Sé pou zòt abésé kò zòt douvanʼy. Si pa sa, zòt kay fèʼy faché èk zòt kay mò sibit, paski adan an ti mouman i sa moutwé mannyè i faché. Pa dé bon i bon pou tout moun ki chaché pwotèksyon an li.
Jézi di yo, “Ében mwen ka diʼw, Bondyé kay pwan pwivilaj-la ou té ni pou vini anba kondwit li épi i kay bay an lòt konpanni moun li, moun ki kay fè sa Bondyé vlé. [
Gason Lézòm-lan kay mò menm kon lévanjil-la di, mé ki mizi téwib i kay téwib pou moun-an ki twayi Gason Lézòm-lan! I té kay pli mèyè si moun sala pa té janmen fèt!”
Siméyon benni yo èk i di Mari, manman Jézi, “Ti manmay sala — sé Bondyé ki chwaziʼy pou i fè an chay jan Izwayèl tonbé pou yo pa sa viwé lévé, épi pou i fè on chay lévé pou i sa benni yo. I kay moutwé lézòm ki moun Bondyé yé, èk an chay moun kay palé kont li,
Jézi wéponn, i diʼy, “Ou pa ni pyès pouvwa anlè mwen si sé pa Bondyé ki ba ou pouvwa sala. Kon sa moun-an ki ladjé mwen an lanmenʼw-lan pli koupab paséʼw.”
Kon i ékwi an lévanjil-la, “Gadé, mwen ka plasé an wòch an vil mwen-an ki ka fè moun konyen zòtèy yo épi ki ka fè yo tonbé. Moun-an ki mété konfyans asou wòch sala pa kay janmen hont.”
Yo té jis vlé doubout nou pou nou pa pwéché bay sé moun-an ki pa Jwif-la konmisyon-an ki kay chapé yo anba péché-a. An mannyè sala tout péché-a yo té toujou ka fè-a ja wivé an mizi-a koté Bondyé pa sa sipòtéʼy ankò, épi atjwèlman waj Bondyé désann anlè yo.
Épi kon lévanjil-la di ankò, “Sa sé wòch-la ki fè moun konyen zòtèy yo-a, épi sé li ki kay annékòz yo tonbé.” Yo mantjé tonbé paski yo dézobéyi pawòl Bondyé. Kanmenm sé sa Bondyé té ja désidé.