Liv Bon Nouvèl-la Mak Ékwi-a 14:62 - Tèstèman nèf-la: Épi an posyòn an liv samz-la

⁶² Jézi wéponn, “Wi, mwen sé li, épi ou kay wè mwen Gason Lézòm asid asou lanmen dwèt Bondyé ki ni tout pouvwa, épi mwen kay vini adan nwaj syèl.”

Liv Bon Nouvèl-la Mak Ékwi-a 14:62 ပူးပေါင်းရင်းမြစ်များ

Samz 110:1

Bondyé Senyè-a palé bay wa-a, senyè mwen-an, i diʼy, “Asid asou lanmen dwèt mwen jis tan mwen fè lèlmiʼw tounen an ti ban pou mété pyéʼw.”

Mafyou 24:30

“Lè sala an bagay kay fèt an syèl-la pou moutwé ki Gason Lézòm-lan ka vini, épi tout moun ki asou latè-a kay pléwé. Yo kay wè Gason Lézòm-lan ka vini asou nwaj an syèl-la épi pouvwa épi gwan klèté.

Mafyou 26:64

Jézi wéponn li, i di, “Sé ou ki diʼy. Dépi jòdi-a ou kay wè mwen Gason Lézòm-lan asid asou lanmen dwèt Bondyé épi mwen kay vini asou nwaj-la!”

Mafyou 27:11

Jézi doubout douvan Gouvènè Pilat, épi Pilat mandéʼy, “Ès ou sé wa sé Jwif-la?” Jézi diʼy, “Sé ou ki diʼy.”

Liv Bon Nouvèl-la Mak Ékwi-a 13:26

An tan sala, sé moun-an kay wè mwen, Gason Lézòm, ka vini adan sé nwaj-la épi an chay pouvwa épi an tout klèté Papa mwen.

Liv Bon Nouvèl-la Mak Ékwi-a 15:2

Pilat mandéʼy, “Ès si ou sé wa sé Jwif-la?” Jézi wéponn, “Kon ou di.”

Liv Bon Nouvèl-la Mak Ékwi-a 16:19

Apwé Jézi fini palé ba yo, Bondyé fèʼy vini an syèl épi la i asid asou lanmen dwèt Bondyé.

Louk 22:69

Mé tou talè mwen, Gason Lézòm, kay asid asou koté dwèt Bondyé ki ni tout pouvwa, koté mwen kay jwenn wèspé.”

Louk 23:3

Pons Pilat mandéʼy, “Ès ou sé wa sé Jwif-la?” Jézi wéponn li, “Sé ou menm ki diʼy.”

Hibrou 1:3

An li nou ka wè klèté Bondyé, èk lè nou wè Gason-an, sé Bondyé menm nou wè. I ka tjenbé tout bagay ansanm èk pouvwa pawòl li. Lè i fini nétwayé péché lézòm, i asid an syèl asou lanmen dwèt Bondyé, gwan wa-a.

Hibrou 12:2

Annou kité zyé nou fiksé asou Jézi Kwi, paski sé an li lafwa nou sòti èk sé li ki ka fè lafwa nou vini pawfé kon i sipozé yé. Magwé i té ni pou mò asou kwa-a, i pa tiwé lafwaʼy an Papaʼy Bondyé. I pa pwan honté-a i té soufè asou kwa-a pou anyen, paski i té sav apwé i fini soufè, Bondyé té kay ba li tjè kontan. Èk atjwèlman i asid asou lanmen dwèt Bondyé an syèl.

Hibrou 8:1

Mi bagay-la nou vlé zòt konnèt-la: Nou ni an pli ho chèf pwèt kon sa, i asid asou lanmen dwèt Bondyé an syèl.

Hibrou 8:10

Senyè-a di ankò, “Bon, mi agwéman sala mwen kay fè èk sé jan Izwayèl-la an sé jou-a ki kay vini-an. Mwen kay mété lwa mwen an lidé yo èk mwen kay ékwiʼy asou tjè yo. Mwen kay Bondyé yo, èk yo kay moun mwen.

2 Pita 1:16

Paski nou pa té sèvi bèl ti listwa moun fè lè nou té di zòt mannyè Senyè nou Jézi Kwi kay vini épi pouvwa asou dènyé jou-a, mé nou wè gwan pouvwaʼy épi dé zyé nou menm,

Wévélasyon 1:7

Gadé! Mi, i ka vini asou nwaj-la, èk tout moun kay wèʼy, jis sé moun-an ki pèséʼy-la. Tout moun ki an latè-a kay an lapenn èk yo kay pléwé lè yo kay wèʼy. Épi sé kon sa i kay fèt pou vwé. Amèn!

Wévélasyon 20:11

Lè sala mwen wè an gwan chèz wa ki blan, èk an moun té asid anlèʼy. Épi syèl-la èk latè-a dispawèt nèt douvanʼy. Pyès moun pa té wè yo ankò.