Mafyou 4:7 - Tèstèman nèf-la: Épi an posyòn an liv samz-la

⁷ Mé Jézi diʼy, “Lévanjil-la di osi, ‘Ou pa ni pou éséyé pou gadé sa Bondyé di i kay fè-a, si i kay fèʼy vwé.’ ”

Mafyou 4:7 ပူးပေါင်းရင်းမြစ်များ

Samz 95:9

Lè sala, yo tanté mwen pou yo té wè si mwen té kay fè sa mwen té di-a, magwé yo té ja wè tout sa mwen té ja fè ba yo.

Mafyou 21:16

Kon sa sé chèf pwèt-la épi sé titja lwa-a mandé Jézi, “Ou pa ka tann ki sa sé manmay-la ka di-a?” Jézi di yo, “Mé wi! Ou pa janmen li sa ki ékwi an lévanjil-la? I di, ‘Bondyé ja moutwé manmay épi ti manmay ki ka tété mannyè pou glowifyéʼy byen.’ ”

Mafyou 21:42

Jézi di yo, “Ès ou pʼòkò li sa lévanjil-la di? I di, ‘Menm wòch-la sé nonm-lan ki té ka bati kay-la widjèkté-a, sé li ki tounen wòch-la ki pli enpòtan an kay-la. Sé Bondyé menm ki fè sa, épi sa sé an bèl bagay pou nou wè!’ ”

Mafyou 4:10

Jézi diʼy, “Alé, sòt isi-a, Satan! Lévanjil-la di, ‘Sé Bondyé Senyè-a an moun ni pou adowé épi sé li yonn ou ni pou sèvi.’ ”

Mafyou 4:4

Mé Jézi wéponn èk i diʼy, “Lévanjil-la di, ‘Sé pa manjé tousèl nonm bizwen pou yo viv, mé yo bizwen obéyi tout pawòl ki sòti an bouch Bondyé.’ ”

Louk 4:12

Jézi wéponn li, “Mi sé sa ki osi ékwi an lévanjil, ‘Ou pa sipozé mandé Bondyé fè sa i pa vlé.’ ”

Twavay 15:10

Kon sa pouki ou vlé fè Bondyé faché? Ou vlé mété on chay lou anlè do sé fwè-a ki pa Jwif-la. Ni nou ni gwan gwanpapa lontan nou pa té sa pòté chay sala.

Twavay 5:9

Lè sala Pita diʼy, “Pouki zòt toulé dé désidé pou zòt manti bay Lèspwi Bondyé kon sa? Sé moun-an ki mennen mawiʼw ay téwé-a an lapòt-la ka viwé, épi yo kay mennenʼw alé ay téwé menm kon mawiʼw.”

1 Kòrint 10:9

Nou pa sipozé miziwé pasyans Senyè-a kon adan yo té fè, épi sèpan détwi yo.

Hibrou 3:9

Magwé yo té ja wè tout sa mwen té fè pou kawant (40) lanné, yo doubout kont mwen pou wè ki sa mwen té kay fè.