé sé lèlmi épi sé pou sa ou pa sa fè sa ou té kay vlé fè.

2 Timòfi 2:19

Mé sa pa kay soukwé bon fondasyon-an Bondyé ja établi-a. Épi mi sa ki matjé asou fondasyon sala: “Senyè-a sav ki konpanni moun ki sa li,” épi “Pyèsonn ki di Senyè-a sé mèt li oblijé ni pou doubout fè bagay ki pa bon.”

Hibrou 1:9

Ou enmen wè moun fè sa ki dwèt èk ou hayi wè moun fè sa ki pa bon. Sé pou wézon sala Bondyé ki Bondyéʼw-la ja chwaziʼw. I baʼw pli tjè kontan èk on plas ki pli ho pasé sa i bay sé kanmawad ou-a.”

Jémz 3:2

Nou tout ka fè an pil fòt. Mé si an moun pa janmen fè an lèwè adan anyen i ka di, moun sala sé an moun ki san fòt épi i sa kondwi kòʼy byen.

Joud 1:23

Hapé adan sòti an difé-a épi sové yo, èk ni konpasyon asou sé lézòt-la kon moun ki ka pòté Bondyé wèspé. Mé sé pou zòt hayi jik sé had-la ki nwèsi épi lachè-a.