Liv Bon Nouvèl-la Mak Ékwi-a 8:31 - Tèstèman nèf-la: Épi an posyòn an liv samz-la

³¹ Apwé sa, Jézi koumansé enstwi sé disip li-a épi i di, “Mwen, Gason Lézòm, kay soufè an chay, épi sé ofisyé légliz-la, sé chèf pwèt-la épi sé titja lwa sé Jwif-la, yo tout kay widjèkté mwen. Yo kay tjwé mwen épi apwé twa jou, mwen kay wésisité hòd lanmò.”

Liv Bon Nouvèl-la Mak Ékwi-a 8:31 ပူးပေါင်းရင်းမြစ်များ

Mafyou 12:40

Menm mannyè Jonna té wèsté andidan bouden gwo pwéson-an pou twa jou épi twa swè, sé menm mannyè-a Gason Lézòm-lan kay wèsté anba tè-a pou twa jou épi twa swè.

Mafyou 21:42

Jézi di yo, “Ès ou pʼòkò li sa lévanjil-la di? I di, ‘Menm wòch-la sé nonm-lan ki té ka bati kay-la widjèkté-a, sé li ki tounen wòch-la ki pli enpòtan an kay-la. Sé Bondyé menm ki fè sa, épi sa sé an bèl bagay pou nou wè!’ ”

Mafyou 27:63

épi yo diʼy, “Mèt, nou chonjé lè mantè sala té vivan toujou, i té di, ‘Mwen kay wésisité anlè twazyenm jou-a.’

Liv Bon Nouvèl-la Mak Ékwi-a 12:10

Épi i di sé moun-an ankò, “Ou oblijé ja li koté an lévanjil-la ki di, ‘Menm wòch-la sé jan-an ki ka fè kay-la widjèkté-a, Bondyé fè wòch sala pli enpòtan an kay-la, épi sa fè nou byen kontan.’ ”

Louk 17:25

Mé avan sa mwen kay ni pou soufè an chay, èk tout jan jòdi kay widjèkté mwen.

Louk 24:26

Ès i pa té nésésè pou Mèsaya-a té soufè sé bagay sala, èk apwé sa i kay jwenn wèspé?”

Louk 24:44

Lè sala i di yo, “Sa sé menm sé bagay-la mwen té di zòt-la padan mwen té la èk zòt toujou. Mwen té di zòt, tout sa Moziz èk sé pwòfèt-la té ékwi konsèné mwen, èk tout sa ki ékwi konsèné mwen an liv Samz-la, té ni pou fèt.”

Liv Bon Nouvèl-la Jan Ékwi-a 12:48

Sé pawòl mwen ki kay jijé moun asou dènyé jou-a! I kay jijé népòt moun ki pa kwè an mwen èk ki pa obéyi sa mwen di-a.

Liv Bon Nouvèl-la Jan Ékwi-a 2:19

Jézi wéponn, i di yo, “Kwazé Kay sala, èk mwen kay viwé batiʼy ankò an twa jou.”

Twavay 7:35

“Sété Moziz menm sé jan Izwayèl-la té widjèkté. Yo mandé Moziz, ‘Kilès ki météʼw pouʼw sa kondwi nou èk pouʼw jijé nou?’ Mé sété li menm Bondyé té voyé pou té kondwi yo épi délivwé yo anba èslavay, épi nanj-lan ki té pawèt douvanʼy-lan an pyé wazyé-a té kay édéʼy.

1 Kòrint 15:4

yo téwéʼy épi i wésisité twa jou apwé, menm kon i ékwi an lévanjil-la.