Liv Bon Nouvèl-la Mak Ékwi-a 9:22 - Tèstèman nèf-la: Épi an posyòn an liv samz-la

²² Plizyè fwa vyé lèspwi-a ja éséyé pou tjwé gason-an. I ja jétéʼy an difé épi an dlo. Mé si ou sa fè anyen, ni pityé asou nou épi édé nou.”

Liv Bon Nouvèl-la Mak Ékwi-a 9:22 ပူးပေါင်းရင်းမြစ်များ

Mafyou 14:31

Menm lè-a Jézi lonjé lanmenʼy épi i tjenbé Pita épi i diʼy, “Lafwaʼw fèb toubonnman! Pouki ou pa kwè mwen sa fèʼw vin jwenn mwen asou dlo-a?”

Mafyou 17:15

I di, “Mèt, ni konpasyon asou gason mwen! I ni an mové malkadi ka pwanʼy épi i ka pwanʼy tèlman téwib, délè i ka jétéʼy an difé-a ében an dlo-a.

Mafyou 20:34

Yo fè Jézi lapenn épi i touché zyé yo, épi menm lè-a yo vin wè klè épi yo pati ay swiv Jézi.

Mafyou 8:2

La té ni an nonm ki té malad an lapoʼy ki vini douvanʼy, épi i ajounou an pyéʼy épi i di, “Mèt, si ou vlé ou sa djéwi mwen.”

Mafyou 9:28

Lè Jézi antwé an kay-la, yo vini dèyèʼy. Jézi di yo, “Ès zòt kwè mwen sa djéwi zòt?” Yo di, “Wi, Mèt.”

Liv Bon Nouvèl-la Mak Ékwi-a 5:19

Mé Jézi wifizéʼy, épi pito sa Jézi di, “Alé lakay ou, ay wè fanmiʼw épi di yo kantité bagay Bondyé Senyè-a ja fè baʼw, épi ki mannyè i pa kitéʼw kontiné soufè mé i té ni konpasyon asouʼw.”

Liv Bon Nouvèl-la Mak Ékwi-a 9:21

Jézi mandé papa gason-an, “Konmen tan dépi i kon sa?” Papa-a wéponn, “Dépi i tou piti.

Liv Bon Nouvèl-la Mak Ékwi-a 9:23

Jézi diʼy, “Sa ou vlé di pa ‘Si ou sa fè anyen?’ Tout bagay posib épi moun-an ki ka kwè-a.”

Louk 7:13

Lè Jézi wè madanm-lan, tjèʼy fèʼy lapenn èk i diʼy, “Pa pléwé.”