Liv Bon Nouvèl-la Mak Ékwi-a 6:6 - Tèstèman nèf-la: Épi an posyòn an liv samz-la

⁶ Èk Jézi té sipwi pou wè mannyè sé moun sala pa ni lafwa. La Jézi alé oliwon-an, vilaj pa vilaj, èk i té ka enstwi sé moun-an.

Liv Bon Nouvèl-la Mak Ékwi-a 6:6 ပူးပေါင်းရင်းမြစ်များ

Mafyou 4:23

Jézi pasé an tout Galili, ka enstwi an légliz sé Jwif-la, épi i té ka di Bon Nouvèl-la ki Bondyé ka vini touswit pou kondwi sé moun li-an. Épi i djéwi tout sòt kalité maladi sé moun-an té ni.

Mafyou 8:10

Lè Jézi tann sa, i té sipwi an chay épi i di sé moun-an ki té ka swiv li-a, “Mwen ka di zòt pou vwé, anpami tout sé Jwif-la ki Izwayèl-la, mwen pa janmen jwenn pyèsonn ki ni lafwa kon nonm sala ki pa Jwif-la!

Mafyou 9:35

Jézi pasé an tout sé vil-la épi an sé ti vilaj-la ki an Galili-a. I té ka enstwi an sé légliz sé Jwif-la épi i té ka pwéché Bon Nouvèl-la bay sé moun-an konsèné mannyè Bondyé ka kondwi, épi i djéwi moun ki té ni tout sòt kalité maladi.

Liv Bon Nouvèl-la Mak Ékwi-a 1:39

Épi i alé toupatou an Galili èk pwéché an sé légliz sé Jwif-la épi i tiwé vyé lèspwi an sé moun-an.

Liv Bon Nouvèl-la Mak Ékwi-a 10:1

Kon sa Jézi kité plas sala épi i janbé Lawivyè Jouden épi i alé an pawès Joudiya. Ankò la té ni an chay moun ki vini otiʼy, épi kon i ni labitid, i enstwi yo.

Louk 13:22

Èk Jézi pasé an sé vil-la èk vilaj-la ka enstwi sé moun-an padan i té asou chimen ka alé Jérouzalèm.

Louk 4:31

Kon sa Jézi alé Kapènéyòm, yon vil ki té an péyi Galili, èk asou jou sabaf-la i enstwi sé moun-an.

Louk 4:44

Épi i kontiné ka pwéché an sé légliz sé Jwif-la oliwon péyi sala.

Liv Bon Nouvèl-la Jan Ékwi-a 9:30

Nonm-lan di, “Mwen pa konpwann sa pyès! Ou pa konnèt koté i sòti, mé i djéwi mwen, i fè mwen wè klè!

Twavay 10:38

Ou chonjé ki mannyè Bondyé té chwazi Jézi nonm Nazawèt-la, épi i fè Lèspwi Bondyé désann asouʼy épi i té ba li pouvwa. Jézi té ka pasé toupatou, i té ka fè bonté épi i té ka djéwi tout moun ki té anba kondwit Denmou, paski Bondyé té épiʼy.