Mafyou 5:6 - Tèstèman nèf-la: Épi an posyòn an liv samz-la

⁶ Pa dé bon i bon pou moun ki anvi fè sa ki dwèt, paski Bondyé kay plen tjè yo èk bontéʼy.

Mafyou 5:6 ပူးပေါင်းရင်းမြစ်များ

Samz 63:5

Lam mwen kay satisfè, menm kon an moun ki manjé adan an gwan fèt. Mwen kay chanté èk tjè kontan pou glowifyéʼw.

Samz 84:2

Mwen anvi alé lakay ou. Dézi tjè mwen sé pou wèsté an Kay ou, Bondyé Senyè. Mwen ka chanté épi tout tjè mwen afòs Bondyé-a ki vivan-an ban mwen lajwa.

Louk 1:53

I ka bay lé pòv bon bagay mé i ka voyé sa ki wich alé lanmen vid.

Louk 6:21

Pa dé bon i bon pou zòt ki fen pou bagay Bondyé apwézan, paski zòt kay satisfè. Pa dé bon i bon pou zòt ki ka pléwé apwézan, paski zòt kay wi.

Louk 6:25

Ki mizi téwib i kay téwib pou zòt ki ka byen manjé apwézan, paski zòt kay fen! Ki mizi téwib i kay téwib pou zòt ki ka wi apwézan, paski zòt kay pléwé èk zòt kay an twistès!

Liv Bon Nouvèl-la Jan Ékwi-a 4:14

mé népòt moun ki bwè dlo-a mwen kay ba li-a pa kay janmen swèf ankò. Dlo-a mwen ka bay-la kay menm kon an sous andidanʼy ki ka kontiné voyé dlo mouté, èk dlo sala kay ba li lavi étonnèl.”

Liv Bon Nouvèl-la Jan Ékwi-a 6:27

Sé pa pou zòt twavay pou manjé-a ki ka gaté-a, mé twavay pito pou manjé-a ki ka fè moun viv pou tout tan-an. Sé menm manjé sala mwen Gason Lézòm-lan kay bay zòt, paski sé pou wézon sala Bondyé Papa-a té voyé mwen.”

Liv Bon Nouvèl-la Jan Ékwi-a 7:37

Asou dènyé jou fèt-la, jou-a ki té pli enpòtan-an, Jézi doubout èk i palé fò, i di, “Kité népòt moun ki swèf vini jwenn mwen èk bwè.

Wévélasyon 7:16

Yo pa kay janmen fen ni swèf ankò. Sòlèy-la pa kay bwilé yo ni yo pa kay soufè an chalè ankò,