Louk 9:42 - Tèstèman nèf-la: Épi an posyòn an liv samz-la

⁴² Kon ti gason-an té ka vini, vyé lèspwi-a annèk jétéʼy a tè èk fè kwiz pwanʼy. Jézi konmandé vyé lèspwi-a pou kité ti gason-an. I djéwiʼy èk i bay papaʼy li viwé.

Louk 9:42 ပူးပေါင်းရင်းမြစ်များ

Liv Bon Nouvèl-la Mak Ékwi-a 9:20

Épi yo mennen gason-an ba li. Lè vyé lèspwi-a wè Jézi, i soukwé gason-an menm kon an moun ki ni an malkadi, gason-an tonbé a tè-a épi i woulé oliwon-an, èk bouch li té ka tjimé.

Louk 7:15

Nonm mò-a lévé asid èk i koumansé palé, èk Jézi bay manmanʼy li viwé.

Louk 9:39

Yon vyé lèspwi ka tjenbéʼy èk i ka fè kwiz pwanʼy. I ka fè i sézi èk i ka fè bouch li tjimé. I pa ka kitéʼy tout tan i pa dimi tjwéʼy.

Louk 9:41

Jézi di sé disip-la, “Zòt sé yon jennenwasyon ki mal a konpwann èk san lafwa. Ki mizi tan mwen oblijé wèsté épi zòt? Ki mizi tan mwen kay sipòté zòt?” Èk i di nonm-lan, “Mennen ti gason-an isi-a.”

Louk 9:43

Èk tout sé moun-an té étonnen pou wè gwan pouvwa Bondyé. Sé moun-an té la ka palé toujou konsèné tout sé bagay-la Jézi té ka fè-a, lè i di sé disip li-a,

Liv Bon Nouvèl-la Jan Ékwi-a 6:19

Sé disip-la té ja najé saviyon pou bò twa ében kat lyé, kon sa, lè yo wè Jézi ka maché asou dlo-a ka vini bò kannòt-la, pa dé pè yo té pè!

Twavay 9:41

Pita lonjé lanmenʼy épi i édé Tabifa doubout. Pita kwiyé tout sé moun-an ki kwè an Jézi-a, ansanm épi sé madanm-lan, épi i moutwé yo Tabifa vivan.

Wévélasyon 12:12

“Sé pou tout syèl èk zòt tout ki ka wèsté an syèl-la fè tjè zòt kontan! Mé ki mizi téwib i kay téwib pou zòt ki ka wèsté an latè-a èk pou lanmè-a, paski Denmou ja désann asouʼw. I ni an pil waj paski i sav i pa wèsté djè tan ankò.”