Mafyou 28:9 - Tèstèman nèf-la: Épi an posyòn an liv samz-la

⁹ La menm asou chimen-an, Jézi jwenn yo épi i di yo, “Bonjou.” Yo vini épi yo tjenbé dé pyéʼy épi yo adowéʼy.

Mafyou 28:9 ပူးပေါင်းရင်းမြစ်များ

Mafyou 14:33

épi sé disip-la adowé Jézi épi yo di, “Ou sé Gason Bondyé pou vwé!”

Mafyou 23:7

Épi lè ou ka pasé yo asou chimen, yo vléʼw kwiyé yo ‘Titja’.

Mafyou 28:10

Jézi di yo, “Pa pè, mé alé di sé fwè-a alé Galili, épi yo kay wè mwen la.”

Mafyou 28:17

Lè yo wè Jézi, yo adowéʼy, mé adan pa té kwè sété Jézi.

Mafyou 28:8

Yo kouwi kité twou-a vitman pou alé di sé disip-la. Yo té byen pè mé yo té plen lajwa.

Louk 1:28

Gabwiyèl pawèt douvan fi-a, i diʼy, “Bonjou! Ou ja twouvé favè èk Bondyé, èvèk Bondyé épiʼw.”

Louk 24:52

Yo adowéʼy èk yo viwé alé Jérouzalèm ka widjèwté,

Louk 7:38

èk i akoupi dèyè Jézi bò pyéʼy ka pléwé. I koumansé ka mouyé pyé Jézi èk dlo zyéʼy. Lè i fini i swiyé pyé Jézi èk chivéʼy, i bo pyé Jézi èk i fwoté yo èk losyon-an i té ni-an.

Liv Bon Nouvèl-la Jan Ékwi-a 12:3

Lè sala Mari pwan an boutèy losyon ki té chè an pil. Losyon sala té ni lavalè yon panyt èk i té fèt épi nad pi. I vidéʼy anlè pyé Jézi, épi i swiyéʼy èk chivéʼy. Lòdè losyon-an plen tout kay-la.

Liv Bon Nouvèl-la Jan Ékwi-a 20:19

Byen ta jou Dimanch òswè sala, sé disip-la té ansanm, èk sé lapòt-la té laklé paski yo té pè sé chèf Jwif-la. La menm Jézi vini èk i doubout anpami yo, i di yo, “Mwen ka bay zòt lapé an tjè zòt.”

Liv Bon Nouvèl-la Jan Ékwi-a 20:28

Tonmas di, “Ou sé Senyè mwen èk Bondyé mwen!”

2 Kòrint 13:11

Fwè épi sè, kon mwen ka fini lèt mwen-an, mwen vlé di zòt pou widjèwté, mété lavi zòt annòd, kouté byen sa mwen ka di-a, viv byen épi yonn a lòt, viv an lapé, épi Bondyé ki sé Bondyé-a ki ni tout lanmityé épi lapé-a kay épi zòt.

Wévélasyon 3:9

Gadé, sé moun sala ki ka swiv Satan-an ka manti, yo ka di yo sé Jwif mé yo sé pa Jwif pyès. Gadé, mwen kay fè sé moun sala vini ajounou an dé pyéʼw, épi lè mwen fè sa, yo kay vini wè sé ou mwen enmen.