Mafyou 4:6 - Tèstèman nèf-la: Épi an posyòn an liv samz-la

⁶ Épi i di Jézi, “Ou sé Gason Bondyé, kouman. Ében, jété kòʼw atè paski lévanjil-la di, ‘Bondyé kay konmandé sé nanj li-a pou yo véyéʼw. Yo kay pòtéʼw an lanmen yo, épi pa menm pyéʼw yo kay kité konyen asou an wòch.’ ”

Mafyou 4:6 ပူးပေါင်းရင်းမြစ်များ

Samz 34:20

Bondyé Senyè-a ka pwotèktéʼy pou anyen pa wivéʼy. Pa menm yonn an zoʼy ki ka kasé.

Samz 34:7

Nanj Bondyé Senyè-a ka wèsté oliwon sé moun-an ki ni wèspé pou Senyè-a pou pwotèkté yo, èk i ka délivwé yo lè yo an danjé.

Mafyou 4:4

Mé Jézi wéponn èk i diʼy, “Lévanjil-la di, ‘Sé pa manjé tousèl nonm bizwen pou yo viv, mé yo bizwen obéyi tout pawòl ki sòti an bouch Bondyé.’ ”

2 Kòrint 11:14

Mwen pa soté, paski jik Satan ki sa moutwé akwèdi i menm sé an nanj ki an klèté.

Hibrou 1:14

Ében ki sa sé nanj-lan yé? Yo sé lèspwi ki ka fè twavay Bondyé, èk Bondyé voyé yo pou édé sé moun-an ki ni pou wisivwè salvasyon-an.