Mafyou 6:9 - Tèstèman nèf-la: Épi an posyòn an liv samz-la

⁹ “Mi kalité lapwiyè-a pouʼw pwédyé: ‘Papa nou ki an syèl, nou ka pwédyé pou tout moun onnowéʼw kon Bondyé.

Mafyou 6:9 ပူးပေါင်းရင်းမြစ်များ

Mafyou 10:29

Ès dé ti jibyé pa ka vann pou dé sou? Épi pa menm yonn an sé ti jibyé sala ki ka tonbé atè si Papaʼw Bondyé pa vlé sa fèt.

Mafyou 23:9

Épi pa kwiyé yonn a lòt ‘Papa’ an latè-a, paski sé an sèl Papa ki ni an syèl.

Mafyou 26:29

Mwen ka diʼw, mwen pa kay janmen bwè diven épiʼw ankò pou jis tan mwen bwè diven nèf-la épiʼw an wéyòm-lan Papa mwen ka kondwi-a.”

Mafyou 26:42

Jézi viwé alé ay pwédyé yon kou ankò. I di, “Papa mwen, si sé pou mwen bwè pòt soufwans sala avan ou tiwéʼy douvan mwen, mwen kay fè sa ou vlé-a.”

Mafyou 5:16

Sé menm mannyè épi laviʼw. Sé pouʼw viv an mannyè pou tout moun wè sé bon twavay-la ou ka fè-a, épi yo kay onnowé Papaʼw Bondyé ki an syèl.”

Mafyou 5:48

Sé pouʼw pawfé menm kon Papaʼw Bondyé ki an syèl pawfé.

Mafyou 6:14

Si ou pawdonnen moun ki fèʼw mové, Papaʼw Bondyé ki an syèl kay pawdonnen péchéʼw tou.

Mafyou 6:6

Mé lè ou ka pwédyé, antwé an chanm ou, fèmé lapòt-la, épi pwédyé bay Papaʼw Bondyé pyèsonn pa ka wè-a. Épi Bondyé ki ka wè tout sa ou fè an sigwé kay baʼw péyiman pou sa.

Mafyou 7:11

Si ou ki otan méchan konnèt bay ich ou bon bagay, ou sa asiwé Papaʼw Bondyé ki an syèl kay bay pli bon bagay pou moun-an ki mandéʼy-la.

Louk 15:18

Mwen kay lévé èk mwen kay viwé lakay papa mwen èk mwen kay diʼy, “Papa, mwen péché kont ou épi kont Bondyé,

Louk 15:21

Gason-an di papaʼy, ‘Mwen péché kont Bondyé èk kont ou. Mwen pa vo pou ou gadé mwen kon gasonʼw ankò.’

Louk 2:14

“An syèl yo ka glowifyé Bondyé, yo ka di i gwan. I ja pòté lapé pou tout moun ki ka plèʼy asou latè.”

Liv Bon Nouvèl-la Jan Ékwi-a 20:17

Jézi diʼy, “Pa tjenbé mwen, paski mwen pʼòkò mouté jwenn Papa-a. Mé alé koté sé fwè mwen-an épi di yo mwen ka alé jwenn Papa mwen ki sé Papa yo tou, èk Bondyé mwen ki sé Bondyé yo tou.”

Ronm 1:7

Épi sé kon sa mwen ka ékwi zòt tout an vil Ronm, zòt Bondyé kontan an chay-la épi i ja kwiyé pou vini moun li menm-lan. Mwen ka mandé Bondyé Papa nou épi Jézi Kwi Senyè pou bay zòt lagwas épi lapé.

Ronm 8:15

Paski ou pa té wisivwè lèspwi èslavay ki ka fèʼw pè ankò, mé ou ja wisivwè Lèspwi-a ki ka fèʼw ich Bondyé-a, épi sé Lèspwi sala ki ka fè nou hélé, “Papa, Papa mwen!”

Galécha 1:1

Sa sé mwen Pòl, yon zapòt, ki ka ékwi lèt sala. Sé pa nonm ki té chwazi mwen, ni Bondyé pa té voyé an moun chwazi mwen pou vini on zapòt. Mé sé Jézi Kwi menm èk Bondyé Papa-a ki té chwazi mwen pou fè twavay sala. Sé Bondyé ki té fè Jézi wésisité.

Galécha 4:6

Pou Bondyé té sa moutwé zòt sé ich li vwé, i voyé Lèspwi Gasonʼy andidan tjè nou épi Lèspwi sala ka fè nou kwiyé, “Papa, Papa.”

1 Timòfi 6:16

Sé li yonn ki pa kay janmen mò, épi i ka viv an klèté-a pyèsonn pa sa vini pwé-a. Pyèsonn pa janmen wèʼy, ni pyèsonn pa sa janmen wèʼy. Kitéʼy ni tout lonnè épi pouvwa épi lotowité pou lavi diwant. Ensiswatil.

1 Pita 1:17

Bondyé-a zòt ka kwiyé Papa an lapwiyè zòt-la, sé li ki ka jijé tout moun asou twavay-la chak moun ka fè san pyès pwéféwans. Kon zòt ka viv lavi zòt kon étwanjé asou latè sala, sé pou zòt bay Bondyé tout wèspé i méwité.

Wévélasyon 4:11

“Bondyé, Senyè nou, ou vo pou moun sa onnowéʼw, pou moun sa lévé nonʼw, èk pou moun sa wèspèktéʼw pou pouvwaʼw. Sé ou ki fè tout bagay. Yo la èk yo ka viv paski ou té vléʼy kon sa.”

Wévélasyon 5:12

Sé nanj-lan chanté fò épi yo di: “Ou, Ti Mouton-an yo té ja tjwé-a, vo pou nou sa wimèsyéʼw, paski ou ni tout pouvwa, tout wichès, tout fòs, èk ou konnèt tout bagay. Sé pou tout moun lévé nonʼw épi sé pou yo di ki mizi bon ou bon!”